यूहन्ना 8:29 - Sirmouri

²⁹ मुँह डेयाल़्णों वाल़ा, मेरी गंईलो असो; तिन्ऐं मुँह ऐक्ली ने छ़ूड़ी थंई, किन्देंखे के हाँव सदा सेजो ही करू; जिन्दें लई से बैजाऐ खुशी हों।”

सिरमौरी नौवाँ नियम

²⁹ मैरा भैजणौवाल़ा मैरै साथै औसौ, तैणै मुखै इकली ना छोड़े रैई जिथुखै हांव हमैशा सैजाई काम कौरु, जिथलैई सै खुश हौंव।”

यूहन्ना 8:29 ပူးပေါင်းရင်းမြစ်များ

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

मत्ती 3:15

प्रभू यीशू ऐ तेस्खे ऐजा जबाब दिता, “ऐबे तअ ऐष्णों ही हणों दे, किन्देखे के आँमों खे पंणमिश्वर के धार्मिक्त्ता ईन्दी ही पुरी हों, आँमों खे ऐष्णों कर्णो ही ठीक असो।” तबे संत्त-यूहन्ना ऐ प्रभू यीशू की बात माँनी पाऐ।

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

यूहन्ना 14:31

संईसारी ऐजो जाँणीं पाँव, के हाँव बाबा आरी प्यार करू; अरह् ऐजा ही कारण असो, के हाँव तिनकी बादी अज्ञाँ का पाल़्ण करू; ऐबे: ‘बीऊँजो अरह् ईथै शे आगु चालो।’

यूहन्ना 15:10

जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

यूहन्ना 16:32

देखो! सेजी घड़ी आँदी लागी ने, परह् आऐ गऐ; ऐबे तुऐं बादे झुणें खिदर-बिदर हऐयों आपु ही मुँझी ऊल़्झीं ज़ाँदें; अरह् मुँह ऐक्ली छ़ुड़ी देंदे, परह् हाँब ऐक्लीं ने आथी; परह् मेरा बाबा मेरी गंईलो हंदा।

यूहन्ना 17:4

जुण्जे काँम-काज़ तुँऐं मुँह कैई कर्णो खे देऐ थुऐ थिऐ, सेजे काँम-काज़ पुरे करियों; मुँऐं ईयों धर्त्ती गाशी तुवाँरी महाँ बड़ियाऐ करी थंऐ।

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 5:30

“हाँव आपु किऐ ने करी सक्दा, मुँह बाबा कैई शी जैष्णी अज्ञाँ भेटो, हाँव तेष्णा ही फंऐस्ला करू; अरह् मेरा फ़ऐस्ला साच्चा हों, किन्देंखे के हाँव आप्णी हिछ़या ने, परह् आप्णें डेयाल़्णों वाल़े की हिछ़या पुरी केर्णों खे तैयार रंऊँ।

यूहन्ना 6:38

किन्देंखे के हाँव आप्णी हिछ़या ने, परह् आप्णे डेयाल़्णों वाल़े की हिछ़या पुरी कर्णो खे स्वर्गो शा ऊँदा ऊत्री रूवा;

यूहन्ना 8:16

अरह् जे हाँव नियाँव भे करू, तअ मेरा फंऐस्ला संही हंदा; किन्देखे के हाँव ऐक्ला ने आथी: ईन्दा हाँव, अरह् पंरम-पिता, जिन्ऐं मुँह डेयाल़ी थुवा; से भे मेरी गईलो असो।

2 तीमुथियुस 4:17

परह् प्रभू मेरे मंद्दत्तगार रूऐ, अरह् मुँखें शँक्त्ति दिती, जू मेरी जाँणें खुषख्बरी का पुरा-पुरा प्रचार हों, अरह् बादे गऐर यहूदी लोग शुँणीं पाँव; अरह मुँह सीयों के ज़ात्ती शा जिया छ़ुडाया गुवा।

2 तीमुथियुस 4:22

प्रभू तेरी आत्त्मा की गईलो रंह्; अरह् ताँव गाशी तिनकी कृपा हंदी रंह्।

इब्रानियों 4:15

किन्देंखे के अमाँरा ऐष्णा महाँ-याजक ने आथी, जू अमाँरी कंमजूरी दा अमाँरी गईलो सुखो-दुखो का साथी ने बंणों; मतल्व से बादी बातो दा आँमों जेष्णाँ परखा-अजमाँया गुआ, तबे भे से बै-कसूर नींक्ल़ा।

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

1 यूहन्ना 2:1

मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।

1 यूहन्ना 3:22

तअ जबे आँमें तिन कैई शी, बिनती करह्, तअ तिन कैई शो आँमों भेटी ज़ाँव; किन्देंखे के आँमें तिनकी अज्ञाँ का पाल़्ण करह्; अरह् तिनकी हिछ़या के मुँताबिक आप्णा सभाव थंह्।