यूहन्ना 8:24 - Sirmouri

²⁴ ईन्देंखे मुँऐं तुँओं खे बुलो, के तुँऐं आप्णे पापे मर्ल़े; किन्देंखे के जे तुँऐं बिश्वाष ने कर्दे, के ‘हाँव सेजा ही असो’, तअ तुँऐं आप्णे पापे आपु मर्दे।”

सिरमौरी नौवाँ नियम

²⁴ इथकारिए मोऐं तुऔं खै बौल़ौ, कै तुऐं लगातार पाप कौरदै बैई मौरे जांदै, जै तुऐं मुं पांदी बिशवाश नै कौरलै कै हांव सैजाई औसौ, तौ तुऐं लगातार पाप कौरदै बैई मौरे जांदै।”

यूहन्ना 8:24 ပူးပေါင်းရင်းမြစ်များ

मत्ती 24:5

किन्देखे के भहीते ऐशे हले जू मेरे नाँव शे आऐयों बुल़्ले, के ‘हाँव मसीया असो’, अरह् भहीते लोग भरमाँऐं ज़ाले।

मरकुस 13:6

भहीते मेरे नाँव शे आऐयो बुल्ल़े ‘हाँव मसीया असो!’ अरह् से तुँओं मुँझ शे कंऐं ठगलें अरह् भरमाँलें।

मरकुस 16:16

अरह् जुण्जे बिश्वाष कर्ले, अरह् नहाँण-नहाँले से मुँक्त्त हंऐयों बंची ज़ाले, परह् जुण्जे बिश्वाष ने कर्ले, से दागी अरह् तिनखे सजा भेटली।

लूका 21:8

प्रभू यीशू ऐ तिनखे जबाब दिता, “च़ौक्क्ष रूऐ, के तुँऐं कोसी के बंकावे दे ने आँओ; बैजाऐ लोग मेरे नाँव शे आले, अरह् बुल़्लै, के ‘हाँव ही मसीया असो’ अरह् ‘सेजा बख्त्त आऐ गुवा’ परह् तुऐं तिनू पाछी ने ज़ाऐ।

यूहन्ना 13:19

ऐजी सब घट्णाँ घट्णों शो आगे ही मुँऐ तुओं कैई बुली लो, के जबे ऐजी घट्णाँ घटी ज़ाँव; तअ तुँऐं बिश्वाष करह्, के ‘हाँव मसीया असो।’

यूहन्ना 3:18

“जुण्जा कुऐं बैटे गाशी बिश्वाष करह्, से दोषी-कसूरबार ने बंण्दा; परह् जुण्जा कुँऐं बिश्वाष ने करदा, से दोषी-कसूरबार बंणी गुवा; किन्देंखे के से पंण्मिश्वर के ऐक्लोत्ते बैटे के नाँव गाशी बिश्वाष ने करदा।

यूहन्ना 3:36

जुण्जा कुँऐ बैटे गाशी बिश्वाष करला, अमर-जीवन तेस्का असो; परह् जुण्जा कुँऐं बैटे गाशी बिश्वाष कंरदा भाजी ज़ाँव, तेसी अमर-जीवन ने भेंट्दी; परह् पंण्मिश्वर का रोंष तेसी गाशी बंणाँ अंदा रंह्दा।”

यूहन्ना 4:26

प्रभू यीशू ऐ तियों खे बुलो, “मुँऐं, जेने ताँव्खे बुली लो; ‘हाँव सेजा ही’ असो।”

यूहन्ना 8:21

प्रभू यीशू ऐ लोगो खे हजो बुलो, “हाँव ज़ादा लागा; तुँऐं लोग मुँह जुह्ले, परह् तुऐं आप्णे पाप दे मंर्ले; हाँव जेथै ज़ाँदा लागा, तुऐं तेथै ने आऐ सक्दे।”

यूहन्ना 8:25

तबे लोगे ऐं प्रभू यीशू शो पुछ़ो, “तुऐं कुँण असो?” प्रभू यीशू ऐ जबाब दिता, “सेजा ही; जुण्जो मुँऐ शुरू शो ऊँबो, तुओं खे बुलो थियों।

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

यूहन्ना 8:58

प्रभू यीशू ऐ तिनखे बुलो, “हाँव तुओं खे खास बात बुलू; के बाबा अब्राहम के पय्दा हंणों शा आगे भे हाँव थिया।”

प्रेरितो कै काम 4:12

“कोसी ओकी आदमी के जाँणें मुँक्त्ति ने आथी; किन्देंखे के बादी संईसारी दो, अस्माँनों थाँई; कोसी ओकी आदमी को नाँव ही ने देऐ थंई; जैस्के जाँणें आँमों छ़ूट्कारा-मुँक्त्ति भेटो।”

इब्रानियों 12:25

च़ौक्क्ष रंह्, अरह् तेसी बुल्णों वाल़े शो आप्णों मुँह ने फेरे, किन्देंखे के से लोग जबे धर्ती गाशी चिंताँव्णी देणों वाल़े शे मुँह फेरियों ने बंची सकी, तअ आँमें स्वर्ग गेछ़ै चिताँव्णी देणों वाल़े शे मुँह फेरियों किऐ-किऐ बंच्दे?

इब्रानियों 2:3

तअ आँमें लोग ऐष्णें बड़े छुट्कारे शे बै-फिकरे रंऐयों किऐ-किऐ बंची सको? जिन्दें के चर्चा आगे ही आगे प्रभू के जाँणें हऐ, अरह् शुँण्णों वाल़े के जाँणें अमाँरे तिन्देंका बिश्वाष हुवा।