यूहन्ना 8:37 - Sirmouri

³⁷ हाँव जाँणु ऐं के तुऐ सोत्तिखे अब्राहम के अलाद असो; तबे भे तुऐं मेरी हंत्त्या कर्णो की ताक दे असो; से ईन्देंखे के तुँऐ मेरे बुले अंदे बचन धारंण ने करी थंई।

सिरमौरी नौवाँ नियम

³⁷ हांव जाणुए कै तुऐं अब्राहमो कै वंशो कै औसौ, तौ बै तुऐं मैरी शिक्षाओं कै ना मानौ, इथकारिए तुऐं मुखै मार दैणा चांव।

यूहन्ना 8:37 ပူးပေါင်းရင်းမြစ်များ

मत्ती 13:15

किन्देखे के ईनू लोगो का मंन मंद्-बुद्धी पड़ी रूऐ, तिनके काँनों दो ऊगलो ही शुणियों, जिनिऐं आप्णी आ:खी मिचीं थई, के दे:खी ने सको, तुँऐं काँनों लई ने शुणों अरह् आप्णे मंन बद्ल़ियों पाछू ने फीरो, जू हाँव तुँओं चाँगे-भले ने करू।’”

मत्ती 3:9

अरह् आप्णे-आप्णे सासो दो ऐजो ने सुंचे, के अमाँरा बाबा अब्राहम असो; किन्देंखे के हाँव तुँओं खे बुलू, के पंणमिश्वर ईनू पाथरो शी अब्राहम खे अलाद पय्दा करी सको।

यूहन्ना 10:31

तबे यहूदी अगवाल़े ऐ प्रभू यीशू माँर्णों खे हजो पाथर थागे।

यूहन्ना 11:53

तबे: तेसी ही देसो शुभे सेजे लोग प्रभू यीशू मार्णों का कैड़ा कर्दे लागे।

यूहन्ना 5:44

तुँऐं मुँदा बिश्वाष किया-किया करी सको, जबे के तुँऐं लोग ओका-ओकी कैई शी आप्णी तारिफ़-बड़ियाऐ शुँण्णों की ताक खोज दे रंह्; परह् तियों तारिफ़ शुँण्णों के कोशिष ने कर्दे जुण्जी सिर्फ पंण्मिश्वर कैई शी ही भेंटी सको।

यूहन्ना 7:1

ईनू बातो पाछी प्रभू यीशू गलील ईलाके दे घुम्दे-फिर्दे रूवे; किन्देंखे के यहूदी अगुवाल़ लोग तिनू मार्णों की ताक-खोज दे थिऐ, ईन्देंखे से यहूदिया प्रदेश दो घुम्णों-फिर्णो ने चहाँव थिऐ।

यूहन्ना 7:19

कियो ऋषी-मूसा ऐ तुँओं खे अज्ञाँ-निय्म देऐ ने थंऐ? तबे भे तुँओं मुँझी कुँऐं भे अज्ञाँ-निय्म का पाल़्ण ने करदा, तअ तबे तुँऐं लोग मुँह माँरणाँ कैई चहाँव?”

यूहन्ना 7:25

ईन्दें गाशी किऐ यरूशलेम के रंहणों वाल़े लोग बुल्दे लागे, “कियों ऐजा सेजा ही आथी ने, जेसी मार्णों की ताक-खोज दे यहूदी अगुवाल़ लोग असो?

यूहन्ना 8:33

यहूदी लोगे ऐ प्रभू यीशू खे जबाब दिता, “आँमें अब्राहम के अलाद असो, ईन्देंखे आँमें कद्दी भे कोसी के गुलाम ने बंणीं; तअ तबे तुँऐं ऐजो कैई बुलो: के तुँऐं अजाद हऐ ज़ाले?”

यूहन्ना 8:43

तुँऐं मेरी बातो ईन्देंखे ने सहम्झों दे? के तुँओं दी मेरे बचन शुँण्णों के हिमम्त्त ने आथी।

यूहन्ना 8:56

तुवाँरा बाबा अब्राहम भे मेरे देसो देख्णों की हिछ़या शे बैजाऐ मंगन थिऐ; अरह् तिन्ऐं जबे ऐजो सब कुछ़ देखो, तअ से बैजाऐ खुशी-आँनन्दित्त हुऐ।”

यूहन्ना 8:59

ऐजों शुँण्दें ही लोगे ऐं प्रभू यीशू गाशी पंथराच़ देंणों खे पाथर थागे; परह् प्रभू यीशू देऊँठी कैई शे ही तिनकी नंजर शे छ़ाँई-माँई हुऐ।

यूहन्ना 8:6

यहूदी भाट-बाँम्णें प्रभू यीशू पर्खोणों खे ऐजी बात बुली थी, जू तिनू कसूबार बाँण्णों का किऐं मोंक्का भेटो; परह् प्रभू यीशू ऊँदे नंऐयों गूँठी लई धनियों माँट्टी मुँझ़ी लिख्दे लागे।

प्रेरितो कै काम 13:26

“हे भाईयों! बाबा अब्राहम के अलाद, अरह् जुण्जे गऐर यहूदी भगत्त लोग ईथै हाजिर असो; मुँक्त्ति-छ़ूट्कारे खे बचन आँमो सोभी कैई डेयाल़ा गुवा।

रोमियों 9:7

अब्राहम के बंष दे पय्दा हणों शो भे बादे लोग तिनकी साची अलाद ने बंण्दें; किन्देंखे के (पबित्र-ग्रन्थों दो ऐशो लिखी थो) के जुण्जें “इसहाक के बंष दे पय्दा हों; सेजे ही तुवाँरे बंष के अलाद माँनी ज़ाँदी।”

1 कुरिन्थियों 2:14

परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।

1 यूहन्ना 2:14

प्रभू दे नुऐं पय्दा हुऐं नहाँन्ड़िया, हाँव तुँओं खें ईन्देंखे लिखू, के तुँऐं पिता जाँणों ऐ, अरह् तुँऐं जुण्जे देह्-धारी पिता असो, तुँओं खे ईन्देंखे लिखू, के तुँऐं तिनू जाँणों ऐ, जुण्जे जूगौ शे आदि शे असो, तुँऐं जुण्जे जुवाँन असो, तुँओं खे ईन्देंखे लिखू, के तुँऐं तागतबर असो, पंण्मिश्वर के बचन तुँओं दा आप्णा बास करह्, जिन्दें लई तुँऐं शैतान हराऐ दिता।