लूका 11:29 - Sirmouri

²⁹ जबे हजो लोगो के बैशुमाँर बड़ी भीड़ तिन कैई कट्ठी हंदी लागी, तअ प्रभू यीशू बुल्दे लागे, “ऐजी दुष्ट गड़ी-पीड़ी असो; किन्देंखे के ऐ चींन माँगों, परह् ऋषी योना के जीवन दे चींन के सुवाऐ ईन्खे कुँण्जे ही भे चींन ने दिऐ ज़ाँदे।

सिरमौरी नौवाँ नियम

²⁹ जोबै बौड़ै भीड़ कौठै हौए तौ सै बौलदा लागा, “ऐसी जमाने कै लोग बुरै औसौ; सै निशान चांव पौरौ योना पौरमेशवर कै बातौ बौताणौवाल़ै कै निशान छोडे़बा कुणजाई बै निशान तिनुखै दिया ना जांदा।

लूका 11:29 ပူးပေါင်းရင်းမြစ်များ

मत्ती 3:7

जबे तेने बेजाऐ यहूदी भाट-बाँम्ण, अरह् सदुकियों लोग, नहाँण नहाँदे आपु कैई आँदें दे:खे, तअ तेने तिनू दे:खियों तिन्खे बुलो, “ओ शंगाव के नहाँन्ड़िया, तुँओं कैई शो कुँणें चित्ते कराव के आँणों वाल़े के रोष शे भागो?

मरकुस 8:38

जुण्जा कुँऐं ईयो नाँष बाँन अरह् पाप वाल़े ज़ूंग दा मुँह अरह् मेरे बचन दा सरमाँऐं ज़ाव तेस्खे आदमी का बैटा भे जबे आप्णें पिता की बड़ियाई दा पबित्र स्वर्गदूत्त की गईलो आला, तअ से भे तेसी मानणों दा सरमाँऐं ज़ाँदा।”

लूका 11:16

अरह् कुछ़ लोगे प्रभू यीशू पर्खणों खे तिन कैई शे किऐ स्वर्गो के च़ीन माँगें।

लूका 11:50

जिन्ऐं ऋषियों को लह्ऊँ संईसारी की शुरू शो ऊबो बोवाऐ थो; ईनू सोभी का हिसाब-किताब ईयों पीड़ी के लोगो शा लुवा ज़ाँदा।

लूका 12:1

तैतिऐखे जबे हजारंह् लोगो के बै-शुमाँर भीड़ लागी गऐ, ऐत्रें ज़ुगी के लोगो के ढोस्रोल़ै लई ओके लोग घींजिन्दे लागे; तअ तबे प्रभू यीशू सोभी शे आगे, आप्णें चैले खे बुल्दे लागे; के “यहूदी भाट-बाम्णों के खमीर जेष्णें कऊँट्ल़ो शे च़ौक्क्ष रूऐ।

लूका 9:41

प्रभू यीशू ऐ जबाब दिता, “ओ बै-बिश्वाषी अरह् भ्रष्ट पीड़ी! हाँव तुँओं आरी कदी तोड़ी रंह्दा; अरह् तुँवारी ऐष्णी ही सऊँबा? आप्णा बैटा ईथै लियायों।”

यूहन्ना 2:18

ईन्दें गाशी यहूदी निय्म के शिखाँणों वाल़े ऐं प्रभू यीशू खे बुलो, “तू जू ऐजो बुले, तअ तबे आँमों कैई शा कुँण्जा चींह्न-चंम्त्तकार देखाँई दा? जिन्दें लई आँमें ऐजो जाँणों, के ताँव कैई ऐजा हंक-अधिकार असो?”

यूहन्ना 6:30

ईन्दें गाशी तिनू लोगे ऐं प्रभू यीशू शो पुछ़ो, के “तुऐं आँमों कैई शे कुँण्जे चींह्न-चंम्त्तकार देखाऐ सको, जिनू देखियों आँमें तुओं गाशी बिश्वाष करह्?

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

1 कुरिन्थियों 1:22

यहूदी लोग तअ चींन-चम्तकार चहाँव, अरह् यूनानी लोग ज्ञाँन के खोज दे असो,