यूहन्ना 7:7 - Sirmouri

⁷ संईसारी तुँओं आरी बईर ने कर्दी, परह् से मुँह आरी बईर करह्, किन्देंखे के हाँव ईयों संईसारी के बादे दी ऐजी गुवाऐ-शाज़्त्त देंऊँ, के ईनके काँम-काज़ बुरे असो।

सिरमौरी नौवाँ नियम

⁷ दुनिया कै लोग तुऔं शै बैर ना कौरे सौकौ पौरौ सै मुं आरी बैर कौरौ, जिथुखै हांव तिनकै खिलाफ दो ऐजौ बुलू, कै तिनकै काम बुरै औसौ।

यूहन्ना 7:7 ပူးပေါင်းရင်းမြစ်များ

लूका 6:26

नीर्भाग असो, तुँऐं जिन खे लोग शबाशी दियो, किन्देंखे के तिन के पुराँणियाऐं भे झूठे, ऋषी आरी ऐष्णों ही करह् थिऐ।

यूहन्ना 17:14

मुँऐ ईनखे तुवाँरे बचन की देऐ थंऐ, परह् संईसारी ऐं ईन्दे शो बंईर कोरो; ईन्देंखे ऐबे ऐजे लोग भे ईयों संईसारी के ने आथी, जेष्णाँ के हाँव ईयों संईसारी का ने आथी।

यूहन्ना 3:19

दोषी-कसूरबार का कारण ऐजा असो, के ज्योति-प्रकाष संईसारी दे आऐ; परह् आदमी ऐं तियों ज्योति-प्रकाष प्यारी ने माँनी; अरह् तिन्ऐं ईनाँरो प्यारो माँनों, किन्देंखे के तिनके काँम-काज़ बुरे थिऐ।

रोमियों 8:7

किन्देंखे के आदमी खे आप्णें पाप वाल़े सुभाव दा मंन लाँणा तअ पंणमिश्वर शो बईर असो, किन्देंखे के ना तअ पंणमिश्वर निय्म के बष दे आथी, अरह् ना ऐष्णों हऐ सक्दो;

गलातियौं 4:16

तअ तबे कियों हाँव तुँओं आरी साच्चो बुल्णों के जाँणें तुवाँरा बऐरी बणी रूआ?

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 यूहन्ना 4:5

जुण्जे लोग संईसारी के हों, तिनकी बात-चीत्त भे संईसारी की ही हों, अरह् संईसारी भे तिनकी ही बातो दा आप्णा मंन लाँव।