लूका 16:10 - Sirmouri

¹⁰ “जुण्जा छुटी-शी छुटी बातो दा ईमाँनदार असो, सेजा बड़ी बातो दा भे ईमाँनदार असो; अरह् जुण्जा छुटी शी छुटी बातो दा बंईमाँन असो, सेजा बड़ी शी बड़ी बातो दा भे बईमाँन असो।

सिरमौरी नौवाँ नियम

¹⁰ जू नानड़ी शै नानड़ी बातौ दै ईमानदार औसौ सै बौड़ी शै बौड़ी बातौ दै बै ईमानदार औसौ। जू नानड़ी शै नानड़ी बातौ दै बेईमान औसौ सै बौड़ी शै बौड़ी बातौ दै बै बेईमान औसौ।

लूका 16:10 ပူးပေါင်းရင်းမြစ်များ

मत्ती 24:45

“कुँण्जा असो, सेजा बिश्वाष ज़ूगा, अरह् सम्झदार दास-बैठू, जेस कैई घर का मालिक आप्णें कुँड़बे-घरोऊँच़ीं की जूमेबारी दियों; के से बख्तो के मुँताबिक सोभी खे भोजन खाँणों का ईन्तजाँम करह्।

मत्ती 25:21

तेस्के मालिके ऐ बुलो, ‘भागोईत असो! आछा अरह् बिश्वाष ज़ुगा दास, तू थोड़े दा बिश्वाष ज़ुगा रूवा; हाँव ताँव भहिती चीजों का अधिकारी बणाँऊँबा। आप्णें मालिक की गईलो आँनन्द-खुशी दा भागींदार हो।’

मत्ती 25:23

“तेस्के मालिके तेस्खे बुलो, ‘भागोईत असो! आछे अरह् बिश्वाष ज़ुगै दास तू जू थोड़े दा बिश्वाष ज़ुगा रूवा; हाँव ताँव भहिती चींजो का अधिकारी बाँणूबा। आप्णे मालिक आरी आँनन्द-खुशी दा भागींदार हो।’

लूका 19:17

तबे तेने सैठे ऐं तैस्खे बुलो, ‘शबाष भाग्ईंत असो! तू आछा दास! किन्देंखे के तू छूटी जुमेंबारी दा भे ईमाँनदार रूवा; ईन्दें खे तू दषं नंगर गाशी हंक-अधिकार करह्।’

यूहन्ना 12:6

तेने ऐजो ईन्देंखे ने बुली, के तेसी गरीब-कंगालो का किऐ फिकर थिया; परह् तैने ऐजो ईन्देंखे बुलो, के से चोर थिया; अरह् तेसी कैई तिनके पंय्सै की थऊँली रंह् थी; अरह् तियों थऊँली दे जुण्जे भे किऐ पंय्सै पाई थिऐ, से तिन्दें मुँझ्शे सेजे पंय्सै चूप्पीं च़ुरियों ऊँडे गाड़ो थिया।

यूहन्ना 13:2

जबे प्रभू यीशू ऐं आप्णें चैले आरी बियाल़ी खाऐ लऐ थी, तबे शैतान ऐ शमौन के बैटे यहूदा इस्करियोती के मंन दा ऐशा पाप पर्गट करा, के तू यीशू धोख्हे शे थंह्म्बड़ाऐ दे।

यूहन्ना 13:27

जेई सेजा रोटी का टुक्ड़ा यहूदा इस्करियोती ऐ आगु करा, तेई शैतान तेख्णीं तेस्दा संमाँया; अरह् तबे प्रभू यीशू ऐं तेस्खे बुलो, “तेरे जुण्जो किऐ कर्णो ऐं सेजो शींघौ करह्।”

इब्रानियों 3:2

जेष्णाँ ऋषी-मूसा पंण्मिश्वर के बादे घराने दा बिश्वाष ज़ुगा थिया; तेष्णें ही प्रभू यीशू भी पंण्मिश्वर खे बिश्वाष ज़ूगै थिऐ, जिन्ऐं तिनू चूणीं-छाँटी थुऐ थिऐ।