लूका 15:6 - Sirmouri

⁶ अरह् से घरेह् आऐयों आप्णे दोस्त्त अरह् पड़ोसी कठै करियों बुल़्दा के मेरी गईलो खुशी मनाँव किन्देंखे के मेरी पाऐ अंदी भैंड़ मुँह पाछु भेटी गऐ।

सिरमौरी नौवाँ नियम

⁶ औरौ आपणै घोरे आयौ दोस्तो औरौ पड़ोसी कै कौठै कौरेयौ बौल़ौ, ‘मैरै साथै जोश्न मोनांव, जिथुकै मैरै हाँईचैयौंदी भेड़ भैटी गौए।’

लूका 15:6 ပူးပေါင်းရင်းမြစ်များ

लूका 1:58

तबे तियाँरें कुड़्बे, अरह् पड़ोसिऐं ऐजो शुणियों के प्रभू ऐ तियों गाशी बैजाऐ बड़ी कृपा करी थऐ, तअ तबे तिन्ऐ तियाँरी गईलो खुशी मनाऐं।

लूका 15:10

हाँव तुओं खे बुलू, के ऐष्णें पंण्मिश्वर के दूत्त भे तैसी पापी खे खुशी मंनाँदे; जुण्जा मंन बद्ल़ियों पसतावा करह्।”

लूका 15:24

किन्देंखे के मेरा ऐजा बैटा मंरी जिया रूवा थिया, ऐ पाऐ रूवा थिया; परह् ऐबे हजो पाछू भेटी गुवा, अरह् से आँनन्द-खुशी मंनाँदे लागें।’

लूका 15:5

अरह् जबे सेजी पाऐ अंदी भैंड़ तेसी भेंटी ज़ाली तबे से बैजाऐ खुशी हऐयों तियों भेड़ आप्णे काँनों गाशी टीपियों घरेह् आँण्दा। लियादा।

लूका 15:7

हाँव तुँओं खे बुलू, के ऐष्णों ही ऐक मंन बद्ल़णों वाल़े पापी के बारे दे स्वर्गो दे भे खुशी मंनाऐ ज़ाली, किन्दें खे के तिनू निनाँणूऐ झ़ुणें जुण्जे आपु खे धर्मी जाँणों, तिनके मंन दा ऐजा ख्याल हों, के आँमों खे मंनबद्ल़णों के जरूरत ने आथी।

यूहन्ना 15:14

जे तुऐं मेरी अज्ञाँ का पाल़्ण करह्; तअ तुऐं मेरे दोस्त्त-साथी बँण्दे।

यूहन्ना 3:29

जेस्की दुल्ह्न असो, सेजा ही दुल्हा असो; परह् दुह्ले का साथी जू दुह्ले की गईलो खह्ड़ा रंह्, अरह् से दुलेह् की बात शुँणियों; बैजाऐ खुशी हों: मेरी खुशी भे ऐष्णी ही असो, जुण्जी कैथी ऐबे ज़ाऐयों पुरी हऐ गऐ।

प्रेरितो कै काम 11:23

जबे बरनबास ऐ तेथै पंह्ऊँच़ियों, पंण्मिश्वर के कृपा, अरह् शाँण्त्ति देखी; तअ से बैजाऐ खुशी-आनन्दित्त हऐ गुवा: अरह् संत्त-बरनबास ऐ सोभी लोगों खे प्रभू दे पाक्कै रंहंणों खे होंस्ला-हिमम्त्त दित्ती।

प्रेरितो कै काम 15:3

तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

फिलिप्पियों 1:4

अरह् जबे कभिऐ तुँओं सोभिखे प्रार्थना करू, तअ सदा आँनन्द-खुशी आरी प्रार्थना करू।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

1 थिस्सलुनीकियों 2:19

तुँऐं बुलो, अमाँरा भूर्षा के खुशी के बड़ियाऐ को मुँकुट का असो? कियों अमाँरे प्रभू यीशू के सहाँम्णें तिन के आँणों के बंख्त्ते तुऐ हंदी ने?

1 पतरस 2:10

ऐक बख्त थिया, जबे तुँऐं पंणमिश्वर की परजा ने थी; परह् ऐबे तुँऐं पंणमिश्वर के परजा असो। आगे तुँओं गाशी दया-रंय्म ने करी थई थी; परह् ऐबे तुँओं गाशी दया-रंय्म करी थऐ।

1 पतरस 2:25

किन्देंखे के तुँऐं आगे तअ भट्की अंदी भैढ़ो जेष्णें थिऐ, परह् ऐबे आप्णी आत्त्मा के रख्वाल़े अरह् बड़े हाक्मों कैई पाछू आऐ रूवे।