यूहन्ना 8:44 - Sirmouri

⁴⁴ तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

सिरमौरी नौवाँ नियम

⁴⁴ तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

यूहन्ना 8:44 ပူးပေါင်းရင်းမြစ်များ

मत्ती 12:34

हे शंगाव के नहाँन्ड़िया, तुँऐं बूरे हऐयों केशी-केशी आच्छ़ी बातो बुली सको? किन्देखे के जुण्जों तुवाँरे मंन दो भरो अंदो असो, सेजो ही अमाँरी ज़ात्ति-मुँह शो बाँईडो निक्ल़ो।

मत्ती 13:15

किन्देखे के ईनू लोगो का मंन मंद्-बुद्धी पड़ी रूऐ, तिनके काँनों दो ऊगलो ही शुणियों, जिनिऐं आप्णी आ:खी मिचीं थई, के दे:खी ने सको, तुँऐं काँनों लई ने शुणों अरह् आप्णे मंन बद्ल़ियों पाछू ने फीरो, जू हाँव तुँओं चाँगे-भले ने करू।’”

मत्ती 13:38

खैच़ संईसारी असो, अरह् आछो बींज़ पंणमिश्वर के राज्य के लोग असो, अरह् जागल़ी बींज़ दुष्ट शैतान के लोग असो।

यूहन्ना 6:70

प्रभू यीशू ऐ तिनखे बुलो, “कियों मुँऐं तुँओं बारंह् झोणें झुणी-छाँटी ने थई थी? तबे भे तुँओं मुँझ्षा ऐक शैतान के कंब्जे दा असो।”

यूहन्ना 7:17

जे कुँऐं आदमी पंण्मिश्वर की हिछ़या पुरी कर्णो का परण करह्, तअ से ऐजो जाँणी पाँदा; के ऐजी शिक्क्षा पंण्मिश्वर की तरफ शी असो; के मेरी तरफ शी असो।

यूहन्ना 8:38

मुँऐं सेजो ही बुली लो, जुण्जों मुँऐ साक्षात आप्णें बाबा कर्दे देखी थो, परह् तुँऐं सेजो ही करह्, जुण्जों तुँऐं आप्णें बाबा कैई शो शुँणीं थों।”

यूहन्ना 8:41

तुवाँरा बरताव बिलकुल तुवाँरे बाबा जेष्णाँ असो”, ईन्दें गाशी यहूदी लोगे ऐ प्रभू यीशू का बिरोध करा; अरह् बुल्दें लागे, के “आँमें बिलकुल भे झ़ोट्करे ने आथी; अमाँरा ऐक ही बाबा असो, मंतल्व पंण्मिश्वर।”

यूहन्ना 8:55

तुँऐं तिनू जाँण्दें ने, परह् हाँव तिनू जाँणू ऐं: जे हाँव ऐजो बुल्दा के हाँव तिनू जाँण्दा ने; तअ हाँव भे तुओं जेष्णा झ़ूठा साबित हंऐ ज़ाँदा; परह् हाँव तिनकी बचन दा चालू।

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

प्रेरितो कै काम 24:9

यहूदियों ऐ भे ऐस्को साथ देऐयों बुलो, के ऐजी बातो बिल्कुल ऐष्णी ही असो।

प्रेरितो कै काम 5:3

ईन्दें गाशी संत्त-पतरस ऐ बुलो, के “ओ हनन्याह! कियो शैतान ऐ तेरे मंन गाशी ऐत्रा हंक-अधिकार करा, के तुऐ पबित्र-आत्त्मा शो झुठो बुलो; अरह् जुण्जे जीम्मीं तुऐं बीकी तिन्दें के दाँम किम्मत्त मुँझ़्शो तुऐ किऐ धन चुप्पी आपु कैई थुओ?

2 कुरिन्थियों 11:3

पर हाँव डरूऐं के जैष्णी शंगाव ऐं आप्णी चलाकी शी हव्वा बकाऐ थी, तैष्णें ही तुवाँरे मंन तियों सच्चाई, अरह् पबित्रता शे जू मसीया की गईलो हऐ चेंई, तिन्दें शे भ्रष्ट ने करी दियों।

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।

2 पतरस 2:4

किन्देंखे के जबे पंण्मिश्वर तिनू स्वर्गदूत्तों खे जिन्ऐं पाप करणा ने छ़ुड़ी थई थी, तिनू से नंरक के कुँडो दे पाँव थिऐ, जू नियाँव के देसो तोड़ी से कय्द दे रंह्ले;

1 यूहन्ना 1:8

जे आँमें ऐजो बुलो, के आँमों दो किऐ पाप ने आथी, तअ आँमें आपु आपू खे धोखा दियों; अरह् आँमु दी किऐ सच्चाऐ ने आथी।

1 यूहन्ना 2:21

मुँऐं तुँओं खे ईन्देंखे ने लिखी थई, के तुँऐं सच्चाई ने जाँण्दे, परह् ईन्देंखे लिखी थो, के तुँऐं ऐजो जाणोंऐं, के झूठो, दी किऐ भे सच्चाऐ ने हंदी।

1 यूहन्ना 2:4

जू कुँऐं ऐजो बुलो, के “हाँव तिनू जाँणूऐं,” अरह् तिनकी अज्ञाँ ने से माँन्दा, तअ से झुठा असो; अरह् तैस्दी किऐ सच्चाऐ ने आथी;

1 यूहन्ना 3:12

परह् तुँऐं कैन के जैष्णे ने बंणे, जैस्को साथ तेसी शैतान आरी थियो, अरह् तेने आप्णें भाई की हंत्त्या करियों मारी दिता, पता ऐ तेने आप्णा सोरा भाऐ कैई मारा? ईन्देंखे के कैन की काँम-काज़ बुरी थी, अरह् तैस्के भाई हाँबिल की काँम-काज़ धार्मिक्त्ता की थी।

1 यूहन्ना 3:15

जुण्जा भे कुँऐं बिश्वाषी भाऐ-बंईणी दा शंगाँव, से हंत्त्या करह्; अरह् तुँऐं ऐजो भे जाँणोंऐं, के कुँऐं भे हत्त्यारा खुन्नी सदा-सदा के अमर-जीवन दा दाखिल ने हऐ सक्दा।

यहूदा 1:6

जिनू स्वर्गदूत्तों ऐ आप्णा पद्-भार पाक्का अट्ल़ ने थई, परह् तिन्ऐं आप्णों खास घर छुड़ी दितो, तिन्ऐं तिनू भे तेसी भायानंक देसो के नियाँव खे ईनाँरे दे, जुण्जो ईनाँरो सदा खे असो, बाँनियों थऐ थुऐ।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।

प्रकाशितवाक्य 9:11

अथाऐं कुँड का दूत्त तिनका राजा थिया; तेस्को नाँव इब्रानी भाषा दो अबद्दोन, अरह् यूनानी भाषा दो अपुल्लयोन थियो।