लूका 15:29 - Sirmouri

²⁹ जैठे बैटे आप्णे बाबा खे जबाब दिता, के दे:ख, हाँव ऐत्री सालह् शुभी तेरी सेवा करदा रूवा, अरह् कंद्दी भे मुँऐ तेरी अज्ञाँ ने टाल़ी; परह् तुँऐं मेरी ताँईऐं ऐक छ़ैल़्टू भे ने काटी थई, के हाँव भे कद्दी आप्णे दुस्त्तो आरी खुशी मनाँदा।

सिरमौरी नौवाँ नियम

²⁹ पौरौ तैणै बापू खै जोवाब दिया, ‘दैख, मोऐं ऐतरै सालो तौड़ी तैरै सेवा कौरे लोए औरौ कौलोंई बै तैरै बात ना टाल़ी, तोबै बै तुऐं मुखै कौलोंई बै आछौ ना दी कै हांव आपणै दोस्तो कै साथै जोश्न मोनाए सौकु।

लूका 15:29 ပူးပေါင်းရင်းမြစ်များ

मत्ती 20:12

‘ऐने ईनखे जुण्जे पाछे आऐ रूऐं, ईनखे भे अमाँरे बराबर धियाड़ी दिती जिन्ऐं ऐके ही घाण्टा काँम-काज़ करी थंऐ, अरह् जिन्ऐं आँमें देसभरी काँम-काज़ करी थंऐ, आँमों खे भे ऐने ऐजी ही धियाड़ी दिती?’

लूका 15:28

ऐजो शुँणियों सेजा जैठा बैटा घीपी गुवा, अरह् से आप्णे कागी भिंठा ने हुटी; तबे तैस्का बाबा आपु बाँईडा आया, अरह् आप्णें जैठे बैटे मनाँदा लागा।

लूका 15:30

परह् जबे तुवाँरा ऐजा काँण्छा बैटा पाछू आया, जेने तुँवारी जजाऐत कू-कंर्मी तिरंई मुँजी ऊड़ाऐ, अरह् तुँवारी बैस्ती कराऐ थऐ, तअ तुँऐं ऐस्की ताँईऐं पाल़ा अंदा बाकरा काटी थुवा।

लूका 15:7

हाँव तुँओं खे बुलू, के ऐष्णों ही ऐक मंन बद्ल़णों वाल़े पापी के बारे दे स्वर्गो दे भे खुशी मंनाऐ ज़ाली, किन्दें खे के तिनू निनाँणूऐ झ़ुणें जुण्जे आपु खे धर्मी जाँणों, तिनके मंन दा ऐजा ख्याल हों, के आँमों खे मंनबद्ल़णों के जरूरत ने आथी।

लूका 17:10

अरह् तुँऐं भे ऐष्णें ही असो; बादी अज्ञाँ का पाल़्ण कर्णों पाछ़ी तुओं भे बुल्णों पड़ो, के आँमें नीलाऐक दास असो! के जुण्जो आँमों कर्णों पड़ो थियों, सेजा ही आँमें आप्णा फर्ज ही पुरा करा।”

लूका 18:9

किऐ लोग आपु खे आप्णें आत्त्मबिश्वाष आरी धर्मी जाँणों थिऐ, अरह् से ओकी लोगो खे पापी अरह् छूत्त जाँणों थिऐ; तिनू लोगो के बिचार दे:खियों, प्रभू यीशू ऐ तिनखे ऐक अनाँणों दितो।

लूका 19:21

किन्देंखे के हाँव ताँव्दा डरू थिया, के तू शक्त्त कठूर आदमी असो: जुण्जो तुँऐं थऐ ने थंई, सेजो तू ऊबो थागे; अरह् जुण्जों तुऐं बऐ ने थई, तैथू भे तू ऊडो लुणें।’

रोमियों 10:3

से पंणमिश्वर की नंजर दे बै-कसूर बंण्णों खे, जुण्जी बाट पंणमिश्वर बंणाँऐं थऐ, से तियों बाटो दे ने चाल्दे; परह् से आप्णी बाणी अंदी बाटो बाटी ज़ाऐयों से आप्खे पंणमिश्वर की नंजर दे बै-कसूर बंण्णों की खोज दे रंह्, अरह् तिन्ऐं पंणमिश्वर की बंणाऐ अंदी बाट ठुकराऐं दिती।

रोमियों 3:20

किन्देंखे के ऋषी-मूसा खे भेटे गुऐं निय्म के पाल़्ण कर्णो शे कुँऐं भे आदमी पंणमिश्वर की नंजरी दा बै-कसूर ने बंणी सक्दा। ईन्देखे के निय्म के जाँणें पाप की पह्‌छ़याण हों।

रोमियों 3:27

तअ तारीफ करणा केथै रूआ? तिन्दें की तअ जागा ही ने आथी। कोसी निय्म के जाणें कियों कर्म कर्णो के निय्म लई? ना! परह् सिर्फ बिश्वाष के निय्म के जाँणें।

रोमियों 7:9

हाँव तअ ऋषी-मूसा खे भेटे गुऐ निय्म के बिना आगे जीऊँदा थिया, परह् जबे मुँऐं ऋषी-मूसा के निय्म के बारे दो जाँणी पाव, तअ के हाँव पापी असो, ऐजो मुँऐं जाँणीं पाव, अरह् हाँव पंणमिश्वर आरी के नाँत्ते शा दुरका हुवा।

प्रकाशितवाक्य 2:17

जिनके काँन हों, से शुँणी पाँव, के पबित्र-आत्त्मा कलीसियाओं खे का बुलो। के जू जींत्ती ज़ाँव, तिन्खे हाँव चुप्पी के मंन्ना मुँझ्शो देऊँबा, अरह् तैस्खे ऐक चीटा पात्त्थर भे देऊँबा; अरह् तेसी पात्त्थर गाशी ऐक नुंवों नाँव लिखो अंदो हलो, तेसी पात्त्थर भेंट्णों वाल़े के सुवाऐ ओका कुँऐं ने जाँण्ला।

प्रकाशितवाक्य 3:17

तू बुले, के हाँव धनी-सैठ असो, अरह् अमीर बंणी रूवा, अरह् मेरे कोसी भी चींजो की कंम्मी ने आथी; अरह् तू ऐजो ने जाँण्दा, के तू नींरभाग, अरह् छुट्टा, अरह् कंगाल, अरह् शैड़ा, अरह् नाँगा असो।