लूका 16:24 - Sirmouri

²⁴ तबे तेने धाव जुराल़ी लेरो माँरियों बुलो, ‘हे बाबा अब्राहम! मुँह गाशी दया-रंऐम करो; अरह् ऐसी लाजर ईथै मुँह कैई डेयाल़ो, जु ऐं आप्णी गुठी पाँणी मुँझी ढबोऐयों मेरी जीबों गाशी टीपु छ़ड़ियों मुँखे शैल़ाऐ पाड़ो; किन्देंखे के हाँव ईनू त्तात्तै लहयारें लई तड़फी रूवा।’

सिरमौरी नौवाँ नियम

²⁴ तोबै तैणै तैसीकै जोर शै बौल़ौ, ‘ओए रै बापू अब्राहम, मुं पांदी दया कौरेयौ लाजर कै छाड़ै दै, कै सै आपणी गुठी कै पाणी मुंजी बिजोयो मैरै जीभो कै शैल़ै कौरौ, जिथुकै हांव ऐसी आगी कै पीड़ो दा तौड़पे रौआ।’

लूका 16:24 ပူးပေါင်းရင်းမြစ်များ

मत्ती 25:41

“तबे राजा आप्णें डेरे ढबे के लोगों खे टाटी नाँऐयों बुल़्ला, ‘मुँह कैई शे दुर्के ज़ाव, श्रापित्त लोग! हमेशा के नंरक की आगी दे ज़ाव, जुण्जी शैतान अरह् तेस्के दूत्तों खे आगे ही तियार असो।

मत्ती 3:9

अरह् आप्णे-आप्णे सासो दो ऐजो ने सुंचे, के अमाँरा बाबा अब्राहम असो; किन्देंखे के हाँव तुँओं खे बुलू, के पंणमिश्वर ईनू पाथरो शी अब्राहम खे अलाद पय्दा करी सको।

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

लूका 16:30

तेने सैठे ऐं बुलो, ‘हे बाबा अब्राहम! से केथै शुँण्दें! परह् जे कुँऐं मंरे अंदे मुँझ्शा तिन कैई ज़ाँव, तअ से जरूर पसतावा कर्ले।’

लूका 19:9

तबे प्रभू यीशू ऐ, तैस्खे बुलो, “ऐत्त्लो ऐसी घरह् का छुट्कारा हुआ; किन्देंखे के ऐ भे अब्राहम का बैटा असो।

लूका 3:8

तअ: मंन बद्ल़णों का परमाँन दियों, अरह् ऐसी धोखे दे आपु खे धोखा ने दिऐ: के ‘आँमें तअ अब्राहाम के अलाद असो!’ किन्देंखे के ऐजो जाँणी पाव के पंण्मिश्वर ईनू पाथरो शी भे अब्राहम खे अलाद पय्दा कर्णो की शक्त्ति थंह्।

यूहन्ना 4:10

प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 7:37

मेल़ै के आखरी, अरह् खास देसे, प्रभू यीशू खह्ड़े हुऐ; अरह् तिन्ऐं जुराल़ो बुलो, “जे कुँऐ च़ीषा असो, तअ से मुँह कैई आँव, अरह् ऐजो जीवन को जल मुँह कैई शो पीयों।

रोमियों 4:12

अब्राहम खतना करे अंदें का बाबा, ना के सिर्फ बिना खतने करे अंदें का बाबा असो, परह् तिनका भे बाबा असो, जुण्जे तेसी बिश्वाष की बाटो दे चाला, जुण्जा अमाँरे बाबा अब्राहम ऐ बिना खतने की दषा दा धारण करा थिया।

2 थिस्सलुनीकियों 1:8

अरह् जू पंण्मिश्वर ने पछयाँणदे, अरह् अमाँरे प्रभू यीशू की खुषख्बरी ने माँन्दे, तिनूशा से बद्ल़ा लोंदा।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

याकूब 3:6

तेष्णी ही अमाँरी जीभ भे आग जैष्णी हों, जीभ अमाँरें देह्-शरीर दा ऐक अ-धर्म का खजाना हऐ सको, जू अमाँरी बादी देह्-शरीर दा कंल़क अरह् अशुद्ध करी सको; अरह् आपु भे जीवन की चाल-ढाल नाँष कर्णो वाल़ी अगियाव दे बद्ल़ी ज़ाव, अरह् आपु भे नंरक के कुँन्ड दे तियों आगी लई सिल्गी ज़ाँव।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।

प्रकाशितवाक्य 20:15

अरह् जेसी कोसी को नाँव जीवन की कताबे दो लिखों अंदो ने भेंटी, तेसी तियों ही आगी की झ़ील दा पाऐ दिता।

प्रकाशितवाक्य 22:1

तबे ईन्दें पाछ़ी तेने स्वर्गदूत्तें मुँह कैई शी जीवन के जल की नंदी देखाऐ, जुण्जी बिल्लौर के जेष्णी छ़लक्दी, साफ सीसै हार्षी की जेऐ थी, जुण्जी पंण्मिश्वर अरह् छ़ैल़्टे के सिगाँस्ण शी बंह्दें नींक्ल़ों थी।