लूका 15:24 - Sirmouri

²⁴ किन्देंखे के मेरा ऐजा बैटा मंरी जिया रूवा थिया, ऐ पाऐ रूवा थिया; परह् ऐबे हजो पाछू भेटी गुवा, अरह् से आँनन्द-खुशी मंनाँदे लागें।’

सिरमौरी नौवाँ नियम

²⁴ जिथुकै मोऐं ऐजौ सोंचै राए थियु, कै मैरा नानड़ा बैटा मौरे गौआ, पौरौ ऐबै जियुंदा औसौ ऐजा हाँईची रौआ थिया, औरौ ऐबै भैटी गौआ।’ औरौ सै सौबै जोणे जोश्न मोनादै लागै।

लूका 15:24 ပူးပေါင်းရင်းမြစ်များ

मत्ती 8:22

प्रभू यीशू ऐ तेस्खे बुलो, “तू मुँह पाछी आ, अरह् मुँड़्दे आप्णें मुँड़्दे दाबणों दे।”

मरकुस 8:22

प्रभू यीशू अरह् चैले बैतसैदा दे आऐ, अरह् लोगे ऐक शैड़ा तिन कैई लियाऐया, अरह् ढाल-अरज करी के ऐसी छुवों।

लूका 10:19

मुँऐ तुँओं शोंगाव, अरह् बीच्छों, अरह् बईरी की बाद्दी शक्त्ति नाँष कर्णों का हंक-अधिकार तुओं खे देऐ थुऐ; किऐ भे च़ीज तुवाँरा नुक्साँन ने करी सक्दी।

लूका 15:23

अरह् बाड़े का पाल़ा अंदा बाकरा काटियों खुशी मनाओं अरह् मेरी आँगणें दी गियो लाओ।

लूका 15:25

“परह् तेसी बाबा का जैठा बैटा तेख्णों खेच़ौ दा थिया। अरह् जबे से खेच़ौ शा आँदा लागा थिया; तअ तेने आप्णें आँगणे दा बजाणों का अरह् नाँचणों का रूल़ा शुणाँ।

लूका 15:32

परह् ऐबे खुशी मनाँणी पड़ो, किन्देंखे के तेरा काँण्छा भाऐ जू अमाँरी लेख्हे मंरी जिया रूवा थिया; परह् ऐ ऐबे जीऊँदा असो, जू पाँऐ रूवा थिया, से आँमों पाछू भेंटी गुवा।’”

लूका 15:4

“जे तुँओं मुँझी कोसी कैई षौ भैड़ो हों; अरह् तिन मुँझ्शी ऐक भैंड़ पाऐ ज़ाँव, तअ कियों से तिनू निनाँणुऐं भैंड़ो जाँगल़ो दी छ़ुड़ियों, तियों पाई अंदी ऐक भैंड़ जुह्दा जाँदा ने; कियों से ताँव तोड़ी जुह्दा ने, जाँव तोड़ी सेजी पाऐ अंदी भैंड़ भेटी ने ज़ाँव?

लूका 19:10

किन्देंखे के आदमी का बैटा पाऐ अंदें जूँह्दा, अरह् तिनू बंचाँदा आऐ रूवा।”

लूका 9:60

प्रभू यीशू ऐ तैस्खे बुलो, “मुँड़्द आप्णें मुँड़्दे दाब्णों दियों; परह् तुऐं ज़ाऐयों पंण्मिश्वर के राज्य के खुष्खबरी का प्रचार करह्।”

यूहन्ना 11:25

प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

रोमियों 11:15

किन्देंखे के जबे तिनका छ़ुड़ा ज़ाँणा, पंणमिश्वरो आरी संईसारी के मिलाप का कारण बंणाँ, तअ कियों तिनका धारण करा ज़ाँणा, मरे अंदे मुँझ्शे ऊबे जींऊँणों के बराबर हंदी ने?

