लूका 15:8 - Sirmouri

⁸ “हाँव तुओं कैई ऐक बात शुँणाँऊँ, ऐशो जाँणों के जे ऐकी तिरंऐ कैई दषं चाँदी के सिक्कै हों; अरह् तैयारे तिन्दें मुँझ्शा ऐक सिक्का पाऐ ज़ाँव; तअ कियों से दिवा बाल़ियों भित्तर बाऐर सुवाँकरियों जुह्दी रंह्दी ने, जाँव तोड़ी के तियों सेजा पाऐ अंदा चाँदी का सिक्का ने भेटी ज़ाँव?

सिरमौरी नौवाँ नियम

⁸ “यीशुए लोगौ कै ऐक उदारण दिया, जै कोसी बैटमाणिश कैंई दस चांदी कै सिक्‍कै हौंव औरौ तियांरा ऐक सिका हाँईची जांव, तौ सै दिवा बाल़ेयौ, औरौ घोरो पुंडा झाड़ू लांव औरौ तांव तौड़ी ध्यान शै जोन्दै रौंव जांव तौड़ी सैजा सिका भैटी नी जांव।

लूका 15:8 ပူးပေါင်းရင်းမြစ်များ

मत्ती 5:15

अरह् लोग दिवा बाल़ियों दिय्ट थाई ने थंह्दे, परह् दिय्ट गाशी लाँव, तबे ही घर के बादे लोगो खे पीयाषो लागो।

लूका 15:7

हाँव तुँओं खे बुलू, के ऐष्णों ही ऐक मंन बद्ल़णों वाल़े पापी के बारे दे स्वर्गो दे भे खुशी मंनाऐ ज़ाली, किन्दें खे के तिनू निनाँणूऐ झ़ुणें जुण्जे आपु खे धर्मी जाँणों, तिनके मंन दा ऐजा ख्याल हों, के आँमों खे मंनबद्ल़णों के जरूरत ने आथी।

लूका 15:9

जबे सेजा सिक्का तियों भेटी ज़ाँव तअ से आप्णी साथों-हाथों की तिरंई खे बुल़्दे; के ‘मेरी गंईलो खुशी मंनाँव; किन्देंखे के मेरे जुण्जा चाँदी का सिक्का पाऐ रूवा थिया; सेजा सिक्का मुँह भेटी गुवा।’

लूका 19:10

किन्देंखे के आदमी का बैटा पाऐ अंदें जूँह्दा, अरह् तिनू बंचाँदा आऐ रूवा।”

यूहन्ना 10:16

मेरे ऊँकी भे भैड़ो असो, जुण्जी हेबी तोड़ी ईयों भैंड़शाल़ दी ने रंह्दी; ऐबे मेरे तिनू भैंड़ो भे ऊँडी आँण्णीं, अरह् तबे से भे मेरो चूचकर्णो अरह् बुलाँणों शुँण्दी ऐ; तबे मेरी बादी भैंड़ो को ऐक ही रैऊँड़ बंणी ज़ालो; अरह् ऐक ही तिन का हाँव भैंड़वाल़ा हंदा।

यूहन्ना 11:52

ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

प्रेरितो कै काम 19:19

तबे: तेसी नंगर के बादे जादू-टुणें कर्णो वाल़े, लोगे ऐं आप्णी पोत्त्थी-पत्रीं कंठी करियों सोभी लोगों के सहाँम्णें आगी मुँझी जल़ाऐ दित्ती; अरह् जबे देख्णों वाल़े सोभी लोगे ऐं तिनू पोत्त्थी-पत्री का हिसाब-किताब लाया, तअ से किऐ पंचास हजार चाँन्दी के सिक्कै के मोंल के बरा-बर थी।

इफिसियों 2:17

तिन्ऐं आऐयों तुँऐं लोग जू दुर्के थिऐ, अरह् सेजे लोग जू नंजीक थिऐ, तिनू दुई डूंगों खे शाँन्त्ति की खुषख्बरी शुँणाऐं।