लूका 11:4 - Sirmouri

⁴ अमाँरे पाप माँफ करह्, किन्देंखे के आँमें भे आप्णे अपराधी खे माँफ करह्, अरह् आँमों परख-अजमाँऐष दे ने पाऐ।”

सिरमौरी नौवाँ नियम

⁴ औरौ अमारै पापौ कै माफ कौर, जिथु आमुए बै आपणै हरेक अपराधी कै माफ कौरु, औरौ आमुखै परीक्षा दै नै पोड़णो दैया।’”

लूका 11:4 ပူးပေါင်းရင်းမြစ်များ

मत्ती 18:35

“मेरा स्वर्गो का पिता भी तुँवारी गईलो ऐजो ही करदा, जे तुँओं मुँझ्शो ऐक नाँम आप्णें भाऐ, बंऐणी के पाप दिल शे तिस्खे माँफ ने कर्ले।”

मत्ती 26:41

बीऊँजी रंह्, अरह् प्रार्थना कर्दे रंह्, के तुँऐं परख दे ने पड़ो: आत्त्मा तअ तियार असो, परह् देह्-शरीर कंंमजोर असो।”

लूका 11:5

प्रभू यीशू ऐ चैले खे ऐजो बुलो, “माँनों तुँओं मुँझ्षा कुँण आधी रात्तिऐ आप्णें कोसी दोस्त्तो कैई ज़ाऐयो बुलो, ‘दोस्त्त, मुँखे च़ीन रोटी ऊधारी दे,

लूका 13:4

कियों तुँऐं ऐशो जाणों के शिलोह को छ़त्रों के ऊँदे पड़णों लई, सेजे अठारह् झ़ुणें आदमी दबे थिऐ; सेजे यरूशलेम के सोभी रंणों वाल़े शे जादा अपराधी-कसूरबार थिऐ?

लूका 22:46

तबे प्रभू यीशू ऐ तिनखे बुलो, “कियो रे, सुत्ती रूऐ? ऊबे बीऊँजो, अरह् प्रार्थना करह्; के तुँऐं परिक्षा दे ने पड़ो।”

लूका 8:13

अरह् जुण्जो बीज़ पाथरो-शगाल़ी मुँझी पड़ो, सेजो बीज़ ऐजो असो, के जुण्जे बचन शुण्दे ही तैसी बचन माँनी पाँव; परह् तैसी बचन दे से पाक्कै हऐयों जड़ ने पाक्ड़दे, से कुछ बख्तो तोड़ी तअ तैसी बचन दा बिश्वाष करह्, परह् परख के बख्ते से अट्ल़ ने रंह्दे अरह् से ऊँदे ज़ाँव।

यूहन्ना 17:15

हाँव तुओं शी ऐजी प्रार्थना-बिनत्ती ने करदा, के तुऐं तिनू लोग ईयों संईसारी शे ऊँबे थागो; परह् ऐजी प्रार्थना-बिनत्ती करू, के तुऐं ईनू लोग तेसी दुष्ट-शैतान शे बंचाऐयों थुऐ।

1 कुरिन्थियों 10:13

कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

कुलुस्सियों 3:13

अरह् जे कोसी के कोसी गाशी दोष-ईल़्जाँम लाणों का, मतल्व हों; तअ ओका ओकी की ऊँडी सुवें, अरह् ओका ओकी के कसूर माँफ करह्; जैष्णें प्रभू ऐ तुवाँरे पाप माँफ करे, तेष्णें ही तुँऐं भे करह्।

2 थिस्सलुनीकियों 3:3

परह् प्रभू साच्चा, असो; से तुँओं बिल्कुल पाक्कै करदा, अरह् दुष्टो शे बंचाऐयों थोंदा।

2 तीमुथियुस 4:18

अरह् प्रभू मुँह ऐक नाँम बुरे काँम शा छुड़ाऐ देले; अरह् मुँह आप्णें स्वर्गो के राज्य दा सुवाँ करियों पंईचाल़ी देले; तिनकी ही बड़ियाऐ ज़ूगौ-ज़ूगौ दी हंदी रंह्। आमीन।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।