यूहन्ना 7:6 - Sirmouri

⁶ तबे प्रभू यीशू ऐ आप्णें सुहरे भाई खे बुलो, “मेरा बख्त्त हेभी तोड़ी आऐ ने रई परह् तुँओं लोगो का बख्त्त तअ सदा असो।

सिरमौरी नौवाँ नियम

⁶ तोबै यीशुए तिनुखै बौल़ौ, “मैरै जाणौ का सोही सौमय इबी ना आए रैई; पौरौ तुऔं कारिए सौबै सौमय औसौ।

यूहन्ना 7:6 ပူးပေါင်းရင်းမြစ်များ

मत्ती 26:18

प्रभू यीशू ऐ बुलो, “नंगर दे कोसी भे आदमी कैई ज़ाऐयों बुलो, के ‘गुरू जी बुलो, के मेरा बख्त्त नंजीक असो। हाँव आप्णें चैले आरी तेरे कागी फ़सह को तियार मंनाँऊ’।”

यूहन्ना 13:1

(फ़सह) के मेल़ै को देस थियो; अरह् प्रभू यीशू कैई ऐजा पता थिया, के ऐबे मेरा ईयों संईसारी छुड़ियों बाबा कैई पाछू ज़ाँणों का बख्हत्त नंजीक आऐ गुवा; तअ तबे: प्रभू यीशू ऐं जुण्जे तिनके ईयों संईसारी दे आप्णें प्यारे थिऐ, तिनू आरी तिन्ऐं आखरी बख्त्तो तोड़ी तेष्णों ही प्यार करो।

यूहन्ना 17:1

प्रभू यीशू ऐं ऐजी बादी बातो जबे बुली पाई, तअ तिन्ऐ आप्णीं आखी अगाषों की ढबै लाऐयों बुलो; “हे बाबा, सेजी घड़ी आऐ पुझ़ी, ऐबे आप्णें बैटे की बड़ियाऐ करह्; जू बैटा भे तुवाँरी बड़ियाऐ करी सको।

यूहन्ना 2:4

प्रभू यीशू ऐ जबाब दिता, “हे माँ, तुँऐं ऐजो मुँह कैई किन्देखे बुली लो? हेबी मेरा बख्त्त आऐ ने रंई।”

यूहन्ना 7:30

ईन्दें गाशी तिन्ऐं प्रभू यीशू थाँहम्बड़ियों बाँनणें चहाऐ, परह् कुँणिऐं तिन्दी पाच्ची ने पाई; किन्देंखे के हेभी तोड़ी तिन का बख्त्त ने आऐ रंई थी।

यूहन्ना 7:8

तुँऐं ऐसी तैयारह् के मेल़ै दे ज़ाव, परह् ऐसी तैयारोह् के मेल़ै दा हाँव ने आँदी; किन्देंखे के हेबी तोड़ी मेरा बख्त्त ने आऐ रंई।”

यूहन्ना 8:20

प्रभू यीशू ऐ ऐजे बचन देऊँठी के भडारे दे शिक्षा देंदे बख्त्ते बुले, तबे भे कुँणिऐं तिन दा हाथ तक ने लाई; किन्देंखे के हेभी तोड़ी तिन का बख्त्त ने आऐ रंई थी।

प्रेरितो कै काम 1:7

“प्रभू यीशू ऐ तिनखे ऐजा जबाब दिता, सेजा बख्हत्त बाबा के हंक-अधिकार, अरह् ज्ञाँन के बारे दे जाँण कारी थंणीं, तुवाँरा काँम ने आथी; अरह् ना तुऐं ईन्दें की खोज करे।