लूका 15:5 - Sirmouri

⁵ अरह् जबे सेजी पाऐ अंदी भैंड़ तेसी भेंटी ज़ाली तबे से बैजाऐ खुशी हऐयों तियों भेड़ आप्णे काँनों गाशी टीपियों घरेह् आँण्दा। लियादा।

सिरमौरी नौवाँ नियम

⁵ औरौ जोबै सैजै भेड़ भैटी जांव, तोबै सै बौड़ै खुश हौयौ तियौं कांधे पांदी टिपै दैंव।

लूका 15:5 ပူးပေါင်းရင်းမြစ်များ

लूका 15:32

परह् ऐबे खुशी मनाँणी पड़ो, किन्देंखे के तेरा काँण्छा भाऐ जू अमाँरी लेख्हे मंरी जिया रूवा थिया; परह् ऐ ऐबे जीऊँदा असो, जू पाँऐ रूवा थिया, से आँमों पाछू भेंटी गुवा।’”

लूका 15:4

“जे तुँओं मुँझी कोसी कैई षौ भैड़ो हों; अरह् तिन मुँझ्शी ऐक भैंड़ पाऐ ज़ाँव, तअ कियों से तिनू निनाँणुऐं भैंड़ो जाँगल़ो दी छ़ुड़ियों, तियों पाई अंदी ऐक भैंड़ जुह्दा जाँदा ने; कियों से ताँव तोड़ी जुह्दा ने, जाँव तोड़ी सेजी पाऐ अंदी भैंड़ भेटी ने ज़ाँव?

लूका 15:6

अरह् से घरेह् आऐयों आप्णे दोस्त्त अरह् पड़ोसी कठै करियों बुल़्दा के मेरी गईलो खुशी मनाँव किन्देंखे के मेरी पाऐ अंदी भैंड़ मुँह पाछु भेटी गऐ।

लूका 19:9

तबे प्रभू यीशू ऐ, तैस्खे बुलो, “ऐत्त्लो ऐसी घरह् का छुट्कारा हुआ; किन्देंखे के ऐ भे अब्राहम का बैटा असो।

लूका 23:43

प्रभू यीशू ऐ तैस्खे बुलो, “हाँव ताँव्खे खास बात बुलू, कि ऐत्त्लो ही तू मेरी गंईलो स्वर्गो दा हंईला।”

यूहन्ना 15:11

मुँऐं ऐजो तुँओं कैई ईन्देंखे बुली थो, के मेरी खुशी-आनन्द तुँओं दी बंणी अंदी रंह्; अरह् तुँवारी खुशी-आनन्द पुरी हऐ ज़ाँव।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 3:7

पंण्मिश्वर ऐ आप्णी शँक्त्ति के अधिकार शे मुँखे ऐजी कृपा देऐ थऐ, के हाँव तेसी खुषख्बरी का दास बणू;

1 थिस्सलुनीकियों 1:5

किन्देंखे के अमाँरी खुषख्बरी तुँओं कैई सिर्फ शब्द मात्र ही ने आथी, परह् शक्त्ति अरह् पबित्र-आत्त्मा दे, अरह् पाक्कै इरादे आरी पऊँची रंऐ; जेष्णों तुँऐं जाँणों ऐ के आँमें तुँवारी ताँईऐ तुँओं मुझी कैष्णें बंणी रंह् थिऐ।

2 तीमुथियुस 2:26

अरह् से संक्न्नै-च़ौक्क्ष हऐयों शैतान के तेसी फ़ाँदे-ज़ाल़ शे छ़ुटी ज़ाँव; जेसी जाँल़-फ़ाँदें दे शैतान ऐं आप्णी हिछ़या पुरी कर्णो खे तिनू जक्ड़ी थुऐं।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

1 पतरस 1:5

जुण्जा बिश्वाष के जाँणें पंणमिश्वर की शक्त्ति, लई ज़ूगौ के आखरी दा पर्गट होंणों खे छुट्कारे खे सुवाँ करियों थऐ थुवा स्वर्गो दा।