लूका 12:4 - Sirmouri

⁴ तबे प्रभू यीशू ऐं हजो बुलो, के “हे मेरे दोस्त्तो हाँव तुओं खे ऐशो बुलू, के जुण्जे लोग देह्-शरीर प्राँण माँरी दियों; परह् तिन के ऊको किऐ ने करिन्दो, तिन शे ने डरे।

सिरमौरी नौवाँ नियम

⁴ “पौरौ ओए रै दोस्तो हांव तुऔं बुलू, कै जू शोरीरो कै मारै सौकौ पौरौ तैसकौ जादा किछै ना कौरे सौकौ, तिनुदै ना डौरेया।

लूका 12:4 ပူးပေါင်းရင်းမြစ်များ

मत्ती 10:28

तेस्दे ने डरे, जुण्जा देह्-शरीर मारो, परह् तेस्दे डरे, जुण्जा आत्त्मा अरह् देह्-शरीर दुईनें नंरक दे नष्ट करी सको।

यूहन्ना 15:13

ईन्दें शो बंड़ो प्यार ऊको किऐ ने आथी; के कुँऐं आप्णें साथी-दोस्त्तो की ताँईऐं आप्णें प्राँण-जीयाँन देऐ दियों।

प्रेरितो कै काम 20:24

मेरी नंजरी दे, मेरे जीवन-प्राँण के किऐ भे मोंल-किमम्त्त ने आथी; मेरे आप्णी जीयाँन-प्राँण प्यारे आथी ने: हाँव सिर्फ आप्णीं सेजी दोऊँड़ खह्त्तंम कर्णी चहाँऊ; अरह् सेजी सेंवा पुरी कर्णी चहाँऊ; जुण्जी प्रभू यीशू ऐं मुँह्खें देऐ थंऐ, मतल्व हाँव पंण्मिश्वर के कृपा की खुषख्बरी की गुवाऐ-शाज़्त्त देंदा रंह्ऊँ;

प्रेरितो कै काम 4:13

जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ।

फिलिप्पियों 1:28

अरह् कोसी बात दे बईरी दे ने डरो; तुँवारी ऐजी हिम्मत्त पंण्मिश्वर का बरंदाँण असो; अरह् बईरी के नाँष का नंतीजा असो, अरह् तुँओं खे ऐजा पंण्मिश्वर की ढबै शा मुँक्त्ति का नंतीजा असो।

याकूब 2:23

अरह् पबित्र-ग्रन्थों का सेजा बचन पुरा हुआ, के “अब्राहम ऐ पंणमिश्वर का बिश्वाष करा, अरह् सेजा बिश्वाष तेस्खे धर्म माँना गुवा” अरह् तेसी पंणमिश्वर का साथी माँना गुवा।

1 पतरस 3:14

जे तुँओं प्रभू की अछाई के जाँणें दु:ख भे भूगणा पड़ो, तअ तुँऐं भागोईत असो! परह् लोगो के डरावे दे ने डरे अरह् ना घबराऐं।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।