लूका 17:25 - Sirmouri

²⁵ परह् आगे ऐजो जरूरी ही असो, के तेसी बहूता दु:ख: सहंणा पड़्ला, अरह् ऐसी ज़ुगौ के लोग तेसी छूटा छ़ूत जाँणियों छ़ुड़ी देंदे।

सिरमौरी नौवाँ नियम

²⁵ पौरौ औगौड़ियौ जौरुरी औसौ, कै हांव बौहुत जादा दुख झैलदा औरौ ऐसी जमाने कै लोग मुखै बैकार सौमझौ।

लूका 17:25 ပူးပေါင်းရင်းမြစ်များ

मत्ती 16:21

तेसी बख्तो शुभें प्रभू यीशू आप्णे चैले खे बुल्दे लागे, “जरूर असो, के हाँव यरूशलेम खे ज़ाऊँ, अरह् यहूदी लोगो के ठगड़े अरह् प्रधान-याजकों, अरह् यहूदी-निय्म के शिखाँणों वाल़े के हाथे बैजाऐ भहिते दु:ख पाऊँ; अरह् मारा ज़ाऊँ; अरह् च़ीज़े का ऊबा जीऊँ।”

मत्ती 21:42

प्रभू यीशू ऐ तिनखे बुलो, “कियो तुँऐं पबित्र-ग्रन्थों दो कद्दी ने पढ़ी थंई: के ‘जेसी पाथर राज बाढ़ईऐं नीकारा बाँणा थिया, सेजा ही पाथर कुँणें-कड्वारे का पाथर बंणा? ऐष्णों प्रभू की ढबे शो हुओं, अरह् अमाँरी नंजरी दा ऐजा चंम्त्तकार असो।’

मरकुस 10:33

“दे:खो, आँमें यरूशलेम खे ज़ाँदे लागे, अरह् आदमी का बैटा प्रधान-याजकों अरह् यहूदी भाट-बाँम्ण के हाथे थँम्ब्ड़ाऐ देईदा, अरह् से तेसका नियाँव करियों तेसी मंऊँती की सजा खे अज्ञाँ देंदे, अरह् तेसी गऐर यहूदी के हाथो दा देऐ देंदे।

मरकुस 12:10

कियों तुँऐं पबित्र-ग्रन्थों दो पढ़ी ने थई: के जेसी पाथरो खे तरखाँणिंऐं, निकारा बुला; सेजा ही पाथर कूँणा कंडवारा बणा;

मरकुस 8:31

तबे प्रभू यीशू मसीया तिनू कैई शो ऐजो शिखाँदे लागे, के ऐजो जरूरी असो, के आदमी का बैटा बैजाऐ दु:ख भोग्दे, अरह् यहूदी लोगो के ठग्ड़ै, प्रधान-याजकों, अरह् यहूदी-निय्म, शिखाणों वाल़े, तिनू छुटे बाँण्ले, अरह् तेस्की हंत्त्या करी देले, अरह् से च़ींन देसो पाछी मरे अंदे मुँझ शे जीऊँदे हले।

मरकुस 9:31

किन्देंखे के प्रभू यीशू आप्णे चैले खे शिक्क्षा देंदे बुलो थिऐ, के “आदमी का बैटा, आदमी के हाथे थँम्ब्ड़ाया ज़ाँदा, अरह् से तेसी मारी देले; अरह् से हजो च़ीज़े का ऊबा जीऊँदा।”

लूका 18:31

तबे प्रभू यीशू ऐ आप्णे बारंह् खास-चैले आप्णी गईलो नींऐंयों बुलो, के “दे:खो, आँमें यरूशलेम खे ज़ाँदे लागे, अरह् जै-तोड़ी बातो आदमी के बैटे की बारे दी ऋषियों के जाँणें लिखी गंई थी, सेजी बादी बातो ऐबे पुरी हंदी।

लूका 18:33

अरह् से तैस्दे कोड़े मार्लें, अरह् तैसी जीयाँनिऐ माँरी देले, अरह् दाबी देले; परह् से च़ीज़े का ऊँबा जीऊँला।”

लूका 24:46

अरह् प्रभू यीशू ऐ तिनखे बुलो, “पबित्र-ग्रन्थों दो ऐजो लिखी थो; के मसीया दु:ख्ह भोग्ले, अरह् से च़ींज़े के मंरे अंदे मुँझ्शे पाछु ऊँबे जीऊँदे हंदे।”

लूका 9:22

तबे प्रभू यीशू ऐ बुलो “आदमी के बैटे खे जरूरी असो, के से बैजाऐ दु:ख भोग्ला, अरह् यहूदिया के ठग्ड़ै अरह् सियाँणे, प्रधान-याजकों, अरह् यहूदी-निय्म के शिखाँणों वाल़े तैसी छुटा जाँणियों मांरी देले, अरह् च़ीज़े देसे से मरियों ऊबा जीऊँदा हला।”

यूहन्ना 1:11

से आप्णें लोगों कैई आया, परह् आप्णें ही लोगे ऐ तिनू धारण ने करी।

यूहन्ना 12:38

जिन्दें लई ऋषी-यशायाह का सेजा बचन पुरा हों, जुण्जा तिन्ऐ बुला थिया: के हे प्रभू! कुँणें अमाँरी खुषख्बरी गाशी बिश्वाष करी थुवा? अरह् प्रभू का बाऊँबल़ कोसी गाशी प्रगट् हुआ?