यूहन्ना 6:39 - Sirmouri

³⁹ अरह् जिन्ऐं मुँह डेयाल़ी थुवा, तिनकी हिछ़या ऐजी असो; के जिनू तिन्ऐं मुँखे देऐ थुऐ; हाँव तिन मुँझ्शा ऐक भे नाँष ने हंणों देऊँ, परह् तिनू सोभी आखरी के देसो दे हजो पाछ़ू ऊँबे जीऊँदे करी देऊँबा।

सिरमौरी नौवाँ नियम

³⁹ औरौ मैरै भैजणौवाल़ै खै इछा ऐजी औसौ कै जू किछै तैणै मुखै दैय राए तिथमुंजी दौ हांव किछै ना खोऊं, पौरौ तैसी आखरी दूसै हौजौ मौरेयौंदे मुंजीदै जियुंदै कौरे दियु।

यूहन्ना 6:39 ပူးပေါင်းရင်းမြစ်များ

मत्ती 10:15

हाँव तुओं खे खास बात बुलू, के नियाँव के देसे, जबे पंणमिशवर तेसी नंगर खे सजा देला, तअ सेजी सजा सदोम, अरह् अमोरा के नगर, शे भे जादा बुरी हंदी।”

मत्ती 18:14

तेष्णा ही तुवाँरा स्वर्गो का पिता भे चहाँदा ने, के ईनू छ़ोटे मुँझ्शा ऐक भे कुँऐं छ़ुटा नाँष हों।

लूका 12:32

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

यूहन्ना 12:48

जुण्जा कुँऐं मुँह ने माँन्दा, अरह् ना मेरे बचन धारण करदा; तेसी दोषी-कसूरबार बाँण्णों वाल़ा, हाँव ने आथी: परह् सेजे बचन ही असो, जुण्जे नियाँव के देसे तेसी आदमी सदा खे दोषी-कसूरबार बाँण्दें।

यूहन्ना 17:12

जाँव तोड़ी हाँव ईनकी गंईलो रूवा, ताँव तोड़ी मुँऐं ईनू लोग तुवाँरे तेसी नाँव शे, जुण्जा तुऐं मुँखें देऐ थुवा थिया; तिन्दें बंचाऐयों थुऐ, अरह् ईन की रक्षा करी; ईनू मुँझ्शा कोसी का भे नाँष ने हंणों दिती, सुवाऐ छ़त्तिया-नाँष के बैटे का; सेजा भे ईन्देंखे के पबित्र-ग्रन्थों का सेजा बचन पुरा हों।

यूहन्ना 17:2

किन्देंखे के तुऐं आप्णें बैटे खे बादी जाँत्ती, अरह् बादे प्राँणीं गाशी हंक-अधिकार देऐ थुवा; के तुवाँरा बैटा ईनू सोभी खे अमर-जीवन दियों, जिनू तुऐं आप्णें बैटे के हाँथ दे देऐ थुऐ।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

यूहन्ना 17:6

“मुँऐ तुँओं तिनू सोभी गाशी पर्गट करी पाऐ, जिनू तुऐं ईयों संईसारी शे च़ूणी-छ़ाँटियों मुँखे देऐ थुऐ थिऐ; सेजे लोग तुवाँरे असो, जिनू तुऐं मुँह कैई देऐ थुऐ थिऐ; अरह् तिन्ऐं तुवाँरे बचन का पाल़्ण भे करी थुवा।

यूहन्ना 17:9

“मेरी तुओं कैई शी बिनत्ती-प्रार्थना संईसारी की ताँईऐ ने आथी, परह् तिनू लोगों की ताँईऐं जुण्जे तुवाँरे असो; अरह् जिनू लोग तुऐं आपु मुँह कैई देऐ थुऐ।

यूहन्ना 18:9

ऐष्णों ईन्देंखे हुओ, के प्रभू यीशू का बुला अंदा बचन पुरा हों; के “तुऐं जिनू आदमी मुँखे देऐ थुऐ, तिनू मुँझ्शा ऐक भे आदमी हाँव नाँष ने हंणों देऊँ।”

यूहन्ना 5:28

ईन्देंखे हराँन ने हुऐ; किन्देंखे के सेजा बख्त्त आऐ पुज़ा, के जै-तोड़े मँरे अँदे लोग खात्ती-कबर दे असो; से तिन की धाव शुँणियों खात्ती-कबर शे बाँईडे आले।

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 6:44

कुँऐं मुँह कैई ने आऐ सक्दा, जाँव तोड़ी के बाबा, जिन्ऐं मुँह डेयाल़ी थुवा, से तेसी आदमी खींचियों ने आँणों; अरह् हाँव तेसी आदमी आखरी के देसे हजो ऊँबा जीऊँदा करूबा।

यूहन्ना 6:54

जुण्जा मेरी देह्-शरीर खाँव, अरह् मेरो लह्ऊँ पीयों, अमर-जीवन तेस्का ही असो; अरह् आखरी के देसे हाँव तेसी आदमी ऊबा जीयाल़ूबा।

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

1 कुरिन्थियों 6:14

पंणमिश्वरे आप्णी शक्त्ति लई सिर्फ प्रभू ही ने जियाल़ी, परह् से आँमों भे तियों ही शक्त्ति लई पाछु ऊबे जियाल़्दे।

2 तीमुथियुस 2:19

तबे भे पंण्मिश्वर कि पाक्की पह्-नींव अट्ल़ असो, जिन्दें गाशी ऐजी मुँहर-छ़ाप लागीं रंऐ; के “प्रभू तिनू जाँणों ऐं, जुण्जें प्रभू के असो,” अरह् जुण्जा कुँऐं प्रभू का नाँम लों, से अपराध के शा बंचा अंदा रंह्।

याकूब 5:15

अरह् बिश्वाष की प्रार्थना लई सेजा रूगी चाँगा हऐयों प्रभू के नाँव शा बंची ज़ाला, अरह् जे तेने किऐ पाप करी थुऐ, तअ प्रभू सेजे भे तेस्खे माँफ करी देला।

1 पतरस 1:5

जुण्जा बिश्वाष के जाँणें पंणमिश्वर की शक्त्ति, लई ज़ूगौ के आखरी दा पर्गट होंणों खे छुट्कारे खे सुवाँ करियों थऐ थुवा स्वर्गो दा।

यहूदा 1:1

संत्त-यहूदा के ढबे शा जू प्रभू यीशू मसीया का दास अरह् याकूब का भाऐ असो, तुँओं सोभी खे जुण्जे परमं-पिता पंण्मिश्वर के जाँणें बईदे गुऐ सेजै प्यारे असो; अरह् प्रभू यीशू मसीया खे बंचाऐयों थुऐ गुऐ।