यूहन्ना 8:31 - Sirmouri

³¹ तबे: प्रभू यीशू ऐ तिनू यहूदियों लोगो खे बुलो, जिन्ऐं तिनू गाशी बिश्वाष करी थुवा थिया; के “जे तुँऐं मेरी शिक्षायों का पाल़्ण कर्दे रंह्ले; तअ तुँऐं सोत्तिखे मेरे चैले बंण्ले।

सिरमौरी नौवाँ नियम

³¹ बाद मै यीशुए तिनु यहूदी नेताओं शै जिनुवै तैसी पांदी बिशवाश कौरे राए थिया, तिनुखै बौल़ौ, “जै तुऐं मैरै शिक्षा दै बौणैयौंदे रौलै, तौ सौथी कै मैरै चैलै ठोहरलै।

यूहन्ना 8:31 ပူးပေါင်းရင်းမြစ်များ

मत्ती 24:13

परह् मुँक्त्ति छुट्कारा तेसी का हंदा, जुण्जा अंत्त-आखरी तोड़ी बिश्वाष दा पाका रंहला।

यूहन्ना 1:47

प्रभू यीशू ऐ नतनेएल आप्णी ढबे आँदें देखियों, तेस्के बारे दो बुलो, “देखो, ऐजा सोत्तिखे इस्राएली असो: ऐस्दो किऐ भे कपट ने आथी।”

यूहन्ना 2:2

प्रभू यीशू अरह् तिनके चैले भे जाज्ड़े दे बय्दी थुऐ थिऐ।

यूहन्ना 6:55

किन्देंखे के मेरी देह्-शरीर साच्चा भोजन असो, अरह् मेरो लह्ऊँ खास करियों पींणों के चींज असो।

यूहन्ना 8:36

ईन्देंखे जबे बैटा तुँओं अजाद करला, तअ तुँऐ सोत्तिखे अजाद हऐ ज़ाले।

प्रेरितो कै काम 13:43

जबे सेजी खुम्ल़ी ओष्ड़ी गऐ, तअ बैजाऐ गऐर यूहदी लोग जुण्जे के यहूदी मंत्त दे नुँऐ आऐ रूऐ थिऐ; से संत्त-पौलुस, अरह् बरनबास पाछ़ी हुटे; तबे तिन्ऐ तिनू लोगो आरी बात करी, अरह् तिन शी ऐजी अरज करी; के तुऐं पंण्मिश्वर की कृपा दे बँणें अँदे रूऐ।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

प्रेरितो कै काम 26:22

परह् पंण्मिश्वर की मद्त्त शा हाँव ऐत्त्लो तोड़ी टीका अंदा रूवा, अरह् छोटे-बड़े सोभी के सहाँम्णें ऐजी गुवाऐ-शाज़्त्त देऊँ; जिनू बातो के बारे दे ऋषियों अरह् ऋषी मूसा ऐं भे बरंमबाँणीं करी थंऐ; ईन्दें शो जादा ऐबे हाँव किऐ ने बुल्दा।

रोमियों 11:22

ईन्देंखे पंणमिश्वर के कृपा अरह् शक्त्ताऐ दे:ख! जू ऊदे रिड़े तिनू गाशी शक्त्ताऐ; परह् ताँव गाशी कृपा करी, जे तू तिन्दा संमाऐ अंदा रंऐं, तबे ही, ना तअ ताँव भे काटियों फेरकाऐ देंईदा।

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

1 तीमुथियुस 2:15

परह् तिरंई खे नहाँन्ड़िया हंणों के कारण ही छ़ुट्कारा भेंट्दा, जे से होंष-सबैर आरी बिश्वाष, प्यार, अरह् पबित्रता दी अंट्ल़-पाक्कीं रंह्।

1 तीमुथियुस 4:16

आप्णीं तरफ़ शा आप्णें भाष्ण दा च़ौक्क्ष रूऐ, अरह् ईनू ही बातो गाशी पाक्का भे रूऐ; किन्देंखे के जे तू ऐष्णों ही करदा रंईला, तअ तू आप्णाँ अरह् तेरी बातो शुँण्णों वाल़े लोगों खे भे ऐक आच्छ़ा-नंमुँना बंणला।

2 तीमुथियुस 3:14

परह् तुऐ आपु तिनू शिक्क्षाओं दा, जुण्जी तुओं भेंटी रंई; अरह् जिन्देंके बारे दे तुऐं भोर्षें दे असो, तिन्दें पाक्कै अट्ल़ रूऐ, अरह् ऐजों च़ीत्ते करियों के कुँणें तुओं खे ऐजी शिक्क्षा देऐ थंऐ।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 8:9

तेष्णाँ ने: जेष्णाँ वाचा मुँऐ तिनके पुराँणियाँ आरी तेसी बंख्त्ते करा थिया; जबे मुँऐ तिनका हाथ थाँम्बड़ियों, तिनू मिस्र देश शे बाँईडे गाड़े थिऐ, किन्देंखे के से मेरे करे गुऐ वाचा दे पाक्कै अट्ल़ ने रंई; ईन्देंखे हाँव तिन शा दुर हऐ गुवा, ऐजा प्रभू का बुल्णाँ असो।

याकूब 1:25

परह् जू आदमी पंणमिश्वर के बादे ज्ञाँन-निय्म के मुँताबिक नंजीक शे दे:खो, जिन्दे लई तेसी अजादी भेंटो, अरह् तिन्दे गाशी से बिचार भे करिया करह्, अरह् शुणिऐयों बिना भूली-बिसरी तिन्दे के बिचार दा चाल्दा रंह्, सेजो ही आप्णे कर्मों खे आशिर्बाद पाँदा।

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

1 यूहन्ना 2:24

ईन्दें का ख्याल थुऐ, के तुँओं दी सेजी ही शिक्क्षा पाक्की रंऐ च़ेंई, जुण्जी तुँऐं आगे शुभी शुणीं थऐ, अरह् जे तुँऐं तियों ही शिक्क्षा दे पाके अट्ल़ रंह्ले; तअ तुँऐं बैटे अरह् स्वर्गो के पिता दे भे बंणें अंदे रंह्दे।

2 यूहन्ना 1:9

जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।