यूहन्ना 6:52 - Sirmouri

⁵² ईन्दें गाशी यहूदी लोग आपु मुँझी बाद-बिबाद कर्दे लागे, के “ऐ आमों खे आप्णी देह्-शरीर खाँणों खे कैऐ-कैऐ देऐ सको?”

सिरमौरी नौवाँ नियम

⁵² इयौं बातौ पांदी यहूदी नेता ऐशै बौलेयौ आपी मुंजी झोगड़िंदै लागै, “ऐजा आदमी कैशैकै आमुखै आपणा शोरीर खाणौ कै दैय सौकौ?”

यूहन्ना 6:52 ပူးပေါင်းရင်းမြစ်များ

यूहन्ना 1:19

जबे यहूदी अगवाल़ ऐं यरूशलेम शे याजकों अरह् लेवी लोग संत्त-यूहन्ना नहाँण-कराँणों वाल़े कैई ऐजो पुछ़्दे डेयाल़े, के “तू कुँण असो?” तेने बुलो;

यूहन्ना 10:19

प्रभू यीशू की ऐजी बातो शुँण्णों के कारण, यहूदी निय्म के शिखाँणों वाल़े मुँझी हजो फूट पड़ी।

यूहन्ना 3:4

नीकुदेमुस ऐ प्रभू यीशू खे बुलो, के जबे “आदमी बुड़ा हऐ ज़ाँव, तअ कियों से हजो दुज़ाल़िऐ आप्णी माँ की पैटो दा ज़ाऐयों जन्म लई सको?”

यूहन्ना 3:9

नीकुदेमुस ऐ तिन कैई शो पुछ़ो, “ऐजो कियों-कियों हऐ सको?”

यूहन्ना 4:11

तबे तिऐं तिरंई ऐं प्रभू यीशू खे बुलो, “हे महाँराज! तुँओं कैई कुँऐ शो पाँणी ऊबो गाड़्णों खे किऐ भे ने आथी; अरह् ऐजा कुँवा तअ बैजाऐ नींगुवा असो; तअ तबे तुओं सेजो अमर जीवन को जल केथै शो भेंट्दो?

यूहन्ना 6:41

ईन्देंखे यहूदी लोग तिनू गाशी तुड़-खुड़ाँदे लागे, किन्देंखे के प्रभू यीशू ऐं बुलो थियो, के “जुण्जी रोटी स्वर्गो शी ऊदी ऊत्री, सेजी रोटी हाँव असो।”

यूहन्ना 6:60

प्रभू यीशू के चैले मुँझ्शो भहीतें चैले ऐं ऐजो शुँणियों बुलो, के “ऐजी तअ कठीण शिक्क्षा असो; ऐष्णी शिक्क्षा कुँण माँनी सको?”

यूहन्ना 9:16

ईन्दे गाशी किऐ यहूदी भाट-बाँम्णें ऐं बुलो, “सेजा आदमी पंण्मिश्वर की ढबे शा ने आऐ रंई; किन्देंखे के से बिषाँव के देसो का किऐ भे पाल़्ण ने करदा।” अरह् किऐ लोगे ऐ बुलो, “तअ तबे पापी आदमी ऐष्णें चींह्न-चंम्त्तकार किऐ-किऐ देखाऐ सको?” तबे ईयों बातो लई तिनू सोभी लोगो मुँझी भेद्-भाव लई फूट पड़ी।

प्रेरितो कै काम 17:32

मरियों ऊबे जीऊदें हणों वाल़ी बातो शुँणियों, बादे आदमी ठाठे पाड़दे लागे; अरह् कंई ऐं बुलो, “ऐजी बातो आँमें ताँव कैई शी हजो जादा शुँण्णीं चहाँव।”

1 कुरिन्थियों 2:14

परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।