यूहन्ना 6:70 - Sirmouri

⁷⁰ प्रभू यीशू ऐ तिनखे बुलो, “कियों मुँऐं तुँओं बारंह् झोणें झुणी-छाँटी ने थई थी? तबे भे तुँओं मुँझ्षा ऐक शैतान के कंब्जे दा असो।”

सिरमौरी नौवाँ नियम

⁷⁰ यीशुए तिनुखै जवाब दिया, “मोऐं ही तुऔं बारौ चैलै खै ना चोणे रैई। तोबै बै तुऔं मुंजीदा ऐक आदमी शैतान कै कब्जे दा औसौ।”

यूहन्ना 6:70 ပူးပေါင်းရင်းမြစ်များ

यूहन्ना 13:18

“मुँऐ तुँओं सोभी के बारे दो ऐजो ने बुली लई; हाँव ऐजो जाँणू ऐ, के मुँऐं कोसी-कोसी आदमी चुँणीं-छ़ाटी थुऐ; परह् ऐजो ईन्देंखे हंदो लागो; के पबित्र-ग्रन्थो का सेजा बचन पुरा हो: के ‘जुण्जा मेरी रोटी खाँव, तेने ही मुँखे लात्ते ऊराल़ी थंऐ।’

यूहन्ना 13:2

जबे प्रभू यीशू ऐं आप्णें चैले आरी बियाल़ी खाऐ लऐ थी, तबे शैतान ऐ शमौन के बैटे यहूदा इस्करियोती के मंन दा ऐशा पाप पर्गट करा, के तू यीशू धोख्हे शे थंह्म्बड़ाऐ दे।

यूहन्ना 13:21

ऐजी बातो बुल्दे-बुल्दे प्रभू यीशू आत्त्मा दे ब्याकुल हुऐ, अरह् तिन्ऐं बुलो; “हाँव तुँओं खे ऐक खास बात बुलू, के तुँओं मुँझ्षा कुऐं ऐक झुणा मुँह आरी धोख्हा करदा।”

यूहन्ना 13:27

जेई सेजा रोटी का टुक्ड़ा यहूदा इस्करियोती ऐ आगु करा, तेई शैतान तेख्णीं तेस्दा संमाँया; अरह् तबे प्रभू यीशू ऐं तेस्खे बुलो, “तेरे जुण्जो किऐ कर्णो ऐं सेजो शींघौ करह्।”

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:19

किन्देंखे के जे तुँऐं संईसारी के हंदे, तअ संईसारी तुओं आरी बंईर ने कर्दी थी; ऐजों जाँणिंयों के तुँऐं आप्णें ही असो; किन्देंखे के मुँऐ तुओं ईयों संईसारी मुँझ्शे च़ूणी-छ़ाँटी थुऐ, ईन्देखे संईसारी तुओं आरी बंईर कर्दी।

यूहन्ना 17:12

जाँव तोड़ी हाँव ईनकी गंईलो रूवा, ताँव तोड़ी मुँऐं ईनू लोग तुवाँरे तेसी नाँव शे, जुण्जा तुऐं मुँखें देऐ थुवा थिया; तिन्दें बंचाऐयों थुऐ, अरह् ईन की रक्षा करी; ईनू मुँझ्शा कोसी का भे नाँष ने हंणों दिती, सुवाऐ छ़त्तिया-नाँष के बैटे का; सेजा भे ईन्देंखे के पबित्र-ग्रन्थों का सेजा बचन पुरा हों।

यूहन्ना 2:2

प्रभू यीशू अरह् तिनके चैले भे जाज्ड़े दे बय्दी थुऐ थिऐ।

यूहन्ना 20:24

परह् जबे प्रभू यीशू तेथै आप्णें खास-चैले कैई आऐ, तअ तैसी बख्त्ते तिनू आरी ऐक ओका खास-चैला थोंमा, तेथै ने थी; जेस्खे दिदुमुस बुली थिया।

यूहन्ना 6:64

तबे भे तुओं मुँझ्शे कंऐयों मुँह गाशी बिश्वाष ने कर्दे।” किन्देंखे के प्रभू यीशू ऐजो आगे ही जाँणों थिऐ; के सेजा कुँण असो, जुण्जा तिन्दा बिश्वाष ने करदा; अरह् तिनू आरी बिश्वाष घात्त करियों तिन खे धोखा देंदा।

यूहन्ना 6:67

तबे प्रभू यीशू ऐ तिनू बारीही चैले खे बुलो, “कियों तुँऐं लोग भे पाछ़ू ज़ाँणों चहाँव?”

यूहन्ना 6:71

ऐजो तिन्ऐ शमौन-इस्करियोती के बैटे यहूदा-इस्करियोती के बारे दो बुलो थियो, किन्देंखे के सेजा ही ऐक तिनू बारीही चैले मुंझ्शा ऐशा थिया; जुण्जा के प्रभू यीशू थंहम्बड़ाणों वाल़ा थिया।

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

प्रेरितो कै काम 1:17

किन्देंखे के तेसी तअ आँमों आरी गिणी थिया, अरह् ईयों सेंवकाई का भे से भागिदार थिया।

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

1 तीमुथियुस 3:11

तैष्णीं ही तेसी सेवाक के घरवाल़ी भे ईमाँनदार हों, अरह् ना से गलत्त बात्त करणों वाल़ी, चुंगलियारी ने हों, परह् से च़ौक्क्ष, अरह् बादी बातो दे बिश्वाष ज़ुगीं हंऐ च़ैई।

तीतुस 2:3

तेष्णी ही बूड़ी तिरंई का चाल-चल़्ण भे पबित्र लोगो जेष्णाँ हुआ चेंई; से बदी लाँणों वाल़ी, अरह् पिय्कड़ ने हई चेंई, परह् आच्छ़ी बातो शिखाँणों वाल़ी हई चेंई

1 यूहन्ना 3:8

पाप कर्णो वाल़ा आदमी शैतान का असो, किन्देंखे के शैतान शुरू शा ही ऊबा पाप करदा रंह्; परह् पंण्मिश्वर का बैटा ईन्देंखे पर्गट हुवा, के शैतान की बादी काँम-काज़ का नाष करी दियों।