यूहन्ना 6:37 - Sirmouri

³⁷ बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

सिरमौरी नौवाँ नियम

³⁷ जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

यूहन्ना 6:37 ပူးပေါင်းရင်းမြစ်များ

मत्ती 11:28

“हे बादे मेंह्नत कर्णो वाल़े, अरह् बोझ़-भार थाई दबे अंदे लोगो, मुँह कैई आओं; हाँव तुँओं खे बिषाँव देऊँबा।

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

यूहन्ना 17:11

“ऐबे हाँव ईयों संईसारी दा ने रंह्दी, परह् ऐजे लोग तअ ईयों ही संईसारी दे रंह्दे; अरह् हाँव तुँओं कैई आँदा लागा, हे पबित्र-पिता! ईनू आप्णें तेसी नाँव दे, जुण्जो नाँव तुँऐं मुँखे देऐ थो; तिन्दें बंचाऐयों थुऐ, अरह् ईनकी रक्षा करे, जू ऐजे लोग भे ऐक हों; जेष्णें आँमें ऐक असो।

यूहन्ना 17:2

किन्देंखे के तुऐं आप्णें बैटे खे बादी जाँत्ती, अरह् बादे प्राँणीं गाशी हंक-अधिकार देऐ थुवा; के तुवाँरा बैटा ईनू सोभी खे अमर-जीवन दियों, जिनू तुऐं आप्णें बैटे के हाँथ दे देऐ थुऐ।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

यूहन्ना 17:6

“मुँऐ तुँओं तिनू सोभी गाशी पर्गट करी पाऐ, जिनू तुऐं ईयों संईसारी शे च़ूणी-छ़ाँटियों मुँखे देऐ थुऐ थिऐ; सेजे लोग तुवाँरे असो, जिनू तुऐं मुँह कैई देऐ थुऐ थिऐ; अरह् तिन्ऐं तुवाँरे बचन का पाल़्ण भे करी थुवा।

यूहन्ना 6:39

अरह् जिन्ऐं मुँह डेयाल़ी थुवा, तिनकी हिछ़या ऐजी असो; के जिनू तिन्ऐं मुँखे देऐ थुऐ; हाँव तिन मुँझ्शा ऐक भे नाँष ने हंणों देऊँ, परह् तिनू सोभी आखरी के देसो दे हजो पाछ़ू ऊँबे जीऊँदे करी देऊँबा।

यूहन्ना 6:65

प्रभू यीशू ऐ बुलो, “ईन्देंखे मुँऐं तुँओं खे बुलो थियों, के जाँव तोड़ी कोसी खे बाबा कैई शा ऐजा बरदाँन ने भेटो, ताँव-तोड़ी कुँऐ भे मुँह कैई ने आऐ सक्दा।”

यूहन्ना 9:34

ऐजो तेसी आदमी कैई शो जुण्जा आगे पेट्-आँदा थिया; सेजे यहूदी अगवाल़ लोग तबे: तेस्खे बुल्दे लागे! “तू, तअ बिलकुल पाप दा पंय्दा हऐ रूवा! तअ ऐबे कियों तू आँमों शिखाँई दा?” अरह् ऐजो बुलियों तिन्ऐं तेसी यहूदी च़ौत्रें शा बाँईडा गाड़ा।

रोमियों 5:20

ऋषी-मूसा खे भेटे गुऐं निय्म बीचो दे आऐ गुऐ, जू अपराध बेजाऐ हों, परह् जेथै पाप बेजाऐ हुआ, तेथै कृपा तिन्दें शी भे बेजाऐ हऐ,

फिलिप्पियों 1:29

किन्देंखे के मसीया के जाँणें तुँओं गाशी ऐजी कृपा हऐ रऐ, तेस गाशी सिर्फ बिश्वाष ही ने करे, परह् तिनकी ताँईऐं दु:ख भे भूगो,

1 तीमुथियुस 1:16

परह् मुँह गाशी ईन्देंखे दया-रंय्म करी, के मुँह सब शे बड़े पापी दी यीशू मसीया ऐ आप्णी असीम सहय्नशीलता देखाऐ, जू लोग तिनू गाशी अमर-जीवन पाणों खे बिश्वाष करह्, जू हाँव तिनू लोगो खे ऐक नँमूना बंणू।

2 तीमुथियुस 2:19

तबे भे पंण्मिश्वर कि पाक्की पह्-नींव अट्ल़ असो, जिन्दें गाशी ऐजी मुँहर-छ़ाप लागीं रंऐ; के “प्रभू तिनू जाँणों ऐं, जुण्जें प्रभू के असो,” अरह् जुण्जा कुँऐं प्रभू का नाँम लों, से अपराध के शा बंचा अंदा रंह्।

इब्रानियों 4:15

किन्देंखे के अमाँरा ऐष्णा महाँ-याजक ने आथी, जू अमाँरी कंमजूरी दा अमाँरी गईलो सुखो-दुखो का साथी ने बंणों; मतल्व से बादी बातो दा आँमों जेष्णाँ परखा-अजमाँया गुआ, तबे भे से बै-कसूर नींक्ल़ा।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

प्रकाशितवाक्य 22:17

पबित्र-आत्त्मा अरह् दुल्ह्नं ईनू दुई की ऐजी ही बिनन्त्ति असो; “आओ!” जेने शुँणीं लुओं, से भे बुलो; “आओ!” सेजा जुण्जा च़ींषा असो से भे पीयों, अरह् जुन्जा कुँऐ हिछ़ुक असो, से भे ऐई मु़ँझ़ी दाँण भेट्णों के रूप दो जीवन को जल मुँझ़्शो पीयों।