लूका 11:36 - Sirmouri

³⁶ ईन्देंखे जे तेरी बादी देह्-शरीर ऊज्ल़ी-साफ हली, अरह् ईन्दें का कुँऐं भे हिस्सा ईनाँरा ने रंह्, तअ तेरी देह्-शरीर ऐष्णा ही संदा प्रकाषमाँन हंदा; जैष्णाँ के दिवा आप्णी पियाषे लई, तुओं पियाषै ऊँजल़े थों।”

सिरमौरी नौवाँ नियम

³⁶ इथकारिए जै तैरा सौबै शोरीर पेयाशै दा औसौ, औरौ तिंदु दैणी बै इनारौ ना आथी, तौ सै सौबी जौगैह पेयाशो दैंदौ, जैशै ऐक दिवा आपणै चौमक लैई ताखै पेयाशो दैंव।”

लूका 11:36 ပူးပေါင်းရင်းမြစ်များ

मत्ती 13:52

प्रभू यीशू ऐ तिनखे बुलो, “ऐजा ही कारण असो, के यहूदी-निय्म का शिखाणों वाल़ा, जुण्जा स्वर्गो राज्य के बारे दा शिखाया गुवा; से परिबार के मुँखिया ठगड़ा अगुवे जेष्णें असो, जुण्जा आप्णें खजाने संईजाल़ों शी नंई, अरह् पुराँणी चीजो निकाल़ो।”

मत्ती 5:15

अरह् लोग दिवा बाल़ियों दिय्ट थाई ने थंह्दे, परह् दिय्ट गाशी लाँव, तबे ही घर के बादे लोगो खे पीयाषो लागो।

लूका 11:35

ईन्देंखे ख्याल थुऐ, के जुण्जा त्तेज-प्रकाष तुओं दा असो; सेजा ईनाँरा अंन्धकार दा ने बंणी ज़ाँव।

लूका 11:37

जबे प्रभू यीशू ऐ बचन का ब्खाँण करी पाया, तअ कोसी यहूदी भाट-बाँम्णें तिन कैई ऐजी बिनत्ती करी के मेरे कागी भिटे भोजन कर्दे चालो, अरह् तबे से भिटे ज़ाऐयों भोजन कर्दे बईठे।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

इफिसियों 4:14

च़ौक्क्ष रूऐ, के कोसी आदमी की ठग-बाजी शे अरह् छल़-कप्ट शे, अरह् चुगली चलाकी शे, तुँऐं बह्काऐ-दुर्ताऐ ने ज़ाँव, के लोग तुँओं नहाँन्ड़िया जिऐ ने भट्काऐं दियों,

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

इब्रानियों 5:14

परह् नाँज अरह् भारी खाणाँ, तअ बह्ड़े सम्झदार लोगों खे ही हों, जुण्जे ज्ञाँन-संहम्झ़ दे अरह् भले बुरे के भेंद् कर्णो दे संहम्झ़दार हों।

याकूब 1:25

परह् जू आदमी पंणमिश्वर के बादे ज्ञाँन-निय्म के मुँताबिक नंजीक शे दे:खो, जिन्दे लई तेसी अजादी भेंटो, अरह् तिन्दे गाशी से बिचार भे करिया करह्, अरह् शुणिऐयों बिना भूली-बिसरी तिन्दे के बिचार दा चाल्दा रंह्, सेजो ही आप्णे कर्मों खे आशिर्बाद पाँदा।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।