यूहन्ना 7:16 - Sirmouri

¹⁶ प्रभू यीशू ऐ तिनखे जबाब दिता, “मेरी शिक्क्षा मेरी ने आथी; परह् तिनकी शिक्क्षा असो, जिन्ऐं मुँह डेयाल़ी थुवा।

सिरमौरी नौवाँ नियम

¹⁶ यीशुए तिनु जवाब दिया, “मैरा उपदैश मैरा आपणा ना आथी, पौरौ ऐजौ पौरमेशवर कै ढौबौशौ औसौ जैणै मुखै छाड़ै राए।

यूहन्ना 7:16 ပူးပေါင်းရင်းမြစ်များ

यूहन्ना 14:10

कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 14:24

जुण्जा मुँह शो प्यार ने करला, से मेरे बचन का पाल़्ण ने करदा; अरह् जुण्जे बचन तुँऐं शुणों, सेजे बचन मेरे ने, परह् तेसी बाबा के असो; जिन्ऐं मुँह डेयाल़ी थुवा।

यूहन्ना 17:14

मुँऐ ईनखे तुवाँरे बचन की देऐ थंऐ, परह् संईसारी ऐं ईन्दे शो बंईर कोरो; ईन्देंखे ऐबे ऐजे लोग भे ईयों संईसारी के ने आथी, जेष्णाँ के हाँव ईयों संईसारी का ने आथी।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 3:11

हाँव ताँव्खे ऐक खास बात बुलू: के आँमें जुण्जो जाँणों ऐ सेजो ही बुलो; अरह् आँमें जुण्जो देखी थो, तिन्दे के ही आँमें गुवाऐ-शाज़्त्त दियों; परह् तुँऐं लोग अमाँरी गुवाऐ-शाज़्त्त माँन्दे ने।

यूहन्ना 3:31

“जुण्जा स्वर्गो शा आँव, से सोभी शा बड़ा असो; अरह् जुण्जा धर्त्ती शा आँव, से धर्त्ती का असो; अरह् से धर्त्ती गाशली ही बातो बुलो; परह् जुण्जा स्वर्गो शा आँव, से सोभी शा बड़ा असो।

यूहन्ना 5:30

“हाँव आपु किऐ ने करी सक्दा, मुँह बाबा कैई शी जैष्णी अज्ञाँ भेटो, हाँव तेष्णा ही फंऐस्ला करू; अरह् मेरा फ़ऐस्ला साच्चा हों, किन्देंखे के हाँव आप्णी हिछ़या ने, परह् आप्णें डेयाल़्णों वाल़े की हिछ़या पुरी केर्णों खे तैयार रंऊँ।

यूहन्ना 6:44

कुँऐं मुँह कैई ने आऐ सक्दा, जाँव तोड़ी के बाबा, जिन्ऐं मुँह डेयाल़ी थुवा, से तेसी आदमी खींचियों ने आँणों; अरह् हाँव तेसी आदमी आखरी के देसे हजो ऊँबा जीऊँदा करूबा।

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

2 यूहन्ना 1:9

जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।

प्रकाशितवाक्य 1:1

यीशू मसीया का बखाँण, जुण्जा तिनखे पंण्मिश्वर की ढंबे शा भेंटा थिया, जिन्दे लंई से आप्णें सेंवक-दास खे नंजीक आणों वाल़ी घट्णाँ देखाँव; तिन्ऐं आप्णें स्वर्गदूत्त डेयाल़ियों ऐसी बखाँण का ज्ञाँन आप्णें सेवक संत्त यहून्ना कैई शा कराया;