लूका 11:34 - Sirmouri

³⁴ तुवाँरी आँख तुवाँरे देह्-शरीर खे दिवा असो; जे तुवाँरी आँख आच्छ़ी हों, तअ तुवाँरा बादा देह्-शरीर भे प्रकाषमाँन असो; परह् जे तुवाँरी आँख खराब असो, तअ तुवाँरा बादा देह्-शरीर भे अंन्धकार दा असो।

सिरमौरी नौवाँ नियम

³⁴ तैरै शोरीर का दिवा तैरै आखी औसौ, इथकारिए जोबै तैरै आख आछी औसौ, तौ तैरा सौबै शोरीर पेयाशै दा औसौ, पौरौ जोबै तैरी आख बुरी औसौ तोबै तैरा सौबै शोरीर बै इनारै दा औसौ।

लूका 11:34 ပူးပေါင်းရင်းမြစ်များ

मरकुस 4:12

किन्देंखे, के ‘जू से दे:खो तअ असो ऐ, परह् ईन के किऐ दे:खिदो ने आथी, से शुणों तअ असो ऐ, परह् से सम्झों दे ने आथी, साचो तअ ऐजो असो, के कोदी ऐशो ने हईयो के ऐ मुँह कैई आँव, ईनू माफी भेटो!’”

मरकुस 7:22

लोभ, लाल़्च, दुष्टता, छल़-कप्ट, लूची, बुरी नंजर, नीदया-चुगली, घमन्ड अरह् मुरूख्ता ही निकल़ो।

मरकुस 8:18

आँ:खी हंदे भे तुँऐं दे:ख्दे ने अरह् काँन हंदे भे तुँऐं शुण्दे ने, कियों तुवाँरे किऐं ने चींत्ते आथी?

लूका 11:35

ईन्देंखे ख्याल थुऐ, के जुण्जा त्तेज-प्रकाष तुओं दा असो; सेजा ईनाँरा अंन्धकार दा ने बंणी ज़ाँव।

प्रेरितो कै काम 13:11

ऐबे देख, प्रभू का हाथ तेरे बिरूध ऊँठी गुवा; तू शैड़ा हंऐ ज़ाँईदा, अरह् तेस्के तेख्णीं सुर्जो का प्रकाष झ़ाँमरा देखाँई पड़ा;” तबे से ऊडा-पुडा जुह्दा लागा, के कुँऐ तेस्का हाथ थाँम्बड़ियों तेसी तेथै शा कैथी ओक्त्ते आगु नींयों।

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

प्रेरितो कै काम 26:18

हाँव तिनकी आखी खोल्णों खे, तिनू ईनाँरे शे ज्योत्ति की ढंबै फ़ेर्णो खे; मतल्व शैतान की शक्त्ति शे दुर्के करियों; पंण्मिश्वर की ढबै कर्णो खे, ताँव तिन कैई डेयाल़ूबा; जिन्दें लंई से मुँदा बिश्वाष कर्णो के कारण आप्णें पापों की माफी पाँव, अरह् पबित्र करे अंदे भगत्तों आरी से भे मीरास पाँव।’

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 11:3

पर हाँव डरूऐं के जैष्णी शंगाव ऐं आप्णी चलाकी शी हव्वा बकाऐ थी, तैष्णें ही तुवाँरे मंन तियों सच्चाई, अरह् पबित्रता शे जू मसीया की गईलो हऐ चेंई, तिन्दें शे भ्रष्ट ने करी दियों।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

इफिसियों 1:17

के अमाँरे प्रभू यीशू मसीया का पंण्मिश्वर जू शक्त्तिशाली पिता असो; से तुओं खे ज्ञाँन अरह् बखाँण के आत्त्मा दियों; जिन्दें लंई तुऐ सोत्तिखे पंण्मिश्वर आच्छ़े ढंग शा जाँणीं सको।

इफिसियों 6:5

हे दासो, जू लोग ईयों संईसारी दे तुवाँरे माँलिक असो, आप्णें मंन की सच्चाई शे डर्दे अरह् काँम्बलिंदे, जेष्णी मसीया की तैष्णी तिनकी भे अज्ञाँ मानों।

कुलुस्सियों 3:22

हे दासो, संईसारी दा जू तुवाँरा माँलिक असो, बादी बातो दी तिनकी अज्ञाँ माँनणो का पालण करह्; तुँऐं सिर्फ आदमी के खुश कर्णो के देखावे खे ने; परह् मंन के कऊँट्ल़ों बिना प्रभू गाशी ध्याँन थऐयों ऐष्णों करह्।