यूहन्ना 8:55 - Sirmouri

⁵⁵ तुँऐं तिनू जाँण्दें ने, परह् हाँव तिनू जाँणू ऐं: जे हाँव ऐजो बुल्दा के हाँव तिनू जाँण्दा ने; तअ हाँव भे तुओं जेष्णा झ़ूठा साबित हंऐ ज़ाँदा; परह् हाँव तिनकी बचन दा चालू।

सिरमौरी नौवाँ नियम

⁵⁵ तुऐं तौ तैसी ना जाणौ: पौरौ हांव तैसी जाणुए। जै हांव तैसी बुलू, कै हांव ताखै ना जाणु, तौ हांव तुऔं साए झूठा ठोरदा। पौरौ हांव तैसी जाणुए औरौ तैसकै आज्ञा मानुए।

यूहन्ना 8:55 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

लूका 10:22

मेरे बाबा ऐं मुँह कैई सब-कुछ़ देऐ दितो; कुँऐं ने जाँण्दा के बैटा कुँण असो, परह् सिर्फ बाबा जाँणों: अरह् ना कुँऐ ऐजो जाँण्दा के बाबा कुँण असो; परह् सिर्फ बैटा जाँणों; अरह् सैजा जैस कैई बैटा पर्गट कर्णो चहाँव।”

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 10:15

जेष्णाँ बाबा मुँह पंह्छ़ियाँणों, अरह् हाँव बाबा पंह्छ़ियाँणू; तेष्णें ही हाँव आप्णीं भैंड़ो की ताँईऐ आप्णीं जीयाँन-प्राँण देऐ देंऊँ।

यूहन्ना 15:10

जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

यूहन्ना 15:21

से ऐजो सब-कुछ तुवाँरी गंईलो मेरे कारण कर्दे, किन्देंखे के से मुँह डेयाल़्णों वाल़ा ने जाँण्दे।

यूहन्ना 16:3

से ऐजा कुँकंर्म ईन्देखे कर्ले, के तिन्ऐं ना तअ बाबा जाँणीं; अरह् ना तिन्ऐं मुँह जाँणी;

यूहन्ना 17:25

“हे धरंमाँत्त्मा, नियाँव कर्णो वाल़ा बाबा! ईऐ संईसारी ऐ तअ तुओं जाँणीं ने, परह् हाँव तुओं जाँणू ऐ; अरह् तिन्ऐ ऐजो जाँणीं पाव, के तुऐं ही मुँह डेयाल़ी थुवा।

यूहन्ना 6:46

ऐजों ने जाँणें के बाबा कुँणिऐं देखी थुवा; सिर्फ तेने ही बाबा देखी थुवा, जुण्जा स्वर्गो शा ऊदा आऐ रूवा।

यूहन्ना 8:19

ईन्दे गाशी यहूदी भाट-बाँम्णें ऐ प्रभू यीशू शो पुछो; “केथै असो, तेरा बाबा?” प्रभू यीशू ऐं तिनखे जबाब दिता; “ना तअ तुऐं मुँह जाँण्दे, अरह् ना मेरा बाबा जाँण्दें। अरह् जे तुऐं मुँह जाँण्दें, तअ तुऐं मेरा बाबा भे जरूर जाँणी पाँदें।”

यूहन्ना 8:29

मुँह डेयाल़्णों वाल़ा, मेरी गंईलो असो; तिन्ऐं मुँह ऐक्ली ने छ़ूड़ी थंई, किन्देंखे के हाँव सदा सेजो ही करू; जिन्दें लई से बैजाऐ खुशी हों।”

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

यूहन्ना 8:51

हाँव तुँओं खे ऐक खास बात बुलू: के जे कुँऐं मेरे बचन का पाल़्ण करह्; तअ तेस्की मंऊँत्त कद्दी ने हंदी।”

यूहन्ना 8:52

यहूदी निय्म के शिखाँणों वाल़े ऐं प्रभू यीशू खे बुलो, “ऐबे आँमों पाक्का बिश्वाष हऐ गुवा, के ताँव्दो किऐ लागियों को असो; बाबा अब्राहम, अरह् बादे ऋषी भे मंरी गुऐ; परह् तू बुले, के ‘जे कुँऐ मेरे बचन का पाल्ण करला; तअ से कद्दी ने मंर्दी।’

प्रेरितो कै काम 17:23

किन्देंखे जबे मुँऐं रीट्दे-फिर्दे, तुँवारी पुज्णों की चींजो देखी लई थी, तअ ऐक ऐशी बैदी देखी, जिदो लिखी थो थियो, ‘अण्जाँण देव्त्ता की बैदी!’ ईन्देंखे तेसी देव्त्ता तुँऐं बिना जाँणें पूजों, अरह् हाँव तुँओं कैई तेसी ही देव्त्ते की खुषख्बरी शुँणाँदा आऐ रूवा।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

1 यूहन्ना 1:6

जे आँमें बुलो, के तिनकी गईलो आँमें साजी असो, अरह् तबे भे आँमें ईनाँरे दे चालो, तअ आँमें झूठे असो, अरह् आँमें सच्चाई दे ने चाल्दे;

1 यूहन्ना 2:22

झूठा कुँण असो? सिर्फ सेजा जू ऐजो बुलो, के प्रभू यीशू मसीया आथी ने? अरह् मसीया का बिरोधी सेजा ही असो; जुण्जा स्वर्गो के पिता को अरह् बैटे को माँनणों दा भाजी ज़ाँव।

1 यूहन्ना 2:4

जू कुँऐं ऐजो बुलो, के “हाँव तिनू जाँणूऐं,” अरह् तिनकी अज्ञाँ ने से माँन्दा, तअ से झुठा असो; अरह् तैस्दी किऐ सच्चाऐ ने आथी;

1 यूहन्ना 5:10

जुण्जा कुँऐं पंण्मिश्वर के बैटे गाशी बिश्वाष करह्, तैस्दी ऐजी गुवाऐ-शाज़्त तैस्के सासो भीत्री चुप्पी हों, अरह् जैस्का बिश्वाष पंण्मिश्वर दा ने आथी, तेने तिनू झूठे बंणाँऐं दिते, किन्देंखे के तेने पंण्मिश्वर के सेजी गुवाऐ-शाज़्त जुण्जी तिन्ऐं आप्णें बैटे के बारे दी दिती थी, तियों गुवाऐ-शाज़्त गाशी तेने बिश्वाष ने करी।

प्रकाशितवाक्य 3:9

देख! हाँव शैतान के सेजे खूम्ल़ाईच़ु तेरे बष दे करी देऊँबा, जू आपु खे यहूदी हऐयों, परह् से यहूदी ने आथी, परह् झुट्ठों बुलो देख, हाँव ऐशो करूबा के से आऐयों तेरे लातों गाशी पड़ले, अरह् ऐजो जाँणीं पाले के मुँऐं ताँव आरी प्यार करी थुवो।