लूका 16:19 - Sirmouri

¹⁹ “ऐक सैठ आदमी थिया, जू आछे मंख्मल के खोट्णों बाँम्बो थिया; जू रोज सुख्ह-बिलास दा अरह् ठाट-बाट आरी जीयों थिया।

सिरमौरी नौवाँ नियम

¹⁹ यीशुए ऐक उदारण शुणौऊवा, “ऐक सैठ आदमी थिया जू बैजाए मौंगै खोटणो बांबो थिया, औरौ रौज सौबीदु आछौ खाणौ की दावत लांव थिया।

लूका 16:19 ပူးပေါင်းရင်းမြစ်များ

मरकुस 15:17

तिन्ऐं प्रभू यीशू मसीया कैई शे तेथै ज़ाऐयों बैंगनी बतिया के रंग के मख-मल के खोटुणो बंम्बाऐ दिते, अरह् काँडे को ताज बुणियों तिनकी मुँढो गाशी लाओं।

मरकुस 15:20

जबे तिन्ऐं ठाठे पाड़ी पाऐ, तअ तिन्ऐं बैगणीं खट्णों उडे खुलाऐ अरह् तबे तिनके ही खट्णों पाछू तिन कैई शे बम्बाऐ; अरह् तबे तिनू शुँल़ी-फ़ाँशी चड़ाणों खे आगू नींऐ।

लूका 15:13

परह् थोड़े देसो बित्त्णों गाशी तेने काँण्छ़े बैटे ऐं आप्णी बादी संम्पत्ति कंठी करियों बिकी दिती, अरह् आपु तेथै शा दुर देश खे हुटा; अरह् तेथै तेने आप्णी संम्पत्ति शो भेटो अंदो बादो धंन चुरी-जारी दो ऊड़ाऐ दितो।

लूका 16:1

प्रभू यीशू ऐ चैले खे बुलो, “ऐकी सैठो के ऐक खजाँन्च़ी थिया, परह् लोगे ऐं तेसी खजाँन्च़ी गाशी ऐजा दोष-ईल़्जाँन लाया; के ऐने तेरी धनं-संम्पत्ति ऊड़ाऐ लऐ।

लूका 16:18

“जुण्जा कुँऐं आप्णी घरवाल़ी छुड़ियों हजो ओका जाज्ड़ा बाँणों, तअ से चोरी-जारी करह्; अरह् जुण्जा कुँऐं ऐष्णी छुड़ी अंदी तिरंऐ आप्णें शाऊरें आँणों, तअ से भे तियों तिरंई आरी चोरी-जारी ही करह्।

लूका 16:20

अरह् ऐक गरीब-कंगाल लाज़र नाँव का आदमी तैसी सैठो के बाँगलै की देऊँल़ी दा बाँईडा देई थऐ देई थिया; तैसी लाजर के हाथो लात्तो दी खाँडों फाटी अंदी थी, अरह् लोग तेसी आदमी टीपियों सैठो की देऊँल़ी कैई बाँईडा दाई छुड़ी दियो थिऐ।

प्रकाशितवाक्य 17:4

तियों तिरंई ऐ शागो के बतिया के रंगों के जैष्णें खोट्णों बाँम्बी थुऐ थिऐ, अरह् से सुन्नें अरह् किमम्त्ती मंणी अरह् मोत्ती के गुंहणें लेई सज्जी-धज्जी अंदी थी, अरह् तियाँरे हाथो दा ऐक सुन्नें का बैलुवा थिया जू शंगाऊँणी चीजो शा अरह् कू-कर्णी बिचका-काँम की अशुद्ध चींजो शा भरा अंदा थिया।

प्रकाशितवाक्य 18:16

‘हाय! हाय! ऐजा बड़ा नंगर। जू मंल-मंल, अरह् बतिया के रंग के बैंजनी अरह् लाल रंग के खोट्णों बाँम्बी थुऐ थिऐ, जुण्जे सुन्नें रंतन अरह् हिरे मोंत्ती शे सजाऐ अंदे थिऐं।

प्रकाशितवाक्य 18:7

तिन्ऐं जेतोड़ी आप्णी, बड़ियाऐं करी, अरह् तिन्ऐं जे-तोड़ा भोग-बिलास करा, तुँऐं भे तिनखे तेत्री ही परेशाँनी अरह् बैद्णीं दियों; किन्देंखे के से मंन ही मंन बुलो, के हाँव तअ राँणी जेष्णी बंईठी रंऐ, हाँव बिध्वा ने आथी; हाँव कद्दी भे दु:ख बीलाप, अरह् शोक दे ने पड़दी।