यूहन्ना 8:53 - Sirmouri

⁵³ कियो तू अमाँरे बाबा-अब्राहम शा भे बड़ा असो? से बादे झ़ोणें मंरी गुऐ, बाबा अब्राम, अरह् ऋषी लोग भे मंरी गुऐ; परह् तू आपु खे का जाँणें?”

सिरमौरी नौवाँ नियम

⁵³ अमारा पुराणिया अब्राहम तौ मौरे गौआ, का तू तैसदा बौड़ा औसौ? औरौ पौरमेशवर कै बातौ बौताणौवाल़ै बै मौरे गौवै, तू आपी खै का सौमझै।”

यूहन्ना 8:53 ပူးပေါင်းရင်းမြစ်များ

मत्ती 12:6

परह् हाँव तुँओं खे बुलू, के ईथै सेजा असो, जुण्जा देऊँठी शा भे बड़ा असो।

मत्ती 3:9

अरह् आप्णे-आप्णे सासो दो ऐजो ने सुंचे, के अमाँरा बाबा अब्राहम असो; किन्देंखे के हाँव तुँओं खे बुलू, के पंणमिश्वर ईनू पाथरो शी अब्राहम खे अलाद पय्दा करी सको।

यूहन्ना 10:33

यहूदी अगवाल़े ऐ प्रभू यीशू खे जबाब दिता, “कंसी भले काँम-काज़ की ताँईऐं ने; परह् तू जू आप्खे पंण्मिश्वर आरी संनाँईऐं, आँमें तेसी ही कारण शी ताँव गाशी पंथराँच़ कर्णी चहाँव; किन्देंखे के तू आदमी हंऐईयों भे आपु खे पंण्मिश्वर बुले!”

यूहन्ना 12:34

तबे ईन्दें गाशी लोगे ऐं प्रभू यीशू खे जबाब दिता, के “आँमें अज्ञाँ-निय्म दी ऐजी बातो शुँणीं थंई, के मसीया संदा रंह्दा; तबे तुँऐं कैई बुलो, के आदमी का बैटा ऊगला टाँगणा जरूरी असो? परह् ऐजा आदमी का बैटा कुँण असो?”

यूहन्ना 19:7

यहूदी अगवाल़ ऐ, जबाब दिता, “अमाँरे भे ऐक निय्म-रूवाज असो, अरह् तेसी निय्म-रूवाजो के मुँताबिक ऐ मंऊँत्ती की सजा ज़ूगा असो; किन्देंखे के ऐ आपु खे पंण्मिश्वर का बैटा बुलो।”

यूहन्ना 4:12

तअ कियों तुँऐं अमाँरे बाबा याकूब शे भे बड़े असो? जिन्ऐं आँमों खे ऐजा कुँवाँ देऐ थुवा; से आपु, अरह् आप्णी अलादी कैई शो; अरह् आप्णें बंईच़ीं कैई शो भे ऐसी ही कुँऐं शो पाँणी पियाँव थिऐ?”

यूहन्ना 5:18

ईन्दे का नंत्तिजा ऐजा हुवा, के यहूदी अगवाल़ प्रभू यीशू पाछ़ी हाथों धुऐयों पड़े; के ऐ सिर्फ बिशाँव के देसो का निय्म ही ने च़ूड़्दा, परह् ऐ तअ परंम-पिता पंण्मिश्वर खे भे आप्णाँ बाबा बुलियों आपु खे तिनका संग्गा बैटा हंईयों।

यूहन्ना 8:58

प्रभू यीशू ऐ तिनखे बुलो, “हाँव तुओं खे खास बात बुलू; के बाबा अब्राहम के पय्दा हंणों शा आगे भे हाँव थिया।”

रोमियों 9:5

अमाँरे पुराँणिऐं भे ईन्हीं के असो; अरह् मसीया भी तिन्ही मुँझी पय्दा हुऐं। सेजा मसीया जू सोभी का पंणमिश्वर अरह् ज़ूगौ-ज़ूगौ तोड़ी भागोईत असो। आमीन।