लूका 16:30 - Sirmouri

³⁰ तेने सैठे ऐं बुलो, ‘हे बाबा अब्राहम! से केथै शुँण्दें! परह् जे कुँऐं मंरे अंदे मुँझ्शा तिन कैई ज़ाँव, तअ से जरूर पसतावा कर्ले।’

सिरमौरी नौवाँ नियम

³⁰ तैणै बौल़ौ, ‘ओए रै बापू अब्राहम; ना, पौरौ जै कुणिए मौरेयौंदे मुंजीदै तिनु ऐजौ चिताए दैंव, तौ सै आपणै पाप कौरणा छोड़े दैलै।’

लूका 16:30 ပူးပေါင်းရင်းမြစ်များ

लूका 13:3

हाँव तुँओं खे ऐशो बुलू, के ऐष्णों ने आथी; परह् जे तुँऐं आप्णा मंन ने बद्ल़ो, तअ तुवाँरो भे ऐष्णों ही छ:त्तिया नाँष होंदो।

लूका 13:5

हाँव तुँओं खे बुलू, के ऐष्णों ने आथी: परह् जे तुँऐं मंन ने बद्ल़ो तअ तुवाँरो भे सोभी को ऐष्णों ही छ:त्तिया नाँष हंदो।”

लूका 16:24

तबे तेने धाव जुराल़ी लेरो माँरियों बुलो, ‘हे बाबा अब्राहम! मुँह गाशी दया-रंऐम करो; अरह् ऐसी लाजर ईथै मुँह कैई डेयाल़ो, जु ऐं आप्णी गुठी पाँणी मुँझी ढबोऐयों मेरी जीबों गाशी टीपु छ़ड़ियों मुँखे शैल़ाऐ पाड़ो; किन्देंखे के हाँव ईनू त्तात्तै लहयारें लई तड़फी रूवा।’

लूका 16:31

परह् बाबा अब्राहम ऐ तैस्खे बुलो, ‘जबे से ऋषी मूसा, अरह् ओकी ऋषियों की ने शुँण्दें; तअ जे कुँऐं मंरे अंदे मुँझ्शा जीऊँदा हला; तअ से तैस्की भे शुँण्दी ने।’”

लूका 19:9

तबे प्रभू यीशू ऐ, तैस्खे बुलो, “ऐत्त्लो ऐसी घरह् का छुट्कारा हुआ; किन्देंखे के ऐ भे अब्राहम का बैटा असो।

लूका 3:8

तअ: मंन बद्ल़णों का परमाँन दियों, अरह् ऐसी धोखे दे आपु खे धोखा ने दिऐ: के ‘आँमें तअ अब्राहाम के अलाद असो!’ किन्देंखे के ऐजो जाँणी पाव के पंण्मिश्वर ईनू पाथरो शी भे अब्राहम खे अलाद पय्दा कर्णो की शक्त्ति थंह्।