लूका 13:28 - Sirmouri

²⁸ जबे तुऐं, अब्राहम, इसहाक, याकूब, अरह् सोभी ऋषियों के पंण्मिश्वर के राज्य दो दे:ख्ले, परह् आपु खे फींट्कारा ही पाले, तबे तुऐ रूले, अरह् आप्णें दाँदो की च़ुरी च़ाक्ले।

सिरमौरी नौवाँ नियम

²⁸ तिथै रुणु औरौ दांद चाकणै हौंदौ, जौल़ौ तुऐं अमारै पुराणिया अब्राहम औरौ इसहाक औरौ याकूब औरौ सौबी पौरमेशवर कै बातौ बौताणौवाल़ै खै पौरमेशवर कै राज्य दै बौठैयौंदे, औरौ आपी खै बायरै निकाल़दै बैई दैखलै।

लूका 13:28 ပူးပေါင်းရင်းမြစ်များ

मत्ती 13:42

अरह् तिनू आगे के कुँड दे पाऐ देंदे, जेथै सिर्फ रूणा-धुणा अरह् दाँद ही च़ाक्णें पड़ले।

मत्ती 13:50

अरह् तिनू आगी के कुँड दे पाँऐ देंई दे; जेथै सिर्फ रूणा-धोणाँ अरह् दाँद ही च़ाक्णें ही पड़ले।”

मत्ती 22:13

तबे राजा ऐ आप्णें दास-बैठू खे बुलो, ‘ऐस्के हाथ लात्त बाँनियों ऐसी बाऐर ईनाँरे दा पाऐ दियों, तेथै रूणा-धुणा अरह् दाँद चाकणें पड़ले।’

मत्ती 24:51

तबे सेजा माँलिक तेस्खे बैजाऐ भहिती डाँट-झाड़ देला, अरह् तेस्की बराबरी पाखंसियों आरी करला; तेथै रूणा-धुणा अरह् दाँद च़ाक्णा हले।”

मत्ती 25:30

अरह् ऐसी निकाँमा दास बाँईडा निईयों, ईनाँरे दा पाव जेथै रूणा-धोंणाँ अरह् दाँद च़ाक्णा हला।’

लूका 10:15

अरह् ‘ओ, कफरनहूम, कियो तू स्वर्गो तोड़ी ऊगलो हंईदो? ताँव तअ पत्ताल़ो शो भे नींगुओ पाँऐ देई दो!’

लूका 14:15

प्रभू यीशू की गईलो भोजन कर्णो वाल़े मुझ्शो ऐकी ऐ ऐजी बातो शुणियों, तिनखे बुलो, “भागोईत्त असो! सेजा जू पंण्मिश्वर के राज्य दा भोजन करला।”

लूका 16:23

तबे तेने सैठे ऐ जेथै अं-धलोक दी च़ंरी भुक्त्ति लई थी; तेथै शी तेने जबे ऊबे खे झ़ैठ पाऐ, तअ तैस्की नंजर दुर्की तेसी लाजर दी पड़ी अरह् तेने दे:खो के सेजा लाजर जू तैस्की शुणाँव की जुठवाँणी लई पल़ो थिया; से बाबा अब्राहम की आँगोऐदा बंईठा अंदा असो।

2 थिस्सलुनीकियों 1:5

ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

2 पतरस 1:11

परह् ऐशे दाँई तुँऐं अमाँरे प्रभू अरह् बचाँणों वाल़े प्रभू यीशू मसीया के सदा की राज्य दे बड़े आदर आरी दाखिल हऐ ज़ाँले।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।