लूका 16:25 - Sirmouri

²⁵ परह् बाबा अब्राहम ऐं तैस्खे बुलो, ‘हे बैटा, देई तअ चींत्ते करह् के तुँऐं आप्णी जीवन दी आच्छ़ी च़ीजों लंऐ थंई; परह् ऐसी लाजर दु:ख्ह ही दु:ख भेटी रूवा, परह् ऐबे ऐसी ईथै शाँण्त्ति भेटी रंऐ; अरह् तू तड़फ़ी रूवा।

सिरमौरी नौवाँ नियम

²⁵ पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

लूका 16:25 ပူးပေါင်းရင်းမြစ်များ

मत्ती 27:63

“महाँ-राजा, अमाँरें चींत्ते असो, के तेसी दुरंताणों भरमाणों वाल़े, ऐ जबे से जीऊँदा थिया, तअ से बुलो थियों, ‘हाँव च़ींन देसो पाछ़ी ऊबा जींऊँबा।’

मरकुस 9:45

जे तेरा लात्त ताँव कैई शो पाप कराँव तअ तेसी काटी दे, किन्देंखे के दूई लात्तें नंर्को दो ज़ाणों शो भलो-आछो ऐजो असो, के तू लंगड़ा हऐयों ऐसी जीवन शा स्वर्गो दा ज़ाऐं।

लूका 16:20

अरह् ऐक गरीब-कंगाल लाज़र नाँव का आदमी तैसी सैठो के बाँगलै की देऊँल़ी दा बाँईडा देई थऐ देई थिया; तैसी लाजर के हाथो लात्तो दी खाँडों फाटी अंदी थी, अरह् लोग तेसी आदमी टीपियों सैठो की देऊँल़ी कैई बाँईडा दाई छुड़ी दियो थिऐ।

लूका 16:23

तबे तेने सैठे ऐ जेथै अं-धलोक दी च़ंरी भुक्त्ति लई थी; तेथै शी तेने जबे ऊबे खे झ़ैठ पाऐ, तअ तैस्की नंजर दुर्की तेसी लाजर दी पड़ी अरह् तेने दे:खो के सेजा लाजर जू तैस्की शुणाँव की जुठवाँणी लई पल़ो थिया; से बाबा अब्राहम की आँगोऐदा बंईठा अंदा असो।

लूका 16:26

ईन्दें के अलावा, अमाँरे अरह् तुवाँरे बीच दी ऐक नींगुऐ खाऐ असो; ईन्देंखे जे कुँऐं तुओं कैई पाँडो आँणों चहाँव, तअ से आऐ ने सक्दा, अरह् ना कुँऐ ऐथै शा आँडा आँमों कैई आऐ सक्दा।’

लूका 6:24

परह् नीर्भाग असो, तुँऐं जू सैठ-अमीर असो; किन्देंखे के तुऐं आप्णा सुख-चंऐन भोग्गी पाया।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

रोमियों 8:7

किन्देंखे के आदमी खे आप्णें पाप वाल़े सुभाव दा मंन लाँणा तअ पंणमिश्वर शो बईर असो, किन्देंखे के ना तअ पंणमिश्वर निय्म के बष दे आथी, अरह् ना ऐष्णों हऐ सक्दो;

फिलिप्पियों 3:19

तिनको ऊगल़ी ज़ाँदो, तिनका पंण्मिश्वर सिर्फ पेट असो, से आप्णी बै-शर्मी की बातो दे शियाँगियों ऐ; अरह् धर्ती की बादी चीज़ो दा आप्णा मंन लाँव।

1 थिस्सलुनीकियों 3:3

के कुँऐं ईनू कल़ेषो के जाँणें डगमंगाई ने ज़ाँव; किन्देंखे के तुँऐं आपु भे जाँणोऐं के आँमों ईन्दी की ताँईऐ थऐ थुऐ।

इब्रानियों 11:25

अरह् पाप दे ऐगड़ी के सुख्ह भोगणों के बजाऐ तेने पंण्मिश्वर की प्रजा की गंईलो दुख्ह भोगणें संहणें ही ठीक जाँणें।

1 यूहन्ना 2:15

तुँऐं ना तअ संईसारी शो, अरह् ना संईसारी की कियों भी चींजो शो, पियार थुऐ। जे कुँऐं संईसारी शो पियार थंह्, तअ तैस्दो स्वर्गो के पिता को पियार ने आथी।

प्रकाशितवाक्य 7:14

मुँऐ तैस्खे बुलो: “हे श्री माँन, ऐजो तअ तुँऐं जाँणों।” तेने मुँखे बुलो, “ऐजे सेजे असो, जू बड़े कल़ेष मुँझ शे नींक्ल़ियों आऐ रूऐ; ईनू लोगे आप्णे-आप्णे खोट्णों छ़ैल़्टे के लह्ऊँ लई धुईयों चींट्टे बाँणीं थुऐ।