लूका 17:29 - Sirmouri

²⁹ परह् जैई लूथ सदोम नंगर शा आगु नीक्ल़ा; तैई असमाँनों शी आग, अरह् गंधक की बरखा हंऐ, अरह् सब-कुछ छ़:तिया नाँष हऐ गुओ।

सिरमौरी नौवाँ नियम

²⁹ पौरौ जैसी दूसै लूत सदोम शहर शै निकल़ा, तैसी दूसै आग औरौ गन्‍धक स्वर्ग पौरैशौ बोरशो औरौ शहर कै सौबी लोगौ कै नाश कौर दिए।

लूका 17:29 ပူးပေါင်းရင်းမြစ်များ

लूका 17:28

अरह् जेष्णें लूथ के देसो दे लोग खाँन्दें-पीन्दें, लेंण-देंण कर्दे रंह थिऐ, खैत्ति-बाड़ी कर्दे, अरह् घरह्-बार बाँण्दें रंह थिऐ;

लूका 17:30

अरह् तैसी देसे भे ऐष्णों ही हंदो; जैसी देसे आदमी का बैटा पर्गट हला।

2 पतरस 2:6

अरह् सदोम अरह् अमोरा के नगर दा नाँष करियों ऐशी सजा दिती, के तिनू भंस्म करियों खेऊँड़ो-माटी मुँझी मिलाऐ दिते जू से आँणों वाल़े बिना भगत्ति के लोगो खे ऐक शिक्क्षा अरह् अनाँणों चिताँव्णी हली,

यहूदा 1:7

जैशे दाँई सदोम अरह् अमोरा अरह् तिनके ऊँडे-पूँडे के नंगर, जुण्जे तिनके जिऐ कू-कर्मी बंणी रूऐ थिऐं, अरह् पराई देह्-शरीर पाछी लागी रूऐ थिऐ, तिनू लोग आगी की सजा दे भस्मं हऐयों ओकी खे अनाँणों बंणें।

प्रकाशितवाक्य 11:8

तिनके मित्त्के तेसी बह्ड़े नंगर के चौक दे पड़े अंदे रह्ले, जिन्देंखे आत्त्मिक रूप शे सदोम अरह् मिस्र बुलो ज़ाँव, जेथै तिनका प्रभू शुँल़ी-फ़ाँशी दे चढ़ाऐ गुवे।

प्रकाशितवाक्य 14:10

सेजे भे पंण्मिश्वर के रोष, के सूर पीला, जुण्जी पंण्मिश्वर के रोष के बैलूवें दी पाऐ गऐ थी, तेसी पबित्र-स्वर्गदूत्तो, अरह् छ़ैल़्टे के सहाँम्णें आग, अरह् गंन्धक की गईरी बैद्णीं दे पाऐ ज़ाले।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।