यूहन्ना 6:5 - Sirmouri

⁵ तबे प्रभू यीशू ऐं आप्णी आखिऐ लोगों के ऐक बड़ी बै-शुमाँर भीड़ आपु कैई आँदे देखी, अरह् तिन्ऐं फिलिप्पुस खे बुलो, “आँमें ईनू सोभी लोगो के खाँणों खे रोटी मोले केथै शी आँणों?”

सिरमौरी नौवाँ नियम

⁵ जोबै यीशुए ऐक बौड़ी भीड़ खै आपणै धोरे आन्दै बैई दैखै, औरौ तोबै फिलिप्‍पुस कैंईदौ पूछु, “आमु इनुखै खाणौ कारिए रोटी कुकै दी मोलै लान्दै?”

यूहन्ना 6:5 ပူးပေါင်းရင်းမြစ်များ

मत्ती 15:33

चैले ऐ प्रभू यीशू खे बुलो, “आँमों ऐसी ऊजाड़ जागल़ों दी ऐत्री रोटी केथै शी भेंट्दी, के आँमें लोगो की ऐत्री बेशुमाँर बड़ी भीड़ कैई शो छ़ह्कियों खियाऐं सको?”

मरकुस 6:32

ईन्दें खे से नाँव दे बऐठियों ज़ई ऐक शुन-शाँन जागा दे हुटे।

लूका 9:10

तबे प्रभू यीशू के सेजै खास-चैले पाछ़ू आऐ, करह् सेजो जू कुछ़ तिन्ऐ करो थियों सेजो सब-कुछ़ प्रभू यीशू कैई आगू बुलो; तबे: प्रभू यीशू ऐ तिनू आप्णी गईलो बेतसैदा नंगर की ढबै नींऐ, अरह् से बादे कैथी ऐकाँन्त्त दे हुटे।

यूहन्ना 1:43

दुज़ै देसे प्रभू यीशू ऐ गलील ईलाके खे ज़ाँणों का ईरादा करा। तबे तिनकी भेंट फिलिप्पुस शी हंऐ, अरह् तिन्ऐं तेस्खे बुलो, “मुँह पाछ़ी आओ।”

यूहन्ना 1:44

फिलिप्पुस, बेतसैदा नंगर का रंहणों वाल़ा थिया; अरह् तेथै के ही अन्द्रियास अरह् पतरस भे थिऐ।

यूहन्ना 1:45

तबे फिलिप्पुस, कैई शा नतनेएल भेटिया, अरह् तेने तेस्खे बुलो, “जैस्के बारे दो ऋषी-मूसा ऐं अज्ञाँ-निय्म दो, अरह् बरंम्बाँणीं कर्णों वाल़े ऋषी ऐं बुलो थियों; सेजै आँमों भेंटी गुऐ, अरह् सेजा यूसुफ का बैटा यीशू जुण्जें नाँसरंत गाँव के रंहणों वाल़े असो।”

यूहन्ना 1:46

नतनेएल ऐ तेस्खे बुलो, “कियो किऐ आछ़ी चींज भे नासरत शी भेंटी सको?” फिलिप्पुस ऐं तेस्खै बुलो, “चालियों आपु देखी पाव।”

यूहन्ना 1:48

नतनेएल ऐ प्रभू यीशू खे बुलो, “तुँऐं मुँह केशा दाँई जाँणों?” प्रभू यीशू ऐ तेस्खे जबाब दिता, “फिलिप्पुस के बंईद्णों शा आगे जेख्णों तू तेरंम्ल़ी के डाल़ो थाँई थिया; तेख्णों मुँऐं ताँव देखी पाया थिया।”

यूहन्ना 4:35

कियों तुँऐं बुल्दे ने, के ‘शाख्हों सह्लाणों खे हेभी चार भीने असो?’ देखो, हाँव तुँओं खे बुलू, आप्णी आखिऐं खेच़ौ दी ज़ैह्ठ पाव, के ऐजे तिनके खेच़ौ शाख्हों सह्लाणों खे पाच़ीं रूऐ।