रोमियों 12:15

खुशी-आनन्द मनाँणों वाल़े की गईलो खुशी-आनन्द करह्, अरह् रूणों वाल़े आरी रूऐ।

रोमियों 6:11

तेष्णें ही तुँऐं भे आपु-आप्खे पापो की ताँईऐं तअ मरे अंदे, परह् पंणमिश्वर की ताँईऐं प्रभू यीशू मसीया दे जीऊँदे संम्झो।

रोमियों 6:13

तुँऐं आप्णी देह्-शरीर के अंग अ-धर्म की सेवा कर्णो खे पाप खे ने दिऐ, परह् तुँऐं आपु खे मरे अंदे मुँझ्शा जीऊँदा जाँणियों पंणमिश्वर खे देऐ दियों, अरह् आप्णें अंग पंणमिश्वर की नंजरी दे आछे काँम-काज़ की सेवा कर्णो खे देऐ दियों।

रोमियों 8:2

किन्देंखे के आत्त्मा के निय्म जुण्जे यीशू मसीया के जाँणें, आँमों खे जीवन दियों; से मुँखे पाप अरह् मंऊँती के बष शी मुँक्त्ति दियों।

1 कुरिन्थियों 12:26

ईन्देखे जे ऐक अंग खे दु:ख भेटो, तअ बादे अंग तेसी आरी दु:ख भोगो; अरह् जे ऐकी अंग की बड़ियाऐं हों, तअ बादे अंग तेसी आरी आँनन्द-खुशी मनाँव।

इफिसियों 2:1

ऐक बख्त थिया, जबे तुऐ लोग अपराध अरह् पापो के जाँणें आत्त्मिक रूप शे मँरे अँदे थिऐं

इफिसियों 2:5

अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

इफिसियों 5:14

अरह् जुण्जो देखियों पर्गट हों, से आपु भे त्तेज-प्रकाश बंणों, ईदेखे पबित्-ग्रन्थों दो लिखी थुओं: के “हे सुतणों वाल़े, नींज़ो शे ऊबे बिऊँजो, अरह् मँरे अंदे मुझ्शे ऊबे जियों, मसीया का त्तेज-प्रकाश तुँओं गाशी चंम्मकोदा लागा।”

कुलुस्सियों 2:13

पंण्मिश्वर तुँओं भे, जू आप्णे देह्-शरीर के खतना के बिना मँरे अँदे जिऐ थिऐं, तिन्ऐं अमाँरे बादे पाप माँफ़ करियों तुँओं भे मसीया आरी ऊबे जीयाल़ी दिते।

1 तीमुथियुस 5:6

परह् जुण्जी बिध्वा भोग-बिलास दे पढ़ी गऐ, से जीऊँदी हंऐयों भे मँरी गंऐ।

यहूदा 1:12

ऐजे लोग तुँवारी पियार की खुम्ल़ी दो तुँवारी गईलो खाँदें, पींन्दें रंह्, ऐजे लोग संमुन्द्रो दी छुपी कऐड़ी जेई असो; अरह् बै-झीझ्क बै-धड़क आप्णों पेट-ओजरा भरो; से बिना पाँणी के बाद्ल़ो जिऐ असो, जुण्जे बागूरिऐ ऊड़ाऐ ज़ाँव; ऐ बै-मोस्मी फल़ की जेई डाली जुण्जी दूबंई मंरी गुऐ अरह् जंड़ शै ऊखलियों हुटे।

प्रकाशितवाक्य 3:1

“सरदीस नंगर की कलीसिया के दूत्त खे ऐजो लिख: “जेस कैई पंण्मिश्वर की सात्त आत्त्मा अरह् सात्त तारे असो, से ऐजो बुलो के हाँव तेरे काँम-काज़ जाँणू ऐ: ताँव्खे जीऊँदा तअ बुली ऐ, परह् तू असो ऐ मँरा अँदा।