यूहन्ना 6:45 - Sirmouri

⁴⁵ ऋषियों ऐ पबित्र-ग्रन्थों दो लिखी थो, के सेजे लोग बादे पंण्मिश्वर कैई शी शिक्क्षा पाँदे; जेने कुँणिऐं बाबा कैई शो शुँणी अरह् शिखी थो, से मुँह कैई आँदा।

सिरमौरी नौवाँ नियम

⁴⁵ पौरमेशवर कै बातौ बौताणौवाल़ै पवित्र शास्त्र दो ऐजौ लैखै राए, ‘सै सौबै पौरमेशवर कै ढौबौशै शिखाएयौंदे हौन्दै।’ जैसी कोसीए पिता पौरमेशवर कै शुणा औरौ तैसीयांदो शिखै राए, सैजाई मैरै धोरे आन्दा।

यूहन्ना 6:45 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

मरकुस 1:2

जेष्णों बरंम्बाणीं कर्णो वाल़े ऋषी-यशायाह की कताबे दो लिखी थो; “दे:ख हाँव आप्णा दूत्त ताँव शा आगे-आगे भेजूबा; जू ताँव्खें बाट बाँण्ल़ा।

लूका 1:70

जेष्णों तिन्ऐ आप्णे पबित्र ऋषियों के मुँह ज़ात्ती शो जुण्जे ज़ूगौ-ज़ूगौ शे ऊँबे हुऐ, अरह् आऐ; तिन्ऐं बुलो थियों।

लूका 18:31

तबे प्रभू यीशू ऐ आप्णे बारंह् खास-चैले आप्णी गईलो नींऐंयों बुलो, के “दे:खो, आँमें यरूशलेम खे ज़ाँदे लागे, अरह् जै-तोड़ी बातो आदमी के बैटे की बारे दी ऋषियों के जाँणें लिखी गंई थी, सेजी बादी बातो ऐबे पुरी हंदी।

यूहन्ना 10:27

मेरी भैंड़ो मेरो चूचकार्णो शुँणों ऐ, अरह् हाँव तिनू पंह्छ़ियाँणू ऐं; अरह् से मुँह पाछ़ी-पाछ़ी चालो।

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

यूहन्ना 6:65

प्रभू यीशू ऐ बुलो, “ईन्देंखे मुँऐं तुँओं खे बुलो थियों, के जाँव तोड़ी कोसी खे बाबा कैई शा ऐजा बरदाँन ने भेटो, ताँव-तोड़ी कुँऐ भे मुँह कैई ने आऐ सक्दा।”

प्रेरितो कै काम 13:40

ईन्देंखे च़ौक्क्ष रूऐ, कंदी ऐशो ने हंईयों के ऋषियों की कताबी दी लिखी अंदी बातो; तुओं गाशी ने पड़ो।

प्रेरितो कै काम 7:42

पंण्मिश्वर ऐ तिनू शो आप्णों मुँख्ह मुँड़ियों तिनू छुड़ी दिते, अरह् तिनू इस्राएली लोग असमाँनों के नौं-ग्रोह्; नंक्षत्रों के अरार्धना कर्णो खे छुड़ी दित्ते; जेष्णों के ऋषियों के कताबे दा लेख लिखी थुवा: के ओ, इस्राएलियों! कियो तुँऐं लोगे ऐ शुनं-शाँन जागा दो च़ाल़िष साल्ह् तोड़ी मुँखे पशु-बल़ी अरह् अंन्न-बल़ी के भेंट चड़ाऐ थी? के चड़ाई ने!

इफिसियों 1:17

के अमाँरे प्रभू यीशू मसीया का पंण्मिश्वर जू शक्त्तिशाली पिता असो; से तुओं खे ज्ञाँन अरह् बखाँण के आत्त्मा दियों; जिन्दें लंई तुऐ सोत्तिखे पंण्मिश्वर आच्छ़े ढंग शा जाँणीं सको।

फिलिप्पियों 3:15

आँमों मुझ्शे केतोड़े लोग आपु आप्खे सीद्ध जाँणों, अरह् ऐजा ही बिचार थुऐं; अरह् जे कोसी बातो दे तुवाँरा ओका ही किऐ बिचार असो, तअ पंण्मिश्वर तेसी भे तुँओं गाशी पर्गट करह्।

1 थिस्सलुनीकियों 4:9

परह् भाई के प्यारो के बारे दो ऐजो जरूरी ने आथी, के हाँव तुँओं खे किये लिखू, किन्देंखे के आपु मुँझी प्यार थंणों, आँमें आपु ही पंण्मिश्वर कैई शो शिखी थो;

इब्रानियों 10:16

“प्रभू बुलो: के जुण्जी वाचा हाँव तिनू देसो पाछी तिनू आरी करूबा, से ऐजी असो; के हाँव आप्णे निय्म तिनके दिल दे लिखी देऊँबा; अरह् हाँव तिनके मंन दे बंसाऐ देऊँबा।”

1 यूहन्ना 2:27

परह् तुवाँरा राज तिलक जुण्जा तिनके जाँणें करा गुवा, सेजा तुँओं दा पाक्का अट्ल़ रंह; अरह् तेसी राज तिलक के असर लई, ऐजो जरूरी असो, के कुँऐ तुँओं खे किऐ ओकी शिक्क्षा ने दियों; किन्देंखे के जुण्जी शिक्क्षा तुँओं खे देऐ थऐ, अरह् जुण्जो तुँओं कैई शो शिखाऐ थो; सेजो साच्चो असो, अरह् तुँऐं तियों ही शिक्क्षा के मुँताबिक मसीया दे पाके अट्ल़ रंह।