लूका 1:20 - Sirmouri

²⁰ अरह् दे:ख, जेस देसो तोड़ी ऐजी बातो पुरी ने हों, तेसी देसो तोड़ी तू गूँगा रंहिदा, किन्देंखे के मेरी बात जुण्जी आप्णी बख्तो गाशी पुरी हंदी, तिनका तुऐं बिश्वाष ने करी थई।

सिरमौरी नौवाँ नियम

²⁰ दैखौ, जांव तौड़ी ऐशै ना हौं, तांव तौड़ी तू गुंगा रौंदा औरौ बौलाए ना सौकदा, इथकारिए कै तुऐं मैरी बातौ कै जू आपणै सौमय दी पूरी हौंदी, बिशवाश ना कौरी।”

लूका 1:20 ပူးပေါင်းရင်းမြစ်များ

मरकुस 16:14

तबे प्रभू यीशू मसीया तिनू गियारंह् चैले कैई शे भे दे:खाई पड़े, जुण्जे तैख्णों खाँणा खाँदे बऐठी रूऐ थिऐ, अरह् तिन्ऐं चैले के बै-बिश्वाष अरह् मंन की कुठूरता हठाँवणें पंण की मुँरूख्ता अरह् कुठोर मंन के कारण सम्झाऐं किन्देंखे के जिन्ऐं प्रभू यीशू मसीया दे:खे भे थिऐ; तिनका भे तिन्ऐ बिश्वाष ने करी।

मरकुस 9:19

ऐजो शुणियों, प्रभू यीशू ऐ तिनखे जबाब देऐयों बुलो, “ओ बै-बिश्वाषी लोगो, हाँव कबे तोड़ी तुँवारी गईलो रंह्ऊँबा? अरह् कबे तोड़ी तुँवारी सऐन करूबा? ऐसी मुँह कैई आँणों।”

लूका 1:19

स्वर्गदूत्त ऐ तेस्खे जबाब दिता, “हाँव जिब्राईल असो, हाँव हमेशा पंणमिश्वर के साम्णें खड़ा रंऊँ”, अरह् मुँह पंणमिश्वर ऐ ताँव कैई ऐजी खुषख्बरी का प्रचार शुणाँणों खे डियाल़ी थुवा।

लूका 1:21

बाँईडे दाँई लोगो के बैसम्झी ज़ाऐ रंऐ थी, के ज़कर्याह के देऊँठी दी ऐत्री देर कैई लागी?

लूका 1:22

जबे से पूजो कैई शा बाँईडा आया, तअ तेस्के ऊबो ने बुलाई: तबे लोगे जाँणी पाव के ऐस्खे देऊँठी दा किऐ दर्शण हऐयों चंच्का हऐ रूवा; अरह् से तिनू लोगो आरी संनकाऐयों बात करदा लागा, अरह् से तबे गुँगा ही बंणा रूवा।

लूका 1:45

भागोईत असो! सेजा जेने बिश्वाष करा, के जुण्जी बातो प्रभू के ढबे शी बुली गई, सेजी परम्पार हंदी।”

लूका 1:64

तबे ज़कर्याह को मुँह अरह् जीभ तैख्णी खुली गऐ; अरह् से बुल्दा अरह् पंणमिश्वर का धन्यबाद करदा लागा।

रोमियों 3:3

जे किऐ लोग किऐ बिश्वाष घात्ती निक्ल़े भे तअ का हुओ? कियो तिनके धोखेबाज हंणों के जाँणें पंणमिश्वर बिश्वाष ज़ूगै हंदी ने किऐ?

2 तीमुथियुस 2:13

आँमें भाँव बंईमाँन भे बंणों: तबे भे से ईमाँनदार असो, किन्देंखे के से आप्णा स्वभाव ने बंद्ल़ी सक्दे।

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

प्रकाशितवाक्य 3:19

हाँव जिनू-जिनू आरी प्यार करू, तिनू सोभी खे मंत्त-शीख अरह् डाँट देऊँ; ईन्देंखे तेज-तराड़ बंण अरह् आप्णा मंन बद्ल़।