यूहन्ना 9:24 - Sirmouri

²⁴ ईन्देंखे यहूदी भाट-बाम्णें ऐ तेसी जुण्जा आगे पेट्-आँदा थिया, तेसी हजो दुज़ाँल़िऐ बंईदा, अरह् तेस्खे बुलो; के “पंण्मिश्वर ईथै हाजीर जाँणियों साच्चो बुले; अरह् आँमें तअ ऐजो जाँणों ऐ, के से कुँऐ पापी आदमी असो।”

सिरमौरी नौवाँ नियम

²⁴ तोबै यहूदी नेताए तैसी आदमी खै जू आन्धा थिया, दुजाल़ियो बौएदैयौ खै तैसीखै बौल़ौ, “पौरमेशवर कै स्तुति कौरेयौ साचौ बौल़ै दै; जिथुकै आमु जाणुए कै ऐजा आदमी पापी औसौ।”

यूहन्ना 9:24 ပူးပေါင်းရင်းမြစ်များ

मरकुस 15:27

अरह् सपाईऐ तिनकी गईलो दो डाकू ओके शुँल़ी-फ़ाँशी दे टाँगे ऐक सोऐं ढबे, अरह् ओका डेरे ढबे।

लूका 15:2

परह् यहूदी भाट-बाँम्ण अरह् यहूदी-निय्म के शिखाँणों वाल़े, आपु मुझी तुड़-खुड़ाऐयों बुलो थिऐ; के “ऐजा आदमी पापियों का सू-स्वागत् करह्, अरह् ईन की गईलो, खाँणा-पीणा करह्।”

लूका 19:7

ऐजो दे:खियों, बादे लोग आपु मुँझी तुड़-खुड़ाऐयों बुल्दे लागे; के “ऐजा आदमी तअ पापी आदमी का पाँऊणा ज़ाँदा लागा।”

लूका 7:39

जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”

यूहन्ना 14:30

“ऐबे हाँव तुओं कैई ईन्दें शो जादा किऐ ने बुल्दी, किन्देंखे के ईयों संईसारी का हाकम आँदा लागा; परह् से मेरो किऐ ने करी सक्दा।

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

यूहन्ना 18:30

तिन्ऐ जबाब दिता, के “जे ऐजा आदमी अपराधी ने हंदा; तअ आँमें ऐसी तुओं कैई ने आँण्दें थिऐ?”

यूहन्ना 19:6

जबे: मुँख्या-याजक अरह् सपाई ऐ प्रभू यीशू देखे, तअ तिनू देख्दे ही से लेल्याँदें लागे; “ऐसी शुँल़ी-फ़ाँशी चढ़ाव! ऐसी शुँल़ी-फ़ाँशी चढ़ाव!” तबे हाकम-पिलातुस ऐं तिनखे बुलो, ऐसी आगू नींयों अरह् “तुऐं ही शुँल़ी-फ़ाँशी चढ़ाव; किन्देंखे के हाँव तअ ऐस्दा किऐ भे दोष-कसूर ने लाँदा।”

यूहन्ना 5:23

जिन्दें लई बादे लोग बैटे के भे तेष्णी ही आदर-ईज्जत करह्; जेष्णीं बाबा के आदर-ईज्जत करह्; किन्देंखे के जुण्जा कुँऐं बैटे की आदर-ईज्जत ने करदा, से बाबा के भे आदर-ईज्जत्त ने करदा; जिन्ऐं आप्णाँ बैटा डेयाल़ी थुवा थिया।

यूहन्ना 8:46

तुँओं मुझ्षा ऐष्णाँ कुँण असो, जुण्जा मुँह पापी साबित्त करी सको? तअ जबे हाँव साच्चों बुलू, तअ तुँऐ मेरा बिश्वाष कैई ने कर्दे?

यूहन्ना 8:49

प्रभू यीशू ऐ तिनखे जबाब दिता, “मुँदी किऐ दुष्ट-आत्त्मा ने आथी; परह् हाँव आप्णें बाबा के आदर-ईज्त्त करू, अरह् तुँऐं मेरी बैस्त्ती करह्।

यूहन्ना 9:16

ईन्दे गाशी किऐ यहूदी भाट-बाँम्णें ऐं बुलो, “सेजा आदमी पंण्मिश्वर की ढबे शा ने आऐ रंई; किन्देंखे के से बिषाँव के देसो का किऐ भे पाल़्ण ने करदा।” अरह् किऐ लोगे ऐ बुलो, “तअ तबे पापी आदमी ऐष्णें चींह्न-चंम्त्तकार किऐ-किऐ देखाऐ सको?” तबे ईयों बातो लई तिनू सोभी लोगो मुँझी भेद्-भाव लई फूट पड़ी।

यूहन्ना 9:25

तेने तिनखे जबाब दिता, के “से पापी असो ऐ, के आथीं ने; हाँव ने ऐजो किऐ भी ने जाँण्दा, हाँव सिर्फ ऐजो जरूर जाँणूं, के हाँव आगें पेट्-आँदा थिया; अरह् ऐबे हाँव देखी सकूँ।”

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

प्रकाशितवाक्य 11:13

तबे तेख्णी तियों ही घड़ी ऐक बड़ो भूईच्ल़ लागो, अरह् नंगर का दषंवाँ हिस्सा ढल़ी गुवा; अरह् तेसी भूईच्ल़ों लई, सात्त हजार आदमी मँरी गुऐ, अरह् ऊके डरी गुऐ, अरह् स्वर्गो के पंण्मिश्वर की बड़ियाऐं करी।