यूहन्ना 6:46 - Sirmouri

⁴⁶ ऐजों ने जाँणें के बाबा कुँणिऐं देखी थुवा; सिर्फ तेने ही बाबा देखी थुवा, जुण्जा स्वर्गो शा ऊदा आऐ रूवा।

सिरमौरी नौवाँ नियम

⁴⁶ पिता पौरमेशवर कै कौलोंई कुणिए ना दैख रैई। सिरफ जैणै पिता कै दैखै राए सै हांव औसौ, जू तैसकै ढौबौशा आए रौआ।

यूहन्ना 6:46 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

लूका 10:22

मेरे बाबा ऐं मुँह कैई सब-कुछ़ देऐ दितो; कुँऐं ने जाँण्दा के बैटा कुँण असो, परह् सिर्फ बाबा जाँणों: अरह् ना कुँऐ ऐजो जाँण्दा के बाबा कुँण असो; परह् सिर्फ बैटा जाँणों; अरह् सैजा जैस कैई बैटा पर्गट कर्णो चहाँव।”

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 14:7

जे तुँऐं सोत्तिखे मुँह जाँण्दें, तअ तुऐं मेरा बाबा भे जरूर जाँण्दें; परह् ऐबे तुऐ तिनू जाँणों ऐ, अरह् तुऐं तिनू देखी भे थुऐ।”

यूहन्ना 15:24

जे हाँव तिनके बीच दे सेजे काँम-काज़ ने करदा, जुण्जें कुँऐ ओका ने करी सक्दा; तअ से दोषी-कसूरबार ने बंण्दे थिऐ; परह् ऐबे तिन्ऐं मुँह देखी थुवा, अरह् तिन्ऐ मुँह अरह् बाबा दुईं आरी बंईर करी थुओं।

यूहन्ना 5:37

ईन्दें के सुवाऐ बाबा जिन्ऐं मुँह डेयाल़ी थुवा, से मेरे बारे दी ऐजी गुवाऐ-शाज़्त्त दियों; किन्देंखे के ना तअ तुऐं तिनकी बाँणी शुँणी थंई, अरह् ना तुँऐं तिनू कोद्दी भे देखी थंई।

यूहन्ना 7:29

हाँव तिनू जाँणु ऐ, किन्देखे के हाँव तिनका ही असो; अरह् मुँह तिन्ऐं ही डेयाल़ी थुवा।”

यूहन्ना 8:19

ईन्दे गाशी यहूदी भाट-बाँम्णें ऐ प्रभू यीशू शो पुछो; “केथै असो, तेरा बाबा?” प्रभू यीशू ऐं तिनखे जबाब दिता; “ना तअ तुऐं मुँह जाँण्दे, अरह् ना मेरा बाबा जाँण्दें। अरह् जे तुऐं मुँह जाँण्दें, तअ तुऐं मेरा बाबा भे जरूर जाँणी पाँदें।”

यूहन्ना 8:55

तुँऐं तिनू जाँण्दें ने, परह् हाँव तिनू जाँणू ऐं: जे हाँव ऐजो बुल्दा के हाँव तिनू जाँण्दा ने; तअ हाँव भे तुओं जेष्णा झ़ूठा साबित हंऐ ज़ाँदा; परह् हाँव तिनकी बचन दा चालू।

कुलुस्सियों 1:15

से तअ छाँई-माई पंण्मिश्वर का देखाई पढ़णों वाल़ा रूप असो, अरह् बादी संईसारी का जैठा असो।

1 तीमुथियुस 6:16

अरह् सेही सिर्फ अमर असो, अरह् ना तेसी कुणिऐं देखी थई, अरह् ना तेसी कुँऐं आदमी देखी सक्दा; किन्देंखे के से आगी के भाठौ के लहयारे की सैकों कैई रंह्; तिनकी ईज्जत अरह् तिनकी शक्त्ति का परमाँण ज़ूगौ-ज़ूगौ तोड़ी रंह्दा। आमीन!

1 यूहन्ना 4:12

पंण्मिश्वर कद्दी भे कुँणिऐं ने दे:खी थई; जे आँमें आपु मुँझी पियार करह्, तअ पंण्मिश्वर आँमों दा बास करह्, अरह् तिनके पियार दे आँमें बिलकुल शुरे-पुरे संम्लित हऐ गुऐ।