यूहन्ना 7:23 - Sirmouri

²³ जबे तुऐं बिषाँव के देसे भे टंडके का खतना करह्, के कंद्दी ऐशो ने हंईयों के ऋषी मूसा के अज्ञाँ निय्म भंग ने हों; तअ तबे तुऐं लोग ईन्देंखे कैई रोष-कुरूध करह्, के मुँऐं बिषाँव के देसे ऐक आदमी चाँग्गा-भला करा?

सिरमौरी नौवाँ नियम

²³ तुऐं विशांव कै दूसै आदमी का खतना कौरौ, ताकि मूसा कै कानून कै आज्ञा टोल़े नै जांव, तौ तुऐं मुं पांदी किथु गुस्सा कौरौ कै मोऐं विशांव कै दूसै ऐक आदमी कै पूरी तरह शै ठीक कौरा।

यूहन्ना 7:23 ပူးပေါင်းရင်းမြစ်များ

मत्ती 12:10

तेथै ऐक आदमी थिया, जेस्का हाथ शुंका अंदा थिया। तिन्ऐ प्रभू यीशू शा ऐक सुवाल पुछा, “कियों बिषाँव के देसे चाँगा करणा ऋषी-मूसा खे भेटे गुऐ अज्ञाँ-निय्म के हिंसाब शो ठीक असो, के आथी ने?” तिनिऐं सेजा सुवाल ईन्देंखे करा, के तिनू कसूरबार बंणाऐ ज़ाँव।

मत्ती 12:2

ऐजो दे:खियों यहूदी भाट-बाँम्णें तिनका बिरोध करा, अरह् बुलो, “दे:खो, तुवाँरे चैले बिषाँव के देसे ऋषी मूसा खे भेटे गुऐ अज्ञाँ-निय्म का पाल़्ण ने कर्दे।”

मत्ती 12:5

कियो तुँऐं ऋषी-मूसा खे भेटे गुऐ, अज्ञाँ-निय्म दो पढ़ी ने थंई, के देऊँठी दे काम कर्णो वाल़े याजक लोग बिषाँव के देसे जे देऊँठी दी अज्ञाँ-निय्म च़ूड़्णों गाशी भे कसूरबार ने बंण्दे?

यूहन्ना 5:10

ईन्दें गाशी यहूदी लोगे ऐं अगवाल़ ऐ तेसी चाँग्गै हुऐ अंदे आदमी खे बुलो, “ऐत्त्लो तअ बिषाँव को देस असो, कियो ऐत्त्लो बिछ़ाणाँ थाग्णाँ ठीक असो।”

यूहन्ना 7:21

प्रभू यीशू ऐ तिनखे जबाब दिता, “मुँऐं ऐक चींह्न-चम्त्तकार करा, अरह् तुवाँरे तोरंबाँणच़ूटें।

यूहन्ना 9:16

ईन्दे गाशी किऐ यहूदी भाट-बाँम्णें ऐं बुलो, “सेजा आदमी पंण्मिश्वर की ढबे शा ने आऐ रंई; किन्देंखे के से बिषाँव के देसो का किऐ भे पाल़्ण ने करदा।” अरह् किऐ लोगे ऐ बुलो, “तअ तबे पापी आदमी ऐष्णें चींह्न-चंम्त्तकार किऐ-किऐ देखाऐ सको?” तबे ईयों बातो लई तिनू सोभी लोगो मुँझी भेद्-भाव लई फूट पड़ी।