यूहन्ना 7:26 - Sirmouri

²⁶ परह् देखो, ऐने तअ लोगो की बै-शुमार भीड़ो आरी खुल्मंखुली बातो करी लई, अरह् ईनू मुँझ्शो कुँऐं भे ऐस्खे किऐ ने बुल्दा। कियों ईन्ऐं चुपचाँण ऐजो माँनी पाव, के ऐजा ही मसीया असो?

सिरमौरी नौवाँ नियम

²⁶ पौरौ दैखौ, सै तौ खुलैआम बातौ कौरौ औरौ कुणिए तैसीखै किछै ना बौल़ौ; कोदी ऐशै तौ नी कै तिनुऐ साचौ जाणै पोऊ; कै ऐजाई मसीह औसौ?

यूहन्ना 7:26 ပူးပေါင်းရင်းမြစ်များ

मत्ती 22:16

तबे तिन्ऐ आप्णे चैले हेरोदियों दल़ के लोगों की गईलो प्रभू यीशू कैई ऐजो बुल्णों खे डियाल़े, के “हे गुरू जी! आँमें जाणोंऐं के तुँऐं साचे असो, अरह् पंणमिश्वर की राज्य की शिक्क्षा पुरी सचाई शी शिखाव, अरह् तुओं दा किऐ भेद्-भाव ने आथी, अरह् तुँऐं कोसी आदमी के जरकावें दे ने आँदे।

लूका 23:13

हाकम-पिलातुस ऐ, मुँख्या-याजकों, अरह् नंम्बरदार, अरह् लोग बऐदियों तिनखे बुलो।

लूका 7:30

परह् यहूदी भाटे-भाम्णें अरह् यहूदी-निय्म के शिखाँणों वाल़े ऐं संत्त-यूहन्ना के हाथै नहाँण-कराँणों माँनी ने, अरह् आप्णें बारे दी पंण्मिश्वर के हिछ़या बैकार करी दिती।

यूहन्ना 12:42

हाकमों मुँझ्षा भे भहित्ते लोगे ऐ, प्रभू यीशू गाशी बिश्वाष करा; परह् से यहूदी भाट्-बाँम्णों के कारण सोभी के सहाँम्णें खुह्लमं-खुह्ले बिश्वाषी ने बंणीं सकी; किन्देंखे के से ऐशे डरह् थिऐ, के कंद्दी ऐशो ने हंईयों के आँमों यहूदी च़ौत्ते शे ऐजे लोग आगु ने गाड़ी दियों।

यूहन्ना 18:20

प्रभू यीशू ऐ तेस्खे जबाब दिता, “मुँऐ संईसारी के सहाँम्णें खुल्म-खुल्ली बातो करी थंई; मुँऐ हमेशा यहूदी च़ौत्रें अरह् देऊँठी दे शिक्षा दिती, जेथै बादे यहूदी निय्म के शिखाँणों वाल़े लोग हों थिऐ; अरह् मुँऐ चूप्पी कंद्दी भे किऐ ने बुली।

यूहन्ना 3:1

यहूदी भाट-बाँम्णों मुँझी ऐक नीकुदेमुस नाँव का आदमी थिया, जुण्जा यहूदियों के सियाँणें मुँझ्शा ऐक सियाणाँ थिया।

यूहन्ना 4:29

“चालो, ऐक आदमी देखो, जिन्ऐं मेरे जीवन की बादी बातो शुँणाँऐ दिती; झुण्जी किऐ मुँऐ करी थंई थी; कंद्दी ऐशो ने हंईयों के सेजे ही ‘मसीया’ हले?”

यूहन्ना 7:25

ईन्दें गाशी किऐ यरूशलेम के रंहणों वाल़े लोग बुल्दे लागे, “कियों ऐजा सेजा ही आथी ने, जेसी मार्णों की ताक-खोज दे यहूदी अगुवाल़ लोग असो?

यूहन्ना 7:31

तबे भे लोगो की भीड़ मुँझ्शा बैजाऐ लोगे ऐं प्रभू यीशू गाशी बिश्वाष करा; अरह् से आपु मुँझी बुल्दे लागे, के जबे “मसीया आले, तअ कियों से ऐसी आदमी शे भे जादा चींह्न-चंम्त्तकार देखाँदे?”

यूहन्ना 7:48

कियो प्रधानों अरह् कोसी यहूदी भाट-बाम्णों मुँझ्षा भे कुँणिऐं तेसी गाशी बिश्वाष करी थुवा?

यूहन्ना 9:22

तेसी आदमी के माँ-बाबा ऐं ऐजी बात ईन्देंखे बुली, किन्देंखे के से यहूदी निय्म के शिखाँणों वाल़े शे डरो थिऐ; अरह् यहूदी निय्म के शिखाँणों वाल़े ऐं ऐजो आगे ही ठाटी थो थियों, के जे कुँऐं आदमी प्रभू यीशू खे मसीया माँनला तअ आँमें तेसी आदमी यहूदी च़ौत्रे शा बाँईडा गाड़ी देऊँबे।

प्रेरितो कै काम 4:13

जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ।

फिलिप्पियों 1:14

अरह् प्रभू दी जुण्जे भाऐ-बंईणों असो, तिन मुँझ्शे जादा लोग मेरे कय्द हंणो के कारण हिमम्त्त करियों पंण्मिश्वर का बचन बै-धड़क शुँणाँणों खे बैगेही हिमम्त्त करह्।