यूहन्ना 8:19 - Sirmouri

¹⁹ ईन्दे गाशी यहूदी भाट-बाँम्णें ऐ प्रभू यीशू शो पुछो; “केथै असो, तेरा बाबा?” प्रभू यीशू ऐं तिनखे जबाब दिता; “ना तअ तुऐं मुँह जाँण्दे, अरह् ना मेरा बाबा जाँण्दें। अरह् जे तुऐं मुँह जाँण्दें, तअ तुऐं मेरा बाबा भे जरूर जाँणी पाँदें।”

सिरमौरी नौवाँ नियम

¹⁹ तिनुऐ तैसीखै बौल़ौ, “तैरा पिता कुकै औसौ?” यीशुए जवाब दिया, “ना तौ तुऐं मुखै जाणौ औरौ ना मैरै पिता खै जाणौ, जै तुऐं मुखै जाणदै तौ मैरै पिता खै बै जाणदै।”

यूहन्ना 8:19 ပူးပေါင်းရင်းမြစ်များ

मत्ती 11:25

तेसी ही बख्ते प्रभू यीशू ऐ बुलो, “हे पिता पंणमिश्वर, स्वर्गो अरह् धर्ती के प्रभू तेरा धन्यबाद करू; के तुऐं ईनू बातो ज्ञाँनियों अरह् सम्झदारों शी चुप्पी थंई, अरह् बालक जेष्णें लोगो गाशी पर्गट करी थंई।

यूहन्ना 1:10

बचन आगे ही संईसारी दा थिया, अरह् संईसारी तेसी ही बचन के जाँणें पंय्दा हऐ; तबे भे ईऐं संईसारी ऐ तेसी बचन पंह्छ़्याँणीं ने।

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 15:21

से ऐजो सब-कुछ तुवाँरी गंईलो मेरे कारण कर्दे, किन्देंखे के से मुँह डेयाल़्णों वाल़ा ने जाँण्दे।

यूहन्ना 16:3

से ऐजा कुँकंर्म ईन्देखे कर्ले, के तिन्ऐं ना तअ बाबा जाँणीं; अरह् ना तिन्ऐं मुँह जाँणी;

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 7:28

प्रभू यीशू ऐ देऊँठी दी शिक्षा देंदे जुराल़ो बुलो; “तुँऐं मुँह जाँणोंऐं, अरह् ऐजो भे जाँणों ऐ, के हाँव केथै का असो। अरह् हाँव आप्णें आप ने आऐ रंई, परह् मुँह डेयाल़्णों वाल़ा साच्चा असो, परह् तुऐं तेसी जाँण्दें ने।

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

गलातियौं 4:9

परह् ऐबे तुँऐं पंण्मिश्वर पछ़याँणी पाया; मतल्व पंण्मिश्वर ऐ तुँओं पछ़याँणें; तअ तुँऐं तिनू कंमजोर अरह् निकारे रूवाज-निय्म दे कैई फष्दे लागे; अरह् कैई तिन्दें पाछु ज़ाँदे लागे; कियों तुँऐं हजो तिनके दास बंणों चहाँव।

इफिसियों 1:17

के अमाँरे प्रभू यीशू मसीया का पंण्मिश्वर जू शक्त्तिशाली पिता असो; से तुओं खे ज्ञाँन अरह् बखाँण के आत्त्मा दियों; जिन्दें लंई तुऐ सोत्तिखे पंण्मिश्वर आच्छ़े ढंग शा जाँणीं सको।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

कुलुस्सियों 1:15

से तअ छाँई-माई पंण्मिश्वर का देखाई पढ़णों वाल़ा रूप असो, अरह् बादी संईसारी का जैठा असो।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

1 यूहन्ना 2:23

जुण्जा कुँऐं बैटे को ने माँन्दा, तैस कैई स्वर्गो का पिता भे आथी ने: परह् जुण्जा कुँऐं बैटे को माँनी पाँव, तैस कैई स्वर्गो का पिता भे असो ऐ।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

2 यूहन्ना 1:9

जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।