लूका 10:21 - Sirmouri

²¹ तैख्णी प्रभू यीशू पबित्र-आत्त्मा की खुशी शे भरपुर हऐयों बुलो; “हे पिता! स्वर्ग अरह् धर्त्ती के प्रभू! हाँव तुवाँरी प्रार्थना करू, किन्देंखे के तुऐं ऐजी बात्तो ज्ञाँनियों, अरह् बुद्धीमाँनों शी चुप्पी थंई; परह् नहाँन्ड़िया गाशी पर्गट कअरी; होर, पिता, तुओं ऐजो ही आच्छ़ो लागो।

सिरमौरी नौवाँ नियम

²¹ तैसी सौमय यीशु पवित्र आत्मा दा हौयौ खुशी शै भोरै गौआ, औरौ बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी, हौर बै, ओए रै पिता पौरमेशवर जिथुखै ताखै ऐजौ आछौ लागौ।

लूका 10:21 ပူးပေါင်းရင်းမြစ်များ

मत्ती 16:17

प्रभू यीशू ऐ तिनखे बुलो, “हे शमौन, योना का बैटा, तू भागोईत असो! किन्देखे के ताँव कैई ऐजा सचाई का प्रकाष कराँणा, कोसी आदमी का काँम ने आथी; परह् मेरे स्वर्गो के पिता का काँम असो, जिन्ऐं ऐजी बात ताँव गाशी पर्गट करी।

मत्ती 21:16

अरह् प्रभू यीशू खे बुल्दे लागे, “कियों तुँऐं शुणी लों ने, ईनू नहाँन्ड़िया ऐ का नारे लाऐ लुऐ?” “होर”, प्रभू यीशू ऐ तिन्खे जबाब दिता, “कियों तुऐं पबित्र-ग्रन्थों दो कद्दी ने पढ़ी थंई, बालक अरह् दु-दू पाँडे के नहाँन्ड़िया के मुँह ज़ात्ती शा, तुँऐं आपु खे अपार स्तुत्ती-अरार्धना कर्णो वाल़े का ईन्तजाँम करी थुवा?”

मत्ती 3:7

जबे तेने बेजाऐ यहूदी भाट-बाँम्ण, अरह् सदुकियों लोग, नहाँण नहाँदे आपु कैई आँदें दे:खे, तअ तेने तिनू दे:खियों तिन्खे बुलो, “ओ शंगाव के नहाँन्ड़िया, तुँओं कैई शो कुँणें चित्ते कराव के आँणों वाल़े के रोष शे भागो?

मरकुस 10:15

हाँव तुँओं खे खास बात बुलू, के जू कुँऐं पंणमिश्वर को राज्य नहाँन्ड़िया जेष्णों ने माँन्दा, तअ सेजा आदमी कद्दी भे पंणमिश्वर के राज्य दा ज़ाऐं ने सक्दा।”

लूका 15:5

अरह् जबे सेजी पाऐ अंदी भैंड़ तेसी भेंटी ज़ाली तबे से बैजाऐ खुशी हऐयों तियों भेड़ आप्णे काँनों गाशी टीपियों घरेह् आँण्दा। लियादा।

लूका 15:9

जबे सेजा सिक्का तियों भेटी ज़ाँव तअ से आप्णी साथों-हाथों की तिरंई खे बुल़्दे; के ‘मेरी गंईलो खुशी मंनाँव; किन्देंखे के मेरे जुण्जा चाँदी का सिक्का पाऐ रूवा थिया; सेजा सिक्का मुँह भेटी गुवा।’

यूहन्ना 11:41

ईन्दे गाशी लोगे ऐ सेजा पाथर आगु गाड़ा। तबे प्रभू यीशू ऐ आप्णी आखी ऊबी स्वर्गो की ढबै देखियों बुलो, “हे, बाबा! हाँव तेरा धन्यबाद करू; के तुऐं मेरी प्रार्थना शुँणीं पाऐ।

2 कुरिन्थियों 4:3

परह् जे अमाँरी खुषख्बरी दा पड़्दा असो, तअ ऐ नाँष हंणों वाल़े खे ही पड़ी रूआ।

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

इफिसियों 1:5

तिन्ऐं प्यार के जाँणें आप्णी आच्छ़ी हिछ़या के मुँताबिक शुरू दो ही ढाणी थुओं थियों, के आँमों यीशू मसीया के जाँणें तिनके गोद लुऐ बैटे बंण्दे;