यूहन्ना 7:37 - Sirmouri

³⁷ मेल़ै के आखरी, अरह् खास देसे, प्रभू यीशू खह्ड़े हुऐ; अरह् तिन्ऐं जुराल़ो बुलो, “जे कुँऐ च़ीषा असो, तअ से मुँह कैई आँव, अरह् ऐजो जीवन को जल मुँह कैई शो पीयों।

सिरमौरी नौवाँ नियम

³⁷ हौजौ तैयारो कै आखरी दूस, जू मुख्य दूस औसौ यीशु खौड़ा हौआ औरौ जोर शै बौल़ौ, “जै कुणिए तिशा औसौ तौ मैरै धोरे आव औरौ पियौ।

यूहन्ना 7:37 ပူးပေါင်းရင်းမြစ်များ

मत्ती 11:28

“हे बादे मेंह्नत कर्णो वाल़े, अरह् बोझ़-भार थाई दबे अंदे लोगो, मुँह कैई आओं; हाँव तुँओं खे बिषाँव देऊँबा।

मत्ती 3:3

से सेजा ही असो, जिनके बारे दा ऋषी-यशायाह ऐ आप्णीं कताबी दो बुली थो: के “जाँगल़ों दा ऐक धुवाँणों वाल़े की धाव शुणींई रंई, के प्रभू की बाट तियार करह्। तिनकी शड़की सिधी करह्।”

मत्ती 5:6

भागोईत असो! सेजे जू धर्म के भूखे-च़ीषे असो, किन्देखे के तिनू छ़कऐं देई दे।

यूहन्ना 1:23

तबे संत्त-यूहन्ना नहाँण-कराँणों वाल़े ऐ बुलो, “ऋषी यशायाह के लेख्ह के मुँताबिक: हाँव जाँगल़ो के सेजी धाव असो, जुण्जा धोवाऐ-धोवाऐयों बुलो; के ‘प्रूभ खे बाट सिद्धी बाणों।’”

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 4:10

प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

यूहन्ना 4:11

तबे तिऐं तिरंई ऐं प्रभू यीशू खे बुलो, “हे महाँराज! तुँओं कैई कुँऐ शो पाँणी ऊबो गाड़्णों खे किऐ भे ने आथी; अरह् ऐजा कुँवा तअ बैजाऐ नींगुवा असो; तअ तबे तुओं सेजो अमर जीवन को जल केथै शो भेंट्दो?

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 5:40

तबे भे तुँऐं लोग अमर-जीवन पाँणों खे मुँह कैई ने आँणों चहाँदे।

यूहन्ना 6:35

प्रभू यीशू ऐ तिनखे जबाब दिता, “जीवन की रोटी हाँव असो! जुण्जा मुँह कैई आँव, तेसी कद्दी भे भूख ने लागदी; अरह् जुण्जा मुँह्दा बिश्वाष करह्, तेसी कद्दी भे च़ीष ने लागदी।

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

यूहन्ना 6:55

किन्देंखे के मेरी देह्-शरीर साच्चा भोजन असो, अरह् मेरो लह्ऊँ खास करियों पींणों के चींज असो।

यूहन्ना 7:28

प्रभू यीशू ऐ देऊँठी दी शिक्षा देंदे जुराल़ो बुलो; “तुँऐं मुँह जाँणोंऐं, अरह् ऐजो भे जाँणों ऐ, के हाँव केथै का असो। अरह् हाँव आप्णें आप ने आऐ रंई, परह् मुँह डेयाल़्णों वाल़ा साच्चा असो, परह् तुऐं तेसी जाँण्दें ने।

1 कुरिन्थियों 10:21

ऐष्णों हऐ ने सक्दो के तुँऐं प्रभू के बैलुऐ अरह् दुष्ट-आत्त्मा के बैलुऐ दुई शो पीयों; तेष्णें ही तुऐं प्रभू के मेज अरह् दुष्ट-आत्त्मा के मेज दुई गाष्ले हिस्सेदार बंणी ने सक्दे।

1 कुरिन्थियों 10:4

अरह् सभिऐं ऐक ही आत्त्मिक पाँणी पियों, किन्देंखे के से बादे झुणें तियों आत्त्मिक कऐड़ी शो नींक्ल़ो अंदो पाँणी पियों थिऐ, जुण्जी कऐड़ तिन्की गईलो-गईलो चालो थी; अरह् सेजी आत्त्मिक कऐड़ मसीया थिया।

1 कुरिन्थियों 11:25

तेष्णा ही बियाल़ी खाँणों पाछी तिन्ऐं बैलुवा करा, अरह् बुलो, “ऐजा बैलुवा मेरे लह्ऊँ दा नुवाँ बाय्दा असो: जबे कद्दी पीयों; तअ मुँह चितोंणों खे ऐष्णों ही करिया करह्।”

1 कुरिन्थियों 12:13

किन्देंखे के आँमें सभिऐं भाँव यहूदी भाँव यूनानी, भाँव दास भाँव अजाद, ऐकी पबित्र-आत्त्मा के जाँणें ऐक देह्-शरीर हंणों खे नहाँण-नहाँऐं थो, अरह् आँमों सोभी कैई शी ऐक ही आत्त्मा पियाऐं थऐ।

इफिसियों 5:18

अंगुरोह् के शाड़े अँदें रंस शे मंतवाल़े ने बणें, किन्देंखे के ईदे लई लूचपंण हों, परह् पबित्र-आत्त्मा शे भरपूर हंदे ज़ाव,

प्रकाशितवाक्य 21:6

तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।

प्रकाशितवाक्य 22:1

तबे ईन्दें पाछ़ी तेने स्वर्गदूत्तें मुँह कैई शी जीवन के जल की नंदी देखाऐ, जुण्जी बिल्लौर के जेष्णी छ़लक्दी, साफ सीसै हार्षी की जेऐ थी, जुण्जी पंण्मिश्वर अरह् छ़ैल़्टे के सिगाँस्ण शी बंह्दें नींक्ल़ों थी।

प्रकाशितवाक्य 22:17

पबित्र-आत्त्मा अरह् दुल्ह्नं ईनू दुई की ऐजी ही बिनन्त्ति असो; “आओ!” जेने शुँणीं लुओं, से भे बुलो; “आओ!” सेजा जुण्जा च़ींषा असो से भे पीयों, अरह् जुन्जा कुँऐ हिछ़ुक असो, से भे ऐई मु़ँझ़ी दाँण भेट्णों के रूप दो जीवन को जल मुँझ़्शो पीयों।