लूका 16:2 - Sirmouri

² तबे: तेने सैठे ऐं तेसी खजाँन्च़ी बऐदियों तैस्खे बुलो, के ‘ऐजो मुँऐ तेरे बारे दो का शुँणीं लो, ईन्देंखे आप्णें खाजानें का हिसाब-किताब दे; किन्देंखे के तू ऐत्त्लो शुभा मेरा खजाँन्च़ी ने हऐ सक्दा।’

सिरमौरी नौवाँ नियम

² इथकारिए सैठ आदमीए तैसी बौएदैयौ बौल़ौ, ऐजौ का औसौ जू मोऐं तैरै बारै मुंजी शौणै लो? तुऐं मैरै पौयसै शै का कौरौ तिथका हिसाब मुखै दै, आपणै भण्‍डारीपन का लैखा दै, जिथुकै तू औगौड़ियौ मैरा भण्‍डारी ना रौए सौकदा।

लूका 16:2 ပူးပေါင်းရင်းမြစ်များ

मत्ती 12:36

अरह् हाँव तुँओं खे बुलू, के जुण्जी-जुण्जी निकाम्मी बातो आदमी बुल़्ले, पंणमिश्वर के नियाँव के देसे तिनू ऐक नाँम बातो का लेखा-ज़ोखा देणाँ पड़ला।

मत्ती 20:8

“संदो आरी दाख्ह-अंगूरोह् की खेच़ौ के मालिके आप्णें भडारी-सईज़ाल़ी खे बुलो, के ‘धियाड़ूवा बऐदियों, आगले शे ऊँडे पाछ्ले तोड़ी धियाड़ी दे।’

लूका 12:20

परह् पंण्मिश्वर ऐ तैस्खे बुलो, ‘ओ, मुँरूख-ज़गर! आत्त्लो ही रात्ती तेरे पराँण ताँव कैई शे आगु नीह्दें; तअ तबे ऐशो बुल, के जुण्जी किऐ चुवाप्त्त तुँऐं कंठी करी थऐ, ऐबे ऐ कंस्खे हंदी?’

लूका 12:42

प्रभू यीशू ऐ बुलो, के “सेजा बिश्वाष ज़ूगा, अरह् ईमाँनदार ठगड़ा भडारी कुँण असो; जैसी तेस्का माँलिक आप्णें ओकी दास-दासियों गाशला मुँख्या बाँणाओं; जू से तिनू सोभी बख्त्तों गाशी जै-तड़ो भोजन देंणो पड़ो तै-तोड़ा ही भोजन दियों।

लूका 16:1

प्रभू यीशू ऐ चैले खे बुलो, “ऐकी सैठो के ऐक खजाँन्च़ी थिया, परह् लोगे ऐं तेसी खजाँन्च़ी गाशी ऐजा दोष-ईल़्जाँन लाया; के ऐने तेरी धनं-संम्पत्ति ऊड़ाऐ लऐ।

लूका 16:3

तबे तेने खजाँन्च़ी ऐ आप्णें मंन दो सुच्चो, ‘हाँव का करू? किन्देंखे के मेरे माँलिके मुँहँ कैई शा ऐजा खजाँन्च़ी का पद्-भार तअ आगु करा; ऐबे हाँव धियाड़ी-मंजदूरी भे करी ने सक्दा, अरह् भीख माँग्दा भे हाँव सरमाँऊँ ऐं; ऐबे हाँव का करू।

रोमियों 14:12

ईन्देंखे आँमों मुँझ्शा ऐक नाँम पंणमिश्वर कैई आप्णें-आप्णें कर्मों का लेखा-झ़ोखा देला।

1 कुरिन्थियों 1:11

किन्देंखे के हे मेरे भाऐ बंईणों, खलोऐ के घराने के लोगे मुँह कैई तुवाँरे बारे दो बुलो, के तुँओं मुझी झगड़े हंदें लागे।

1 कुरिन्थियों 4:2

अरह् ईथे भडारी दी ऐजी बात जरूर दे:खी ज़ाँव, के से बिश्वाष ज़ूगा हुआ चेंई।

1 कुरिन्थियों 4:5

ईन्देंखे जाँव तोड़ी प्रभू ने आँव, तेसी बख्तो शा आगे कोसी भी बातो का नियाँव ने करे: किन्देंखे के से ईनाँरे दी दब्बी अंदी बातो आपु पियाशै दी दे:खाले, अरह् आदमी के मंन के बिचार भे आपु पर्गट कर्लें, तबे पंणमिश्वर की ढबे शी ऐकी नाँमों के बड़ियाऐ हली।

2 कुरिन्थियों 5:10

किन्देंखे के जरूरी असो, के आँमों सोभी का हाल मसीया के नियाँव के सिगास्णों के साम्णें खुली ज़ाँदा, के ऐक नाँम आदमी आप्णी-आप्णी भली बुरी काँम-काज़ का बद्ल़ा, जू तिन्ऐं देह्-शरीर के जाँणें करी थुवा, तिन्दें का लेखा दियों।

1 तीमुथियुस 4:14

ताँव कैई जुण्जा दाँण-बरंदाँण असो, जुण्जा के ताँव्खे बरंम्बाँणी के जाँणें, कलीसिया के दाँनें-माँनें पुराँणिऐं लोगो के हाँथ ताँव गाशी थंणों लंई भेंटा थिया; तू तेसी बरंदाँन सुवाँ करियों तिन्दी ही लंई सेंवा करे।

1 तीमुथियुस 5:24

कुछ लोगो के पाप सपष्ट रूप शे पर्गट हऐ ज़ाँव, अरह् नियाँव खे आगे ही पऐची ज़ाँव; परह् कुछ लोगो के पाप पाछे पर्गट हों।

1 पतरस 4:10

ऐकी नाँमों खे पंणमिश्वर के जाँणें खास बर्दाण भटी रूआ, ईन्देंखे से पंणमिश्वर के अपार कृपा के आछे भणडारी के रूप दे ओका ओकी की जरूर्तो पुरी कर्णो खे तिन्दें के ईसतेमाल करह्।

1 पतरस 4:5

परह् जू हेभी जीऊँदे, अरह् मरी रूवें तिनू आप्णें कर्मों का लेखा-ज़ूखा प्रभू यीशू मसीया कैई देंणा पड़ला; जू तिनका नियाँव कर्णो वाल़े असो।

प्रकाशितवाक्य 20:12

तबे मुँऐ छुटे, बड़े बादे मँरे अँदे सिंगाँस्हणों के सहाँम्णें खड़े देखे, अरह् कताबे खुली गई; अरह् तबे ऐक ऊकी कताब खुली गऐ, मतल्व जीवन के कताब; अरह् जेष्णों तिनू कताबे दो लिखों अंदो थियों, तेष्णों ही तिनके काँम-काज़ के मुँताबिक तिनू मँरे अँदे का नियाँव करा गुवा।