लूका 12:19 - Sirmouri

¹⁹ अरह् तबे हाँव आपु आप्खें बुलूबा, के ऐबे ‘मुँह कैई कंई सालह् खे आच्छ़ी चीजो कंठी असो; ऐबे हाँव बिषाँव करूबा! अरह् खाँऊबा, पीऊँबा; अरह् आनन्द-मंज्जै करूबा!’

सिरमौरी नौवाँ नियम

¹⁹ इथकै बाद, हांव आपी खै बुलूबा, मुंआगै भौरिशै सालो कारिए बैजाए फसल कौठै औसौ, औरौ ऐबै आराम कौर, खा, पी, सुख शै रौ।’

लूका 12:19 ပူးပေါင်းရင်းမြစ်များ

लूका 12:18

तबे तेने आप्णें सासो दा बिचार करा, हाँव ऐशो करूबा; के आप्णें पुराँणें कुँठार-कुँठारी अरह् ढूब्बल़ी छ़ुड़ियों; हजो ईन्दें शी भी बड़ी बाँणूबा, अरह् तिन्दों आप्णों बादो नाँज-पाँणी, अरह् बादा माँल-टाल कंठा करियों थंऊँबा।

लूका 16:19

“ऐक सैठ आदमी थिया, जू आछे मंख्मल के खोट्णों बाँम्बो थिया; जू रोज सुख्ह-बिलास दा अरह् ठाट-बाट आरी जीयों थिया।

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

1 कुरिन्थियों 15:32

जे हाँव आदमी के हिसाब शा इफिसुस दा जानबरो आरी लड़ा तअ मेरे का फाय्दा हुआ? जे मुड़दे ऊबे ने जीयाल़े ज़ाव, “तअ आओ खाव-पीयों, किन्देखे के दोत्ती तअ मरी ही ज़ाँणों।”

फिलिप्पियों 3:19

तिनको ऊगल़ी ज़ाँदो, तिनका पंण्मिश्वर सिर्फ पेट असो, से आप्णी बै-शर्मी की बातो दे शियाँगियों ऐ; अरह् धर्ती की बादी चीज़ो दा आप्णा मंन लाँव।

1 तीमुथियुस 5:6

परह् जुण्जी बिध्वा भोग-बिलास दे पढ़ी गऐ, से जीऊँदी हंऐयों भे मँरी गंऐ।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

2 तीमुथियुस 3:4

बिश्वाषघाती, ढीठ, घमंडी, अरह् पंण्मिश्वर के ने, परह् आप्णे भोग-बिलास के चहाँणों वाल़े ही हंदे।

याकूब 5:5

संईसारी धर्ती गाशी तुवाँरा जीवन बैजाऐ सुखी-आँनन्द थिया, अरह् तुँवारा दिल भे देह्-शरीर की हिछ़या शा भरा अंदा थिया, जिन्दें लई तुँऐं मुँटे-ताजे हंऐ रूऐ थिऐ, जेष्णें बाड़े के भात्ती मुँटियों।

1 पतरस 4:3

किन्देंखे के अ-बिश्वाषी लोगो की जैई काँम-काज़ ने करे, अरह् चलाकी, की बुरी हिछा, मतवाल़ापंण, बुरो हस्णों-खेल्णों, पिय्कड़पंण, अरह् शंगाँव्णी मुर्त्तियों पूजा दा जेथै तोड़ी आँमें आगे बख्त गुवाऐ थुवा, सेजा भे बैजाऐ असो।

प्रकाशितवाक्य 18:7

तिन्ऐं जेतोड़ी आप्णी, बड़ियाऐं करी, अरह् तिन्ऐं जे-तोड़ा भोग-बिलास करा, तुँऐं भे तिनखे तेत्री ही परेशाँनी अरह् बैद्णीं दियों; किन्देंखे के से मंन ही मंन बुलो, के हाँव तअ राँणी जेष्णी बंईठी रंऐ, हाँव बिध्वा ने आथी; हाँव कद्दी भे दु:ख बीलाप, अरह् शोक दे ने पड़दी।