यूहन्ना 8:21 - Sirmouri

²¹ प्रभू यीशू ऐ लोगो खे हजो बुलो, “हाँव ज़ादा लागा; तुँऐं लोग मुँह जुह्ले, परह् तुऐं आप्णे पाप दे मंर्ले; हाँव जेथै ज़ाँदा लागा, तुऐं तेथै ने आऐ सक्दे।”

सिरमौरी नौवाँ नियम

²¹ यीशुए हौजौ तिनुकै बौल़ौ, “हांव जोऊं, औरौ तुऐं मुखै जौले औरौ लगातार पाप कौरदै बैई मौरे जांदै; जिथै हांव जोऊं तिथै तुऐं ना आए सौकौ।”

यूहन्ना 8:21 ပူးပေါင်းရင်းမြစ်များ

मत्ती 23:39

किन्देखे के हाँव तुँओं खे बुलू, के हेभी शुभे जाँव तोड़ी तुँऐं ने बुलो, के ‘भागोईत असो! से जू प्रभू के नाँव शा आँव’ ताँव-तोड़ी तुँऐं मुँह हजो कद्दी ने दे:ख्ले।”

मत्ती 25:41

“तबे राजा आप्णें डेरे ढबे के लोगों खे टाटी नाँऐयों बुल़्ला, ‘मुँह कैई शे दुर्के ज़ाव, श्रापित्त लोग! हमेशा के नंरक की आगी दे ज़ाव, जुण्जी शैतान अरह् तेस्के दूत्तों खे आगे ही तियार असो।

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

यूहन्ना 12:33

ऐष्णों बुलियों, प्रभू यीशू ऐ ऐजो साबित करी दितो; के से कैष्णी मऊँतिऐं मँर्दे।

यूहन्ना 12:35

प्रभू यीशू ऐ लोगो खे बुलो, ऐबे थोड़े ही बख्त्तो खे “जोत्त तुवाँरे बीच दी असो। अरह् जाँव तोड़ी जोत्त तुओं कैई असो, ताँव तोड़ी तुऐं ऊँजाल़े दे चाल्दे रंह्; जू कद्दी ऐशो ने हंईयों, के ईनाँरो तुँओं घेरी ने पाव; अरह् जुण्जा आदमी ईनाँरे दा चालो, तेस कैई ऐजा पता ने लागदा के से कैशे खे ज़ाँदा लागा।

यूहन्ना 13:33

हे, बालकों, हाँव थोड़ी ही देर खे हजो तुवाँरी गंईलो असो; हजो तुऐं मुँह जुह्ले, अरह् जेष्णों मुँऐं यहूदी अगवाल़ों खे बुलो थियो; तेष्णों ही हाँव तुँओं खे भे बुलू, के ‘जेथै हाँव ज़ाँदा लागा, तेथै तुँऐं ने आऐ सक्दे’;

यूहन्ना 7:34

तुँऐं मुँह जुह्ले, परह् हाँव तुँओं भेट्दी ने; अरह् हाँव जेथै हंदा ऐ, तेथै तुँऐं आऐ ने सक्दे।”

यूहन्ना 7:36

ऐने ऐजो का बुलो, ईन्देका का मंतल्व असो: के ‘तुऐं मुँह जुह्ले, परह् हाँव तुओं भेटू ने;’ अरह् ‘जेथै हाँव हंदा, तेथै तुँऐ आऐ ने सक्दे?’”

यूहन्ना 8:24

ईन्देंखे मुँऐं तुँओं खे बुलो, के तुँऐं आप्णे पापे मर्ल़े; किन्देंखे के जे तुँऐं बिश्वाष ने कर्दे, के ‘हाँव सेजा ही असो’, तअ तुँऐं आप्णे पापे आपु मर्दे।”

इफिसियों 2:1

ऐक बख्त थिया, जबे तुऐ लोग अपराध अरह् पापो के जाँणें आत्त्मिक रूप शे मँरे अँदे थिऐं