यूहन्ना 8:51 - Sirmouri

⁵¹ हाँव तुँओं खे ऐक खास बात बुलू: के जे कुँऐं मेरे बचन का पाल़्ण करह्; तअ तेस्की मंऊँत्त कद्दी ने हंदी।”

सिरमौरी नौवाँ नियम

⁵¹ हांव तुऔं कै साचौ-साचौ बुलू, कै जै कुणिए आदमी मैरी शिक्षा पांदी चाल़ला, तौ सै सौदा तौड़ी ना मौरदा।”

यूहन्ना 8:51 ပူးပေါင်းရင်းမြစ်များ

मत्ती 16:28

“हाँव तुओं खे खास बात बुलू, के ईथे कुछ लोग असो, जुण्जे ताँव-तोड़ी मंऊँत्ती का सुवाद ने चाख्दी, मतल्व ताँव-तोड़ी ने मंर्दीं जाँव तोड़ी आदमी का बैटा तेसके राज्य दा तेसी राज कर्दे ने दे:खो।”

लूका 2:26

अरह् पबित्र-आत्त्मा ऐं तैस्खे आगे बुली थो थियो; के जाँव तोड़ी तुऐं प्रभू का मसीया ने दे:खा ताँव तोड़ी तू मंरदा ने।

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 15:20

चींत्तें थुंऐ, के मुँऐ तुँओं खे का बुली थो: के दास सेंवक आप्णें माँलिक शा बड़ा ने हंदी, किन्देंखे के जबे तिन्ऐं मुँह सताँऐ थुवा; तअ से तुओं भे जरूर सताँदे ऐ; जे से मेरे बचन का पाल़्ण कर्दे, तअ से तुवाँरे बचन का भे पाल़्ण कर्दे थिऐ।

यूहन्ना 17:6

“मुँऐ तुँओं तिनू सोभी गाशी पर्गट करी पाऐ, जिनू तुऐं ईयों संईसारी शे च़ूणी-छ़ाँटियों मुँखे देऐ थुऐ थिऐ; सेजे लोग तुवाँरे असो, जिनू तुऐं मुँह कैई देऐ थुऐ थिऐ; अरह् तिन्ऐं तुवाँरे बचन का पाल़्ण भे करी थुवा।

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

यूहन्ना 6:50

हाँव ही स्वर्गो शी ऊदी ऊत्री अंदी रोटी असो, के जुण्जा कुँऐ ईयों रोटी खाँव; से मंरदा ने आथी।

यूहन्ना 8:12

प्रभू यीशू ऐ हजो लोगो खे बुलो, “संईसारी खे ज्योंत्ति-प्रकाष हाँव असो; जुण्जा मुँह पाछी आला से ईनाँरे दा ने हाँड्दा, किन्देंखे के जीवन का प्रकाष ज्योत्ति हमेशा खे तेसी आरी रंह्दी।”

यूहन्ना 8:52

यहूदी निय्म के शिखाँणों वाल़े ऐं प्रभू यीशू खे बुलो, “ऐबे आँमों पाक्का बिश्वाष हऐ गुवा, के ताँव्दो किऐ लागियों को असो; बाबा अब्राहम, अरह् बादे ऋषी भे मंरी गुऐ; परह् तू बुले, के ‘जे कुँऐ मेरे बचन का पाल्ण करला; तअ से कद्दी ने मंर्दी।’

यूहन्ना 8:55

तुँऐं तिनू जाँण्दें ने, परह् हाँव तिनू जाँणू ऐं: जे हाँव ऐजो बुल्दा के हाँव तिनू जाँण्दा ने; तअ हाँव भे तुओं जेष्णा झ़ूठा साबित हंऐ ज़ाँदा; परह् हाँव तिनकी बचन दा चालू।

इब्रानियों 11:5

बिश्वाष के कारण भगत्त-हनोक ऊँबा अस्माँनों दा थागा गुवा, जू से तैस कैई मंऊँत्ती का पता ही ने लागों, के मंऊँत्त केष्णीं हों; अरह् से तबे हजों कंद्दी भे कसी के देखाई दा ने पड़ी, किन्देंखे के पंण्मिश्वर ऐ तेसी ऊँबा अस्माँनों दा थागा; किन्देंखे के पबित्र-ग्रन्थ तेस्के बारे दो ऐशो भे बुलो, के ऊबे थागे ज़ाँणों शा आगे तेने पंण्मिश्वर खुशी करी थुवा थिया।

इब्रानियों 2:9

परह् आँमें प्रभू यीशू जू स्वर्गोदूत्तों शे किऐ दाँणिक बख्त्तो खे ही कंम्म करे गुऐ थिऐ, मऊँती के दु:ख भुगणों के कारण बड़ियाऐं अरह् आदर-ईज्जत्त को मुँकुट-ताज लाव अंदो देखो; जू पंण्मिश्वर की कृपा शे से ऐक नाँम आदमी की ताँईऐ तियों मऊँत्ति का स्वाद भे चाखीं पाँव।