यूहन्ना 6:9 - Sirmouri

⁹ “ईथै ऐकी टड्के कैई, ज़ौ की पाँच रोटी, अरह् दो भुजीं अंदी माँच्छ़ी असो, परह् ऐजी रोटी ऐत्रे लोगो खे किऐ ने आथी?”

सिरमौरी नौवाँ नियम

⁹ “इथै ऐक भेइया औसौ जैसकैंई जौ की पाँच रोटी औरौ दो माछी औसौ, पौरौ इशैक रोटी सौबी लोगौ कै सौन्टदी ना।”

यूहन्ना 6:9 ပူးပေါင်းရင်းမြစ်များ

मत्ती 14:17

तबे चेलै ऐं प्रभू यीशू खे बुलो, “ईथे आँमों कैई पाँच रोटी अरह् दो माँछी के सुवाऐ ऊको किऐ ने आथी।”

मत्ती 16:9

कियो तुँऐं हेभी तोड़ी भे सम्झी ने रंई? कियो तुवाँरे सेजे पाँच हजार लोगों खे पाँच रोटी चींत्ते आथी ने, अरह् ना ऐजो के तुँऐं केतोड़ी शैक्ड़ी बंचे अंदे टुक्ड़े की थागी।

मरकुस 6:38

प्रभू यीशू मसीया ऐ तिन कैई शो पुछो, “केतोड़ी रोटी असो ईथे? ज़ाऐयों पता लाव!” तिन्ऐं पता लाऐयों जबाब दिता, “पाँच रोटी, अरह् दो माछ़ी के सुवाऐ ऊको किऐ ने आथी।”

मरकुस 8:19

के जबे मुँऐ पाँच हजारंह् आदमी खे पाँच रोटी च़ुड़ी थी, तअ तुँऐं टूक्ड़े की केतोड़ी शेक्ड़ी भरियों सलाऐ थी?” चैले ऐ बुलो, “बारंह् शेक्ड़ी।”

लूका 9:13

प्रभू यीशू ऐ तिनू खास-चैले खे बुलो, “तुँऐं ही ईन लोगो खे किऐ खाणों खे दियों” चैले ऐ बुलो, “आँमों कैई सिर्फ पाँच रोटी अरह् दो माँछ़ी के सुवाऐं ऊको किऐ ने आथी; अरह् जे आँमें ज़ाऐयों, ईनू लोगो खे किऐ भोजन मोल्लै लियाऊँबे तअ तबे ठीक असो” परह् ऐजे लोग तअ पाँच हजार मरोद् के ऊडे-पुडे असो।

यूहन्ना 11:21

माँर्था ऐ प्रभू यीशू खे बुलो, “हे प्रभू जी! जे तुँऐं ईथै हंदे, तअ मेरा भाऐ बिल्कुल ने मँर्दी थी।

यूहन्ना 11:32

जैई मरियम तेसी जागे दी पह्ऊँची, जेथै प्रभू यीशू थिऐ, तैई से तिनू देख्दे ही तिनके लात्तो गाशी पड़ी; अरह् तिऐ बुलो; “हे, प्रभू जी! जे तुऐं ईथै हंदे तअ मेरा भाऐ मंरदा ने थिया।”

यूहन्ना 21:10

प्रभू यीशू ऐ तिनखे बुलो, “तुऐं हेभी जुण्जी माँछ़ी थाँहम्बड़ी थंई; तिनू मुँझ्शी किऐ माँछ़ी ईथै लियाव।”

यूहन्ना 21:13

प्रभू यीशू ऊँडे आऐं, अरह् तिन्ऐ रोटी थागी; अरह् चैले खे दिती, अरह् तेष्णीं ही तिन्ऐ चैले खे सेजी माँछ़ी भी दित्ती।

यूहन्ना 21:9

जबे चैले टीराँव्टी गाशी नाव शे ऊदे ऊत्रे, तअ तबे तिन्ऐ बोल़े अंदे अंगारो गाशी आगे ही थंई अंदी माँछ़ी, अरह् सहाँम्णें थंई अंदी रोटी भे देखी।

यूहन्ना 6:11

तबे प्रभू यीशू ऐ रोटी कोरी, अरह् पंण्मिश्वर का धन्यबाद करियों बईठे अंदें लोगो खे बाँडी दिती; अरह् तेष्णी ही सेजी दो माँच्छी भे जेस्के जैतोड़ी चेंई थी, तेस्खे तै-तोड़ी बाँडियों देऐ दिती।

यूहन्ना 6:7

फिलिप्पुस ऐ तिनखे जबाब दिता, के “दो षोंह् दीनार की रोटी भे ऐत्री भह्त्ति हंदी ने, के ईनू सोभी खे किऐ दाँणिक-दाँणिक भेटी ज़ाँव।”

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।

प्रकाशितवाक्य 6:6

तबे मुँऐ जाँणों चारे जींव के बीच दे ऐजी नाँद्ह शुँणीं, “ऐकी देसो की धियाड़ी ऐक दीनार सैर भरी गिऊँ, अरह् ऐक देसो की धियाड़ी का च़ीन किलो ज़ौ, परह् तेल अरह् अंगूरोह् के रंस का नुकसाँन-घाटा ने हंणों दिऐ।”