यूहन्ना 9:18 - Sirmouri

¹⁸ यहूदी निय्म के धार्मिक अगवाल़े ऐ तेसी हजो पुछ़ा, के तेने आदमी ऐं तेरी आखी कैई-कैई खुली; किन्देंखे के तिनके ऐजा बिश्वाष ही ने हंऐ रंई थी; के ऐ सेजा ही आदमी असो, जुण्जा आगे पेट्-आँदा थिया; अरह् ऐबे ऐस्के आगु देखियों; ईन्देंखे तिनू लोगे ऐ तेस्के माँ, बाबा बंईदे।

सिरमौरी नौवाँ नियम

¹⁸ पौरौ यहूदी नेताओं खै बिशवाश ना होई कै ऐजा आन्धा थिया औरौ ऐबै दैखदा लागै रौआ, इथकारिए तिनुऐ जैसकी आखी ठीक हौए गोई थी तैसकै माँ-बापू कै बौएदैयौ,

यूहन्ना 9:18 ပူးပေါင်းရင်းမြစ်များ

लूका 16:31

परह् बाबा अब्राहम ऐ तैस्खे बुलो, ‘जबे से ऋषी मूसा, अरह् ओकी ऋषियों की ने शुँण्दें; तअ जे कुँऐं मंरे अंदे मुँझ्शा जीऊँदा हला; तअ से तैस्की भे शुँण्दी ने।’”

यूहन्ना 1:19

जबे यहूदी अगवाल़ ऐं यरूशलेम शे याजकों अरह् लेवी लोग संत्त-यूहन्ना नहाँण-कराँणों वाल़े कैई ऐजो पुछ़्दे डेयाल़े, के “तू कुँण असो?” तेने बुलो;

यूहन्ना 5:44

तुँऐं मुँदा बिश्वाष किया-किया करी सको, जबे के तुँऐं लोग ओका-ओकी कैई शी आप्णी तारिफ़-बड़ियाऐ शुँण्णों की ताक खोज दे रंह्; परह् तियों तारिफ़ शुँण्णों के कोशिष ने कर्दे जुण्जी सिर्फ पंण्मिश्वर कैई शी ही भेंटी सको।

यूहन्ना 9:19

अरह् तिन्ऐ तेस्के माँ-बाबा कैई शो पुछो, “कियो ऐजा तुवाँरा बैटा असो; कियों ऐ आप्णी माँ की कुँख्ह शा ही पेट्-आँदा पय्दा हुआ थिया? तअ ऐस्के ऐबे कियो-कियो देखिंयों?”

यूहन्ना 9:22

तेसी आदमी के माँ-बाबा ऐं ऐजी बात ईन्देंखे बुली, किन्देंखे के से यहूदी निय्म के शिखाँणों वाल़े शे डरो थिऐ; अरह् यहूदी निय्म के शिखाँणों वाल़े ऐं ऐजो आगे ही ठाटी थो थियों, के जे कुँऐं आदमी प्रभू यीशू खे मसीया माँनला तअ आँमें तेसी आदमी यहूदी च़ौत्रे शा बाँईडा गाड़ी देऊँबे।

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।