लूका 17:24 - Sirmouri

²⁴ किन्देंखे के जैष्णी बिजूल़ी बिज्ल़ाव आरी असमाँनों शी कड़-कड़ाऐयों ऐकी कुँणें शी गरजियों ओकी कुँणे खे पल-भर्दी दें:खाई पड़ो; तैष्णा ही आदमी का बैटा भे आप्णे देसो दा पर्गट् हंदा।

सिरमौरी नौवाँ नियम

²⁴ जिथुकै जैशै बिजली गौयणै कै ऐकी कुणै पौरैशी निकल़ैयो गौयणै कै ओकी कुणै तौड़ी चौमकौ, ऐशैखैई हांव आदमी का बैटा बै पाछु ओऊंबा, औरौ सौबै लोग मुखै आन्दै बैई दैखदै।

लूका 17:24 ပူးပေါင်းရင်းမြစ်များ

मत्ती 24:27

“जेष्णा बेजल़ाव पुरबो धुंरीं शा चंम्कियों पछ़ियों धुंरीं तोड़ी आँव, ठीक तेष्णी ही आदमी के बैटे की आँवणीं हली।

मत्ती 24:30

“तबे आदमी के बैटे के चींन-नीशाँणी अस्माँनों दी दे:खाई पड़ली, अरह् तबे धर्ती के सब कुल़ों के लोग छ़ाँतीं-हिकुड़े पिटले; अरह् आदमी का बैटा बड़ी शक्त्ति अरह् ठाट-बाट आरी अस्माँनों के बाद्ल़ो गाशी आँदे देख्ले।

मत्ती 25:31

“जबे आदमी का बैटा आप्णी बड़ियाऐ आरी आला, अरह् बादे स्वर्गदूत्त तेसी आरी आले, तअ से आप्णी बड़ियाऐं के सिंगास्हणं गाशी बईठला।

मत्ती 26:64

प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मत्ती 5:15

अरह् लोग दिवा बाल़ियों दिय्ट थाई ने थंह्दे, परह् दिय्ट गाशी लाँव, तबे ही घर के बादे लोगो खे पीयाषो लागो।

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

1 थिस्सलुनीकियों 5:2

किन्देंखे के तुँऐं आपु भे ठीक जाँणों, के जेष्णाँ रात्ती चोर आँव, तेष्णा ही प्रभू को देस भे आँणों वाल़ो असो।

2 थिस्सलुनीकियों 2:2

के कोसी आत्त्मा के बचन के कोसी पंत्री के जाँणें, जुणजी के अमाँरी ढबै शी जेऐ हों; ऐजो जाँणियों के प्रभू को देस आऐ पुझ़ों; ईन्दें लंई तुवाँरा मंन डामाँडोल ने हों, अरह् ना तुऐ डरह्।

2 थिस्सलुनीकियों 2:8

तबे सेजा पापी आप्णी बादी शक्त्ति शा पर्गट हंदा, जेथू प्रभू यीशू आप्णें मुँह शी फ़ूको माँरियों माँरी देंदे; अरह् आप्णें आँणों के त्तेज शा भंस्म करी देंदे।

याकूब 5:8

तुँऐं भे ढैठ-हिम्मत करह्, अरह् सास पाक्का बंणाँव, किन्देंखे के प्रभू के आँवणीं नंजीक असो।

2 पतरस 3:10

परह् प्रभू को देस चुप्पी चोर जिया आँदा, तेसी देसे अस्माँनों दी बैजाऐ बैशुमाँर-बड़ी-बडी गुड़ाको लई अस्माँन लुप्त होंदो, अरह् अस्माँनों के ग्रह्-पीन्ड आगी लई पगल़ी ज़ाँदे, अरह् धर्ती अरह् धर्ती गाष्ली बादी चींजो अरह् काँम-काज़ जल़ी ज़ाँदी।