लूका 17:6 - Sirmouri

⁶ प्रभू यीशू ऐ तिन खे जबाब दिता, “जे तुवाँरा बिश्वाष राई के दाँणे जै-तोड़ा भे हंदा; तअ जे तुँऐं बाँनों, बूरासो, अरह् सिसोऐं, के डाल़ों खे बुल्दे के जड़ी शे ऊख्लियों संमुन्द्रो दे लागो, तअ से तुँवारी शुँणेंदें अरह् माँन्दे।

सिरमौरी नौवाँ नियम

⁶ प्रभुए बौल़ौ, “जै तुऔं खै राई कै दाणै कै बोराबर बै बिशवाश हौंदा, तौ तुऐं ऐसी तुन्तौ कै डाल़ो खै बौलदै कै जोड़ो शा ओकशैयो समुन्द्रो दा लागै जा, तौ सै तुंआरी मान पांदा।”

लूका 17:6 ပူးပေါင်းရင်းမြစ်များ

मत्ती 14:29

प्रभू यीशू ऐ तेस्खे अज्ञाँ दिती, “आ!” तबे संत्त-पतरस नाव शा ऊतरियों प्रभू यीशू कैई ज़ाँणों खे पाँणी गाशी हाँड्दा लागा।

मत्ती 17:20

तबे प्रभू यीशू ऐ तिनखे बुलो, “आप्णे बिश्वाष की कमी के कारण, किन्देखे के हाँव तुँओं कैई ऐक खास बात बुलू: के जे तुओं दा राई के दाँणें जे-तोड़ा भे बिश्वाष हंदा; अरह् तुँऐं ईयों धारोंह् खे अज्ञाँ देंदे, के ईथे शो ऊखड़ियों ज़ा! तअ ऐजी धारह् ईथे शी हटीं ज़ाँदी; अरह् किऐ भे बात तुओं खे कठीण ने आथी।

मत्ती 21:21

प्रभू यीशू ऐ तिनखे जबाब दिता, “तुँऐं ऐजी खास बात सम्झी पाव: जे तुवाँरे बिश्वाष हों; षकं-शुभा बिल्कुल भी ने करह्, तअ जुण्जो ईयों तेर्मोल़ी के डाल़ी आरी हुओं, तअ जे तुऐं ऐसी पर्वत घारह् खे भे अज्ञाँ दियोखं, के ‘ऊख्ली ज़ा, अरह् समुँन्द्र दा ज़ाऐयों पढ़!’ तअ ऐजो भे हऐ ज़ाँदो।

मरकुस 4:31

से राई के बींज़ के जेष्णों असो, जबे तेथू जीमी दो बऐ पाई, तअ से दे:ख्णों खे सभी बींज़ शो नहाँन्ड़ो हों।

मरकुस 9:23

प्रभू यीशू ऐ तेस्खे बुलो, “जे किऐ तुँऐं करी सको? ऐजी का बात हऐ! बिश्वाष कर्णो वाल़े खे सब-कुछ हऐ सको।”

लूका 13:19

से राई के दाँणे ऊनंरो असो, जैसी दाँणा ऐकी जिम्दारे आप्णी खेच़ौ दा बुआ: अरह् से जाँमियों बड़ियों बड़ा डाल़ बंणा, अरह् असमाँनों के चंच्चैटू ऐ तिन्दे की शाँऐं दे आप्णें कुह्लो बाणें।”

लूका 17:7

“जे तुँओं मुँझ्षा कोसी का दास हला, अरह् से देसभरी बाल़्दे लई बाँदा-बोंदा के गुवाल़ा, बकरह्ल़ा हला, तअ तुँऐं तैस्खे ऐशो बुल्दे ने के शट आ अरह् आगे खाँदा धूईऊ अरह् खाँणों खे खा?

लूका 19:4

तबे सेजा जक्कंई तिन शा आगे-आगे बिच़ड़ियों ऐक बड़ी डाल़ी ऊबा हुटा, किन्देंखे के प्रभू यीशू तेथै बाटी आँदे लागे थिऐ।

लूका 7:13

तियों माँ दे:खियों प्रभू यीशू के आप्णी सासो दी बैजाऐ असेरो लागी; अरह् दया करियों तियों माँ खे बुलो, “रूऐ ने”

लूका 7:19

तबे संत्त-यूहन्ना ऐ आप्णे चैले मुँझ्षे दो चैले आपु कैई बऐदियों तिनू प्रभू यीशू कैई ऐजो पुछ़णों खे डियाल़े; के “आँणों वाल़े तुँऐं ही असो, के आँमें कोसी ओकी की ठह्ल़णाँऐ करह्?”

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।